Éxodo 15:2 - DIOSPA QHELQACHISQAN DEUTEROCANONICAL

² Tata Diospaj takipusaj. Payqa kacharichiwajniy, kallpata qowajtaj. Paymin Diosneyqa, payta yupaychasaj. Payqa tataypa Diosnin, payta jatunchasaj.

Qheshwa Biblia DC

² Señorman takisaj. Pay noqaj salvacionniy, kallpaytaj. Kaymin Diosneyqa, Payta yupaychasaj, tataypa Diosnin; Payta jatunchasaj.

DIOSPA QHELQACHISQ

² Tata Diospaj takipusaj. Payqa kacharichiwajniy, kallpata qowajtaj. Paymin Diosneyqa, payta yupaychasaj. Payqa tataypa Diosnin, payta jatunchasaj.

Éxodo 15:2 ပူးပေါင်းရင်းမြစ်များ

Isaías 12:2

Diosmin kacharichiwajneyqa. Payllapi noqa atinikuni, manaña ni imamanta manchachikusajchu. Tata Dios kallpachawajneyqa, payllamantapuni takisaj, imaraykuchus paylla atipanaypaj yanapawan.

Salmos 118:14

Chayrayku kallpachawaj Tata Diosman noqa takini. Paymin qhespichiwajneyqa.

Salmos 18:46

46 (47) Tata Dios jatunchasqa kachun, waqaychawajneyqa yupaychasqa kachun. Qhespichiwaj Diosneyqa yupaychasqa kachun.

Salmos 59:17

17 (18) Diosníy, qanta yupaychaspa takipusqayki, imaraykuchus qanmin jark'akuwajniy kanki, pakakunaytaj, khuyakuwaj Diosniy ima.

Isaías 25:1

Tata Dios, qanmin Diosniy kanki. Sutiykita pataman oqharispa jatunchasqayki, yupaychasqaykitaj, imaraykuchus qanmin t'ukuna imakunata ruwarqanki. Chaykunata unaymantapacha wakicherqanki, kunantaj chayta junt'arqanki.

Salmos 140:7

7 (8) Tukuyta Kamachej Tata Diosníy, qanmin kanki atiyniyoj qhespichiwajneyqa. Maqanaku p'unchaypi qanmin waqaychawanki.

Salmos 99:9

Tata Diosninchejta jatunchaychej, jinataj ajllakusqan orqoj ñawpaqenpi k'umuykukuychej. Tata Diosninchejqa may llimphumin.

Apocalipsis 15:3

Jinapi paykuna Diospa kamachin Moisespa takiyninta, chantá Corderoj takiyninta ima takisharqanku: Tukuyta Kamachej, Tukuy Atiyniyoj Dios, ruwasqaykeqa ancha jatun, t'ukunapajtaj. Tukuy imatachus ruwasqaykeqa cheqanmin, cheqataj. Qanqa tukuy suyuta Kamachejmin kanki.

Filipenses 2:11

Jinallataj tukuy runakuna Jesucristo Tukuyta Kamachej kasqanta rimarenqanku, ajinamanta Tata Dios jatunchasqa kananpaj.

Salmos 118:28

Qanmin Diosniy kanki, noqataj pachis niyki. Qanmin Diosniy kanki, noqataj sutiykita jatunchasaj.

Salmos 99:5

Jatunchaychej Tata Diosninchejta, ñawpaqenpitaj qonqorikuychej. Diosqa may llimphumin.

Salmos 34:3

3 (4) Noqawan khuska, uj kunkallataj, Tata Diospa jatun sutinta yupaychanachej.

Deuteronomio 10:21

Payllamin yupaychanaykichejpaj jina, payllamin Diosniykichejqa, pichus rikushajtiykichej qankunarayku t'ukuna imakunata ruwarqa, chay.

Éxodo 3:6

Chantá nillarqataj: Noqa ñawpa tataykikunaj Diosnin kani, Abrahampata, Isaacpata, Jacobpatawan ima, nispa. Moisestaj chayta uyarispa, uyanta qhataykukorqa, imaraykuchus Diosta qhawayta manchachikorqa.

2 Corintios 5:19

Kaytaj niyta munan Diosqa Cristonejta tukuy runata paywan allinyachisqanta, juchankuta qonqayman churaspa. Chantá pay kamachiwarqayku Dioswan allinyakunamanta wajkunaman willanaykuta.

Hechos 4:12

Mana waj runanejta pipis qhespichisqa kayta atinmanchu manachayqa Jesucristonejllata. Diosqa tukuynin kay pachapi mana waj sutita churanchu, paypi atinikuspa noqanchej qhespichisqa kananchejpaj, nispa.

Salmos 145:1

(1b) Diosníy, Kuraj Kamachejníy, jatunchasqayki, wiñay wiñaypajtaj sutiykita yupaychasaj.

