Éxodo 13:3 - DIOSPA QHELQACHISQAN DEUTEROCANONICAL

³ Moisestaj israelitakunata nerqa: Kay p'unchaymanta yuyarikunkichej, imajtinchus kay p'unchayta Tata Diosqa Egiptopi wata runa kanamanta may jina atiyninwan orqhomusorqachej. Chayrayku kay p'unchaypi levadurawan ruwasqa t'antata ama mikhunkichejchu.

Qheshwa Biblia DC

³ Moisestaj runasman nerqa: Kay diamanta yuyarikuychej, mayk'ajchus Egiptomanta Señor orqhomusorqachej jatun atiyninwan kamachillapuni kanaykichejmanta. Chayrayku ama mikhuychejchu levadurayoj t'antataqa.

DIOSPA QHELQACHISQ

³ Moisestaj israelitakunata nerqa: Kay p'unchaymanta yuyarikunkichej, imajtinchus kay p'unchayta Tata Diosqa Egiptopi wata runa kanamanta may jina atiyninwan orqhomusorqachej. Chayrayku kay p'unchaypi levadurawan ruwasqa t'antata ama mikhunkichejchu.

Éxodo 13:3 ပူးပေါင်းရင်းမြစ်များ

Génesis 15:16

Tawa pachaj wata tukukuytataj mirayniykeqa kay jallp'aman kutimponqanku, imajtinchus kaypi tiyakoj amorreokunaj millayta ruwasqankoqa manaraj chaykamachu. Chayrayku paykunata manaraj chinkarparichisajchu, nispa.

1 Reyes 8:42

imaraykuchus uyarenqanku sutiyki, atiyniykipis manchay jatun kasqanta. Sichus kay Temploykiman mañakusoj jamusunkuman chayqa,

1 Crónicas 16:12

Jatuchaj t'ukuna ruwasqanmanta yuyarikuychej, kamachisqankunata qowasqanchejmantapis.

Nehemías 1:10

Noqayku israelitakunaqa qanpa kamachiykikuna, aylluykitaj kayku, pikunatachus qan preciota pagaspa jatun atiyniykiwan, kallpaykiwantaj kacharicherqanki, chaykuna.

Nehemías 9:10

Chayrayku faraonpa contranpi, kamachinkunaj contrankupi, jinataj chay jallp'api tukuy runajpa contrankupi ima runaj mana jayk'aj rikusqanta, may t'ukuna imakunata qan rikucherqanki, imaraykuchus rikorqanki imaynatachus israelitakunata llakichisqankuta. Jinamanta sutiyki may uyarisqa kashan kunankama.

Salmos 105:5

T'ukuna ruwasqanmanta tukuy yuyarikuychej, tukuy kamachisqanta sut'inchasqanmantapis.

Salmos 114:1

Maypachachus israelitakuna Egiptomanta llojsimorqanku, Jacobpa ayllun mana rejsisqa suyuta saqerqa chaypacha,

Salmos 136:11

Jinallataj Egiptomanta israelitakunata orqhojman pachis niychej, imaraykuchus munakuynenqa wiñay wiñaypajmin.

Salmos 136:12

Payqa Egiptopi atiyniyoj kasqanta rikucherqa, imaraykuchus munakuynenqa wiñay wiñaypajmin.

Salmos 89:14

14 (15) Kamachinayki tiyanaqa justicia patapi, cheqan kaj patapi ima sayachisqa. Munakuywan, cheqa kajwantaj ñawpaqeykita rinku.

Éxodo 12:15

Qanchis p'unchayta mana levadurayoj t'antata mikhunkichej. Ajinaqa, raymi qallariymantapacha wasiykichejpi manapuni levadura kananchu tiyan. Pillapis chay qanchis p'unchaypi levadurayoj t'antata mikhojqa israelitakuna ukhumanta wijch'usqa kanqa.

Éxodo 12:17

Ajinata Mana Levadurayoj T'anta Mikhuna raymita ruwankichejpuni, Egiptomanta qankunata orqhomusqayta yuyarikunaykichejpaj. Chayrayku wiñay wiñaypaj kamachisqa kasqanta qhawaspa, qankuna sapa wata raymita ruwankichejpuni.

Éxodo 12:19

Qanchis p'unchayta wasiykichejpi mana levadura kananchu tiyan. Sichus pipis levadurayojta imatapis mikhunman chayqa, pay israelitakuna ukhumanta wijch'usqa kanqa, Israel llajtayoj kachun, chayrí waj llajtayojpis.

