Esdras 1:2 - DIOSPA QHELQACHISQAN DEUTEROCANONICAL

² Persiamanta kuraj kamachej Ciroqa kay jinata nin: Janaj pachapi kaj Tata Diosqa tukuy kay pachapi suyukunata makiyman churan, kamachiwantaj Judapi kaj Jerusalén llajtapi paypaj uj Templota ruwapunayta.

Qheshwa Biblia DC

² Persiamanta rey Ciroqa kay jinata nin: Janaj pachapi kaj Señor Diosqa, tukuynin jallp'api reinosta qopuwan, kamachiwantaj Judapi kaj Jerusalén llajtapi paypaj uj wasita ruwapunayta.

DIOSPA QHELQACHISQ

² Persiamanta kuraj kamachej Ciroqa kay jinata nin: Janaj pachapi kaj Tata Diosqa tukuy kay pachapi suyukunata makiyman churan, kamachiwantaj Judapi kaj Jerusalén llajtapi paypaj uj Templota ruwapunayta.

Esdras 1:2 ပူးပေါင်းရင်းမြစ်များ

1 Reyes 8:27

Chaywanpis cheqapunichu Diosqa kay pachapi tiyakunman? Janaj, aswan patapi janaj pachakunapis mana wakisuyta atishajtin, imaynatataj kay wasita ruwapususqaypi tiyakuyta atiwajri?

2 Crónicas 2:12

12 (11) Nillarqataj: Yupaychasqa kachun Israelpa Tata Diosnenqa. Paymin kay pachata, janaj pachatapis ruwarqa. Kuraj kamachej Davidman uj churita qorqa sumaj yachayniyoj, allin yuyayniyojtaj, Tata Diospaj uj Templota ruwachinanpaj, jinataj kamachinan wasita ruwachikunanpaj.

Esdras 1:5

Chantá Judá jatun ayllumanta, Benjamín jatun ayllumantawan kuraj runakuna wakichikorqanku Jerusalenman rinankupaj, Tata Diospa Templonta watejmanta ruwamunankupaj. Jinallatataj wakichikorqanku sacerdotekuna, levitakuna, chantapis pikunaj sonqonkutachus Dios kuyuricherqa, chaykuna ima.

Esdras 3:7

Chantá Templota ruwanapaj qolqeta jaywarqanku rumi ch'eqojkunaman, carpinterokunaman ima. Jinallataj Tiromanta, Sidonmanta kajkunamanpis mikhunata, ujyanata, aceitetawan apacherqanku, pino kurkuta Jatun Qochanejta Libanomanta Jopekama apamunankupaj. Chay karqa Persiamanta kuraj kamachej Ciroj kamachisqanman jina.

Esdras 4:3

Chaywanpis Zorobabel, Josué, Israel ayllukunaj kurajninku ima kuticherqanku: Mana qankunawanqa Tata Diosniykoj Templonta ruwaykumanchu. Noqallayku ruwanayku tiyan Israelpa Tata Diosninpa Templontaqa, Persiamanta kuraj kamachej Ciro kamachiwasqaykuman jina, nispa.

Esdras 5:15

Paytataj nisqa: Kay qorimanta ruwasqa imakunata, qolqe metalmanta ruwasqa imakunatawan Jerusalenpi Temploman apay. Diospa Templontataj, maypichus ñawpajta karqa, chay kikinpi watejmanta sayachiy, nispa.

Esdras 6:10

Ajinamanta chay imakunata ima munay q'apashajta jaywanqanku janaj pachapi kaj Diosman, chantapis noqapaj, wawaykunapajpis Diosmanta mañaripuwasqayku.

Esdras 6:3

Persiamanta kuraj kamachej Ciroqa uj watataña kamachishaspa, kay jinata kamacherqa: Jerusalenpi Diospa Templonqa watejmanta ruwasqa kachun, chaypi uywata ñak'aspa Diosman jaywanapaj. Jinaqa cimiento churakuchun. Chay waseqa sayayninman iskay chunka qanchisniyoj metro kachun, anchonmantaj iskay chunka qanchisniyoj metro kachun.

Esdras 7:12

Noqaqa kamachejkunaj kuraj kamachejnin Artajerjes kani, noqataj kayta qhelqashani janaj pachapi kaj Diospa kamachisqanmanta sumajta yachaj sacerdote Esdrasman. Tukuy sonqo napaykuyki:

Nehemías 1:4

Chayta willawajtinkukama, noqa tiyaykukuspa, mayta waqarikorqani. Uj mashkha p'unchayta ajina sinch'i llakisqa karqani, ayunaspataj, janaj pachapi kaj Diosmanta mañakorqani.

Nehemías 1:5

Nerqanitaj: Tata Dios, janaj pachapi kaj Diosníy, may atiyniyoj Dios kanki, manchachikuna kanki. Qanqa trato ruwasqaykita sumajta junt'anki, jinataj munakusojkunatapis, kamachisqaykita junt'ajkunatapis mana jayk'aj saqerpankichu.

Salmos 136:26

Janaj pachapi kaj Diosman pachis niychej, imaraykuchus munakuynenqa wiñay wiñaypajmin.

Salmos 85:2

2 (3) Aylluykej millayta ruwasqanta qhespicherqanki, tukuy juchantapis pampacharqanki.

Proverbios 21:1

Kuraj kamachejpa imatachus yuyasqanqa Tata Diospa makinpi mayu jina, Tata Diostaj maynintachus munasqanman jina pusan.

Isaías 41:2

Pitaj inti llojsimuynejmanta atipaj kuraj kamachejta jataricherqari? Pitaj tukuy suyuta payman jaywaykun, ñawpaqenpitaj kuraj kamachejkunata k'umuykuchinri? Ajinamanta espadanwan ñut'u jallp'aman jina paykunata tukuchin, flechanwantaj wayraj apasqan ch'aki pajaman jina tukuchillantaj.