2 Samuel 22:47

Jatunchasqa kachun Tata Diosqa. Waqaychawajqa saminchasqa kachun. Jatunchasqa kachun kacharichiwaj Diosneyqa.

Éxodo 14:13

Moisestajrí israelitakunata nerqa: Ama manchariychejchu, pachanpi sayaychej, rikunkichejtaj Tata Dios qankunata kacharichisunaykichejpaj imatachus ruwananta. Kunallantawanña Egipto llajtayojkunaj uyankuta rikunkichej. Kaymanta qhepamanrí niña jayk'ajpis paykunata rikunkichejñachu.

Éxodo 4:22

Chantá faraonta ninki: Tata Dios ajinata nisunki: Israelqa noqaj kuraj kaj churiymin.

Efesios 2:22

Ajinallatataj qankunapis Cristoman ujchasqa kasqaykichejrayku, chay wasimanta kankichej, mayqenpichus Diosqa Santo Espiritunejta tiyakun, chaymanta.

Isaías 49:6

Pay niwan: Qanqa kamachiy kanki, mana Jacobpa ayllullantachu watej sayarichinaykipaj, nitaj Israelmanta puchojkunallatachu kutirichimunaykipaj. Aswanpis waj suyukunapaj k'anchay jina kanaykipaj churayki, noqa qhespichej kasqayta tukuy kay pachaj k'uchunkama willamunaykipaj, nispa.

Salmos 109:1

(1b) Yupaychasqay Diosnilláy, ama ch'inlla kakuychu.

Salmos 27:1

(1b) Tata Diosqa k'anchawajniy, qhespichiwajniytaj. Pimantataj manchachikusajri? Tata Diosqa kallpachawajniy, tukuy mana allin kajmanta jark'akuwajniy ima. Imajtintaj imatapis manchachikuyman kasqari?

Éxodo 40:34

Chantá Dioswan Tinkukuna Toldota phuyu p'ampaykorqa, Tata Diospa jatun kayninpa lliphipiynintaj toldoman junt'aykorqa.

Apocalipsis 19:1

Chay qhepata janaj pachapi ashkha runaj parlasqanta jina uyarerqani. Paykuna ajinata nisharqanku: Tata Diosninchej jatunchasqa kachun, imaraykuchus payqa tukuy atiyniyoj, jinataj qhespichiwarqanchej. Chayrayku, jatunchasqapuni kachun.

Filipenses 4:13

Tukuy imaymana rikhurimojtin, noqaqa sinch'ita sayayta atini Cristo kallpachawasqanrayku.

San Juan 5:23

Ajinamanta tukuy runakuna Churinta maypaj qhawanqanku, imaynatachus Tata Diosta maypaj qhawanku, ajinata. Pillapis Diospa Churinta mana maypaj qhawajrí nillataj kachamoj Tatantapis maypaj qhawanchu.

San Juan 4:22

Samaritanokunaqa pitachus yupaychasqaykichejta mana yachankichejchu. Noqaykurí pitachus yupaychasqaykuta yachayku, imaraykuchus Qhespichejqa judiokuna ukhumanta rikhurimonqa.

San Lucas 2:30

Noqaqa kikin ñawiywan kachamusqayki qhespichejta rikuni,

San Lucas 1:77

Qanqa ayllunman willanki Dios paykunata qhespichinanta, juchankutapis pampachananta ima.

Zacarías 13:9

Chay qhepakojkunarí ninawan ch'uwanchasqa kanqanku. Imaynatachus runa qolqe metalta ninapi ch'uwanchan, chayrí qorita ch'uwanchan, ajinata noqapis paykunata llimphuchasaj. Chaypacha paykunaqa sutiyta oqharenqanku Diosninkupaj rejsikapuwasqankurayku, noqataj mañakuwasqankuta uyarisaj. Chantá paykunata nisaj: Qankuna aylluy kankichej, nispa. Paykunataj kutichiwanqanku: Tata Diosqa Diosninchej, nispa. Noqa Tata Diosmin chayta nini.

Jeremías 32:38

Paykuna aylluy kanqanku, noqataj Diosninku kasaj.

Jeremías 31:33

Aswan qhepamanrí Israelwan tratota ruwasaj, chay tratotaj kay jina kanqa: Kamachisqayta yuyayninkuman churasaj, sonqonkupitaj qhelqaykusaj. Noqa Diosninku kasaj, paykunataj aylluy kanqanku. Noqa Tata Diosmin chayta nini.

Jeremías 3:23

Cheqapuni qhasi kasqa orqo pataman lantikunata yupaychaj wicharisqaykoqa, jinallataj orqokunapi qhaparqachasqaykupis. Diosniyku Tata Diosllamin Israel suyuta yanapawasqayku.