Éxodo 12:2

Kunanmanta qankunapaj kay killaqa maypaj qhawana killa kanqa, wata qallariy killa.

Éxodo 12:41

Chay watakuna junt'akojtin, chay kikin p'unchaypi israelitakuna Tata Diospa soldadonkuna jina, Egiptomanta llojsiporqanku.

Éxodo 12:42

Chay tuta Tata Diosqa israelitakunata Egiptomanta orqhonanpaj qhawasharqa. Chayrayku israelitakunaqa wiñay wiñaypaj sapa wata chayta yuyarikunanku karqa.

Éxodo 12:8

Chay ch'isitaj aychata kankaspa, jaya qhorayojta, chantá mana levadurayoj t'antatawan ima mikhunkichej.

Éxodo 13:14

Qhepanejman sichus wawaykichej tapusunkichej: Imaraykutaj kayta ruwashanchejri? nispa chayqa, ninkichej: Tata Diosmin Egiptopi wata runa kashajtiyku, may jina atiyniywan orqhomuwarqayku.

Éxodo 13:9

Sapa wata ruwankichej, chay raymeqa yuyarikunaykichejpaj kanqa, imaynachus makiykichejpi, manachayqa frenteykichejpi k'illpasqa señal jina, Tata Diospa kamachisqanmanta parlanaykichejta yuyarikunaykichejpaj. Chayrayku ninakunkichej: Tata Diosqa may jina atiyninwan Egiptomanta orqhomuwarqanchej.

Éxodo 20:2

Noqa Tata Diosniyki kani, pichus Egiptopi wata runa kashajtiyki orqhomorqayki, chay.

Éxodo 20:8

Samarina p'unchayta ama qonqankichu, noqapaj t'aqasqa p'unchayniy kasqanrayku.

Éxodo 23:15

Mana Levadurayoj T'anta raymita ruwankichej. Imaynatachus nisusqayman jina, qanchis p'unchayta mana levadurayoj t'antata mikhunkichej. Chaytaqa Aviv killapi mikhunkichej, imaraykuchus chay killapi Egiptomanta llojsimorqankichej. Amataj pipis noqaman ch'usaj makilla jamuwanqachu.

Éxodo 3:20

Chayrayku noqaqa sinch'i atiyniyoj kasqayta rikuchisaj. Tukuy imaymana t'ukunata ruwaspa, Egipto llajtayojkunata ñak'arichisaj. Chaymantaraj ripojta saqesonqachej.

Éxodo 34:18

Kamachisqayman jina Mana Levadurayoj T'anta Mikhuna raymita ruwankichej. Qankunaqa qanchis p'unchayta mana levadurayoj t'antata ruwaspa mikhunkichej. Chay raymeqa sapa wata Aviv killapi kanqa, imajtinchus qankunaqa Egiptomanta Aviv killapi llojsimorqankichej.

Éxodo 6:1

Chantá Tata Dios Moisespa mañakusqanta uyarispa, nerqa: Faraonwan imatachus ruwasqayta kunan rikunki. Sinch'ita payta mat'iykojtiyraj, pay kacharisonqachej. Arí, pay kikin ripunaykichejta nisonqachej, nispa.

Éxodo 6:6

Chayrayku qan israelitakunata ninki: Diosqa kay jinata nisunkichej: Noqamin Tata Dios kani. Noqataj Egiptopi sinch'i ruwanamanta orqhosqaykichej, wata runa kasqaykichejmantapis pagota qospa kacharichisqaykichej. Ajinamanta jatun atiyniywan Egipto llajtayojkunata sinch'ita ñak'arichispa, kay suyumanta pusakapusqaykichej.

Éxodo 6:7

Noqa qankunata aylluypaj jap'ikapusqaykichej, noqataj Diosniykichej kasaj. Ajinamanta yachankichej noqa Tata Diosniykichej Egiptopi wata runa kanaykichejmanta kacharichisqayta.

Éxodo 7:4

Chaywanpis faraón manapuni uyarisonqachejchu. Chayrayku noqaqa Egipto llajtayojkunata jatun atiyniywan sinch'ita ñak'arichisaj, chaymantataj aylluyta Egipto suyumanta soldadokunata jina orqhokapusaj.