Isaías 44:26

Chaywanpis kamachiykunaj nisqanku junt'akunanta ruwani, jinallataj kachasqay runakunaj yuyasqankupis. Paykunanejta Jerusalenman nini: Kay cheqapi runakuna watej tiyakonqanku, nispa. Nillanitaj: Judá suyupi llajtakunapis watej ruwasqa kanqanku, nispa. Kamachillanitaj laqayakunapis watej sayarichisqa kanankuta.

Isaías 44:28

Kuraj kamachej Cirotapis nini: Qanqa michejniy kanki, jinataj munasqaytapuni ruwanki, nispa. Jerusalentapis nini: Qanqa watej ruwasqa kanki, nispa. Templotapis nillanitaj: Cimientoyki churasqa kanqa, nispa.

Isaías 45:1

Tata Diosqa Cirota kuraj kamachej kananpaj aceitewan jawichispa ajllarqa, paña makinmanta jap'ispataj, paynejta jatun suyukunata k'umuykachachenqa. Ajinamanta kuraj kamachejkunaj armankuta qhechuspa, llajtakunaj punkunkuta kicharenqa, mana ujtawan wisq'akunanpaj.

Isaías 66:1

Tata Dios nin: Janaj pachaqa noqaj kamachinay tiyana, kay pachataj chakiypa sarunan. Jina kajtenqa, maypitaj wasita ruwapuwankichejmanri? May cheqapitaj noqaqa samarikusajri?

Jeremías 10:11

Israelitakuna, lantikunata yupaychajkunaman niychej: Janajta, kay pachatapis chay lantikuna mana ruwarqankuchu. Chayrayku kay pachamanta chinkachisqa kanqanku, nitaj ujllapis kay pachapi qhepakonqachu, nispa.

Jeremías 27:5

Jatun atiyniywan noqa kay pachata, runakunata, kay pachapi kashanku, chay animalkunatapis ruwarqani. Chantá chay tukuy imata pimanchus munarqani, chayman qorqani.

Jeremías 29:10

Noqa Tata Dios nillanitaj: Qanchis chunka wata Babiloniapi kasqaykichej junt'akojtinkama, kay cheqaman qankunata kutichimunayta nerqani, chay nisqayta junt'asaj.

Daniel (hebreo) 1:21

Ajinamanta Danielqa Babiloniapi kuraj kamachejpa yuyaychajnin karqa Ciro sutiyoj kamachiyta qallarinankama.

Daniel (hebreo) 2:21

Paymin imachus kay pachapi kananta munayninman jina apaykachan. Kuraj kamachejkunata churantaj, orqhontaj. Paymin yachayniyojkunaman yachayta qon, tukuy imata yachajkunamanpis astawan yachayta qon.

Daniel (hebreo) 2:28

Chaywanpis janaj pachapi uj Dios tiyan, pichus pakaypi kaj tukuy imata sut'ita rikuchin, chay. Paymin qan kuraj kamachej Nabucodonosorman sut'ita rikuchisorqa jamoj p'unchaykunapi imachus kananmanta. Kunantaj imatachus puñushaspa mosqokusqaykita noqa willasqayki:

Daniel (hebreo) 4:25

25 (22) Aswan qhepaman qanqa runakuna chawpimanta qharqosqa kanki, uywakunawantaj kawsanki. Waka jina qhorata mikhunki, chhullapis ukhuykita joq'osonqa. Ajinata kawsanki qanchis wata junt'ata, qan ninaykikama: Janaj pachapi kaj Diosmin kay pachapi kaj tukuy suyuta kamachin, paytaj pitachus munasqanta kamachinanpaj churan, nispa.

Daniel (hebreo) 4:32

32 (29) Aswanpis qan runakuna chawpimanta qharqosqa kanki, k'ita animalkunawantaj kawsanki. Buey jina qhorata mikhunki, qanchis wata junt'atataj ajina kanki ninaykikama: Janaj pachapi kaj Diosllamin atiyniyoj kay pachapi tukuy suyukunaj patankupi kamachinanpaj, payllataj munasqanman jina kamachejkunata churan, nispa.

Daniel (hebreo) 5:23

Aswanqa janaj pachapi kaj Tukuyta Kamachej Diospa contranpi oqharikorqanki, kamacherqankitaj Templonmanta apamusqa vasokunata orqhomunankuta. Chantá chay vasokunapi warmiykikunawan, chantá waj warmiykikunawan, jinataj pikunatachus raymiman wajyarakorqanki, chaykunawan khuska vinota ujyarqankichej. Chay jawataj waj dioskunata, qorimanta, qolqe metalmanta, broncemanta, fierromanta, k'ullumanta, rumimanta ruwasqa dioskunata yupaycharqanki. Chay dioskunaqa mana rikunkuchu, manataj uyarinkuchu, nitaj imatapis yachankuchu. Diostatajrí mana jayk'ajpis yupaycharqankichu, pejpa makinpichus kawsayniyki, tukuy ruwasqayki ima kashan, chay Diosta.

Daniel (hebreo) 6:25

25 (26) Chantá kuraj kamachej Darío waj kamachisqata qhelqarqa, tukuy suyukunapi tiyakojkunaman, tukuy llajtakunaman, kay pachapi kaj imaymana parlayniyojkunaman ima kay jinata nichispa: Munani qankuna allin kawsaypi kawsakunaykichejta, tukuy imapitaj allin risunaykichejta.

Jonás 1:9

Jonastaj kuticherqa: Hebreo kani, noqataj Tata Diosta yupaychani, janaj pachapi kaj Diosta. Paymin mama qochata, kay pachatapis ruwarqa, nispa.