Isaías 66:1

Tata Dios nin: Janaj pachaqa noqaj kamachinay tiyana, kay pachataj chakiypa sarunan. Jina kajtenqa, maypitaj wasita ruwapuwankichejmanri? May cheqapitaj noqaqa samarikusajri?

Isaías 45:17

Tata Dios israelitakunata wiñaypaj qhespichenqa. Paykunataj manaña jayk'ajpis p'enqachisqachu nitaj k'umuykachachisqachu kanqanku.

Salmos 132:5

Tata Diospaj uj cheqata tarinaykama, Jacobpa Tukuy Atiyniyoj Diosnin chaypi tiyakunanpaj, nispa.

Salmos 68:20

20 (21) Diosninchejqa qhespichej Diosmin. Tukuyta Kamachej Tata Diosllamin wañuypa atiyninmanta kacharichiyta atiwanchej.

Salmos 30:1

1 (2) Tata Dios, kacharichiwasqaykirayku noqa jatunchayki, imaraykuchus qanqa awqaykuna asipayanawankuta mana saqerqankichu.

Salmos 28:8

Tata Diosqa ayllunman kallpata qon. Payllataj ajllakusqan kuraj kamachejta kallpachan, waqaychantaj.

Salmos 22:10

10 (11) Manaraj paqarishajtiy, noqaqa ojllayniykipi karqani, mamaypa wijsanmantapacha qanqa Diosniy kanki.

Salmos 22:3

3 (4) Qantajrí may llimphu kaj Dios kaspa, kamachinki, tukuy israelitakunaj yupaychasqan kanki.

1 Reyes 8:27

Chaywanpis cheqapunichu Diosqa kay pachapi tiyakunman? Janaj, aswan patapi janaj pachakunapis mana wakisuyta atishajtin, imaynatataj kay wasita ruwapususqaypi tiyakuyta atiwajri?

1 Reyes 8:13

Noqataj sumaj Templota ruwapuyki, wiñaypaj chaypi tiyakunaykipaj, nispa.

2 Samuel 22:51

Qanqa noqa ajllakusqayki kuraj kamachejta may chhika kutita maqanakupi atipacherqanki. Munakuspa noqa Davidta, miraynintawan wiñaypaj waqaychanki, nispa. Ajinata Davidqa Tata Diosta jatuncharqa.

2 Samuel 7:5

Riy, parlamuy kamachiy Davidwan, willaytaj noqa Tata Dios imatachus payman nisqayta: Mana qanchu noqapajqa uj templota ruwanki chaypi tiyakunaypaj.

Génesis 17:7

Qanwan kay ruwasqay trato, jinataj qhepanejman qanmanta mirajkunawan trato ruwasqaypis wiñay wiñaypaj kanqa. Noqaqa qanpa Diosniyki wiñaypaj kasaj, jinallataj paykunajtapis.

Colosenses 2:9

Cristoj yachachisqanrí aswan allinmin, imajtinchus Cristo runaman tukuspa jamojtin, imaynachus Dios kasqanqa, chay tukuy paypi karqa.

Génesis 49:18

Tata Diosníy, suyani qan qhespichinawaykita.

Jueces 5:21

Mayu, ñawpa mayu, Cisón nisqa mayu tukuy paykunata apakaporqa. Jinapis noqa Débora kallpachakuspa ñawpajman puririsaj.

Salmos 48:14

14 (15) Ajinamin Diosninchejqa, payqa wiñay wiñaypaj Diosninchejmin. Pay wañupunanchej p'unchaykama pusawasunchej, nispa.

Habacuc 3:13

Qan aylluykita yanapaj llojsimunki, jinallataj ajllakusqayki kamachejta yanapanki. Millay runaj wasinpa qhatantapis qan phirerqanki, cimientontapis ura k'uchunkama rikhuricherqanki.

Éxodo 6:7

Noqa qankunata aylluypaj jap'ikapusqaykichej, noqataj Diosniykichej kasaj. Ajinamanta yachankichej noqa Tata Diosniykichej Egiptopi wata runa kanaykichejmanta kacharichisqayta.

2 Samuel 7:24

Qan churarqanki Israelta wiñaypaj aylluyki kananpaj, Tata Diosnin kanaykipajtaj.

2 Samuel 22:3

Diosníy, qan kanki pakakunay chhanka, jark'akuwajniytaj. Atiyniykiwan qhespichiwanki, alto patapi sumaj pakakunaytaj kanki. Qanlla mana allin ruwajkunamanta jark'akuwanki.

1 Crónicas 16:14

Paymin Tata Diosninchejqa. Tukuy kay pachata paymin kamachin.

Salmos 118:21

Pachis niyki, Tata Dios, uyariwasqaykimanta, qhespichiwasqaykimanta ima.