Jeremías 34:13

Noqa Tata Dios, Israelpa Diosnin ñawpa tataykichejkunawan uj tratota ruwarqani, maypachachus Egiptopi wata runa kashajtinku paykunata orqhomorqani, chaypacha.

Daniel (hebreo) 9:15

Tukuyta Kamachej Diosniyku, aylluykita Egiptomanta orqhomuspa, qan jatun atiyniykita rikucherqanki. Ajinata ruwasqaykirayku, chaymantapacha kunankama sutiyki jatunpaj qhawasqa kashan. Noqaykutajrí juchallispa, millay kajta ruwarqayku.

San Mateo 10:12

Wasiman yaykuspataj, chaypi tiyakojkunata Diospa sutinpi napaykuychej.

San Lucas 22:19

Chaymanta, t'antatañataj oqharispa, Diosman pachis nerqa, paykunaman jaywaspataj, nerqa: Kayqa ukhuymin, mayqenchus qankunarayku qosqa kanqa. Kay jinata ruwaychej noqamanta yuyarikunaykichejpaj, nispa.

1 Corintios 11:24

Diosta pachis niytawantaj, chay t'antata yachachisqankunaman rak'ispa, nerqa: Kaymin ukhoyqa, chaytaj qankunarayku jaywasqa kanqa. Kay t'antata mikhuychej, noqamanta yuyarikuspa, nispa.

1 Corintios 5:8

Chayrayku, kunanqa Pascua raymita ruwanachej, ch'uwa sonqowan, llimphu kawsaywan ima. Chayqa mana levadurayoj t'antawan ninakun. Amallataj sajra runa kanachu, nitaj pitapis mana allinta ruwanachu, imaraykuchus jina kanaqa ñawpa levadurayoj ruwasqa t'antawan ninakun.

Efesios 1:19

Jinallataj Dioswan parlarikuspa, mañapuykichej noqanchejpaj Diospa atiynin may jina jatunchus kasqanta rejsinaykichejpaj. Chay atiyta Diosqa may jinata rikucherqa,

Deuteronomio 13:10

10 (11) Egiptopi wata runa kashajtiyki orqhomusorqa, chay Tata Diosniykimanta karunchasuyta munasqanrayku, payta wañunankama rumiwan ch'anqanki.

Deuteronomio 13:11

11 (12) Chay jina ruwasqaykita tukuy israelitakuna yachaspa, manchachikonqanku, manañataj ujtawan qankuna ukhupi chay jinata ruwaspa juchallenqankuchu.

Deuteronomio 13:5

5 (6) Chay sut'inchajta, chayrí mosqoykunamanta willajtaqa wañuchinkichej, Tata Diosniykichejpa contranta ruwanaykichejta yuyaychasqanrayku. Qankuna Egiptopi wata runa kashajtiykichej, Tata Diosniykichejqa preciota pagaspa kacharichisorqachej. Chay runatajrí, Tata Diospa kamachisqanta mana kasunaykichejta yuyaychaspa, Diosmanta karunchakunaykichejta munarqa. Ajinata ruwaspa, qankuna ukhumanta chay mana allin kajta chinkachinkichej.

Deuteronomio 13:6

6 (7) Ichapis kikin wawqeyki, churiyki, ususiyki, munasqa warmiyki, chayrí aswan sumaj kawsaqeyki pakayllamanta nisunkiman: Jaku, waj dioskunata yupaychamunachej, mayqentachus ni qan, nitaj tatanchejkunapis rejserqankuchu, chaykunata.

Deuteronomio 15:15

Ama qonqankichu Egiptopi qanpis wata runallataj kasqaykita, chaymantataj Tata Diosniyki preciota pagaspa kacharichisusqanta. Chayrayku kunan kay kamachisqakunata qoshayki.

Deuteronomio 16:1

Aviv killata Tata Diosniykichejpa sutinpi Pascua raymita ruwanamanta yuyarikunkichejpuni, imaraykuchus chay killapi uj tuta Tata Diosniykichej Egiptomanta orqhomusorqachej.

Deuteronomio 16:12

Qankunapis Egiptopi wata runa kasqaykichejta ama qonqakuychejchu. Chayrayku kay kamachisqaykunata junt'aychejpuni.

Deuteronomio 16:3

Uywa ñak'asqaj aychantaqa mana levadurayoj t'antatawan mikhunkichej. Mana levadurayoj t'antata qanchis p'unchayta mikhunkichej, imaraykuchus chay t'anta niyta munan “ñak'ariy t'anta”. Qankunaqa Egiptomanta usqhay usqhayta llojsimorqankichej, chayrayku kawsanaykichejkama mayk'ajchus Egiptomanta llojsimusqaykichejta yuyarikunkichej.

