Esdras 4:3 - DIOSPA QHELQACHISQAN DEUTEROCANONICAL

³ Chaywanpis Zorobabel, Josué, Israel ayllukunaj kurajninku ima kuticherqanku: Mana qankunawanqa Tata Diosniykoj Templonta ruwaykumanchu. Noqallayku ruwanayku tiyan Israelpa Tata Diosninpa Templontaqa, Persiamanta kuraj kamachej Ciro kamachiwasqaykuman jina, nispa.

Qheshwa Biblia DC

³ Zorobabel, Josué, chanta, wakin Israel aylluspa kuraj runasninku imataj kuticherqanku: Mana qankunawanqa Diosniykoj templonta ruwaykumanchu. Noqallayku ruwanayku tiyan Israelpa Señor Diosnimpa templontaqa. Ajinata kamachiwarqayku Persiapi kaj rey Ciroqa.

DIOSPA QHELQACHISQ

³ Chaywanpis Zorobabel, Josué, Israel ayllukunaj kurajninku ima kuticherqanku: Mana qankunawanqa Tata Diosniykoj Templonta ruwaykumanchu. Noqallayku ruwanayku tiyan Israelpa Tata Diosninpa Templontaqa, Persiamanta kuraj kamachej Ciro kamachiwasqaykuman jina, nispa.

Esdras 4:3 ပူးပေါင်းရင်းမြစ်များ

2 Crónicas 36:22

Aswan qhepaman Diosman sut'inchaj Jeremiasnejta Tata Diospa nisqan kay jinata junt'akorqa: Persia suyuta kuraj kamachej Ciro kamachiyta qallarishajtin, chay watapi Tata Diosqa Cirota umacharqa tukuynin jap'iyninpi kajkunaman parlasqapi, jinataj qhelqasqapi kay jinata willarachinanpaj:

Esdras 1:1

Persiamanta kuraj kamachej Ciro uj watataña kamachishajtin, Tata Dios junt'ayta qallarerqa, ima sut'inchaytachus pay willachisqa sut'inchaj Jeremiasnejta, chayta. Chayrayku Tata Diosqa kuraj kamachej Ciroj sonqonta kuyuricherqa. Cirotaj tukuynin kamachiyninpi kajkunaman parlaypi, qhelqasqapitaj kay jinata willacherqa:

Esdras 1:2

Persiamanta kuraj kamachej Ciroqa kay jinata nin: Janaj pachapi kaj Tata Diosqa tukuy kay pachapi suyukunata makiyman churan, kamachiwantaj Judapi kaj Jerusalén llajtapi paypaj uj Templota ruwapunayta.

Esdras 1:3

Paymin Israelpa Diosnin, Jerusalenpitaj kashan. Chayrayku pikunachus Diospa ayllunmanta kankichej, tukuyniykichejwan Dios kachun, qankunatataj yanapachun Judapi kaj Jerusalenman rispa, Tata Diospa Templonta sayarichimunaykichejpaj.

Esdras 3:8

Wataj iskay kaj killanman Jerusalenpi Tata Templonta ruwanankupaj chayamusqankumanta Salatielpa churin Zorobabel, Josadacpa churin Josuetaj, sacerdote masinkunawan, levitakunawan ima, chantá pikunachus Babiloniaman apasqa kasqankumanta Jerusalenman kutimporqanku, chay tukuyninku Tata Diospa Templonta watejmanta ruwayta qallarerqanku. Templota ruwachinapajqa ajllarqanku iskay chunka watayojmanta pataman levitakunata.

Nehemías 2:20

Noqatajrí nerqani: Janaj pachapi kaj Diosqa ruwayta yanapawasqayku, noqayku kamachinkunataj watejmanta perqata jatarichisqayku. Qankunatajrí Jerusalenwan ni ima ruwanaykichejchu tiyan, nispa.

Isaías 44:28

Kuraj kamachej Cirotapis nini: Qanqa michejniy kanki, jinataj munasqaytapuni ruwanki, nispa. Jerusalentapis nini: Qanqa watej ruwasqa kanki, nispa. Templotapis nillanitaj: Cimientoyki churasqa kanqa, nispa.

Isaías 45:4

Kamachiy Jacobta munakusqayrayku, ajllakusqay Israelrayku sutiykimanta wajyarqayki. Mana rejsishawajtiykipis, jatunpaj qhawasqa sutita churarqayki.

San Mateo 10:16

Kunanqa, noqa kachashaykichej ovejatapis atojkunaj chawpinkuman kachashayman jina. Qankunarí katarikuna jina sumaj yuyayniyoj kaychej, urpikuna jinataj llamp'u sonqoyoj.

San Juan 4:9

Chantá warmeqa Jesusta nerqa: Qanqa judío kanki, noqataj Samaria jap'iymanta warmi kani. Jina chayqa, imaraykutaj yakuta mañakushawankiri? nispa. Chayta nerqa, imaraykuchus judiokunaqa Samaria jap'iymanta kajkunawan mana allintachu kawsaj kanku.

Hechos 8:21

Qanqa noqaykuwan mana ima ruwanayki kanchu, manataj chay atiyta jap'inaykipaj jinachu kanki, imaraykuchus Dios yachan sonqoyki mana cheqanchu kasqanta.