Deuteronomio 24:18

Qankunaqa Egiptopi wata runa kasqaykichejta, chantá Tata Diosniykichej chaymanta preciota pagaspa kacharichisusqaykichejta ima ama qonqankichejchu. Chayrayku kay tukuy imata junt'anaykichejta noqa kamachiykichej.

Deuteronomio 24:22

Qankunaqa Egiptopi wata runa kasqaykichejta ama qonqankichejchu. Chayrayku chay tukuy imata junt'anaykichejta kamachiykichej.

Deuteronomio 26:8

Ajinata Tata Diosniykoqa jatun atiyninta rikuchispa, Egiptomanta orqhomuwarqayku, runaj mana jayk'aj rikusqan t'ukuna imakunata ruwaspa.

Deuteronomio 4:34

Uj diosllapis kanchu, uj suyuta tukuy suyoj chawpinkumanta ajllakoj, imaynatachus Tata Dios Egiptopi qankunawan ruwarqa, ajinata ruwajqa? Tata Diosmin ñawpaqeykichejpi tukuy imaymana t'ukunata ruwaspa, maqanakuspa, may jina atiyniyoj kasqanta rikuchispa, t'ukuspa mancharinapaj jina imakunata ruwarqa.

Deuteronomio 5:15

Qanqa Egiptopi wata runa kasqaykita yuyarikuy. Tata Diosniyki may jatun atiyninwan chaymanta orqhomusorqa. Chayrayku Tata Diosniyki kamachisunki, samarina p'unchaypi samarinaykita.

Deuteronomio 5:6

Noqa Tata Diosniyki kani. Noqamin Egipto suyupi wata runa kashajtiyki, orqhomorqayki.

Deuteronomio 6:12

Jina kajtin amapuni Tata Diosta qonqapunkichejchu, imaraykuchus paymin Egiptopi wata runa kashasqaykichejmanta orqhomusorqachej.

Deuteronomio 6:21

Chaypacha qankuna ninkichej: Noqaykoqa Egiptopi faraonpata wata runan karqayku, chaymanta Tata Diosqa jatun atiyninwan orqhomuwarqayku.

Deuteronomio 7:8

Tata Diosqa qankunata munakususqaykichejrayku, jinataj ñawpa tataykichejkunaman tilusqanta junt'ananpaj ajllakusorqachej. Chayrayku payqa Egiptopi ñak'arichisqa kashajtiykichej, chantá faraonpa makinpi kashajtiykichej, preciota pagaspa may jina atiyninwan kacharichisorqachej.

Deuteronomio 8:14

ama wapuykachaspa jatunchakunkichejchu. Nillataj Tata Diosniykichejmanta qonqakapunkichejchu, imaraykuchus payqa Egiptopi wata runa kashajtiykichej, chaymanta orqhomusorqachej.

Deuteronomio 9:12

Chantá niwarqa: Kunanpacha kaymanta urayk'uy, imaraykuchus Egiptomanta orqhomusqayki runakunaqa manakajta ruwashanku. Noqaj kamachisqayta manaraj imapi qonqaspa, qorimanta uj lantita ruwakunku, nispa.

Josué 24:17

Egiptopi wata runa kashajtinchej, Tata Diosninchej noqanchejta, jinallataj ñawpa tatanchejkunatapis orqhomuwarqanchej. Pay rikunanchejta t'ukuna imakunata ruwarqa. Paymin ñanta jamushajtinchej, jinallataj tukuy llajtaj chawpinta pasamushajtinchej waqaychawarqanchej.

Jueces 2:12

Paykunaqa karunchakorqanku ñawpa tatankoj yupaychasqanku Tata Diosmanta, pichus Egiptomanta paykunata orqhomusqa, chaymanta. Israelitakunaqa Canaán jallp'api tiyakojkunaj diosninkuta yupaychayta qallarerqanku, Tata Diosta sinch'ita phiñachispa.

Jueces 6:8

Tata Dios kachamorqa Diosmanta uj willajta, paytaj israelitakunata nerqa: Ajinata nin Israelpa Tata Diosnin: Noqa qankunata Egiptomanta orqhomorqaykichej, chaypi wata runakuna kashajtiykichej.