Apocalipsis 8:3 - DIOSPA QHELQACHISQAN DEUTEROCANONICAL

³ Chaymantataj waj ángel jamuspa, altarpa ñawpaqenpi sayarqa, qorimanta incienso q'oshñichina jap'irisqa. Chantá chay angelman ashkha inciensota qorqanku, pay Diospa tukuy ajllakusqankunaj mañakusqankuman yapaspa, kamachina tiyanaj ñawpaqenpi, chay qori altarpi jaywananpaj.

Qheshwa Biblia DC

³ Waj angeltaj jamuspa altarpa ñaupaqempi sayaykorqa, qorimanta incienso q'osñichina oqharisqa. Ashkha inciensotaj payman jaywasqa karqa, tukuy ajllasqaspa mañakuyninkuman yapaykunampaj tronoj ñaupaqempi, chay qori altarpi.

DIOSPA QHELQACHISQ

³ Chaymantataj waj ángel jamuspa, altarpa ñawpaqenpi sayarqa, qorimanta incienso q'oshñichina jap'irisqa. Chantá chay angelman ashkha inciensota qorqanku, pay Diospa tukuy ajllakusqankunaj mañakusqankuman yapaspa, kamachina tiyanaj ñawpaqenpi, chay qori altarpi jaywananpaj.

Quechua South Bolivia: Dios Parlapawanchej

³ Chaymanta waj angel inciensota k'oshñichinanpaj kori incensarioyoj sayaycucorka altarpa ñaupakenpi. Ashqha incienso payman koska carka tucuy runasninpa Diosmanta mañacuynincuwan cuscata jaywananpaj. Jatun tiyanaj ñaupaken kori altarpi chay inciensotawan mañacuynincutawan jaywarka.

Apocalipsis 8:3 ပူးပေါင်းရင်းမြစ်များ

1 Reyes 7:50

Ajinallatataj ruwacherqa yurukunata, pábilo k'utunata, vasokunata, juch'uy wisllakunata, incienso q'oshñichinata ima. Chay tukuynin qorimanta ruwasqa karqanku. Diosllapaj T'aqasqa Cheqaj punkoj jap'ichinanpis qorillamantataj karqa, jinallataj Temploj punkunpa jap'ichinanpis.

Salmos 141:2

Mañakususqayqa inciensoj q'apaynin jina qanman chayamusuchun. Makiyta oqharispa mañakusqaytaj inti yaykuyta q'olachisqa jaywana jina kachun.

Éxodo 40:26

Chantá Moisesqa Dioswan Tinkukuna Toldoman veloj ñawpaqenman, qorimanta ruwasqa altartapis churallarqataj.

Isaías 6:6

Chantá ujnin serafín ujllata noqaman phawamorqa, altarmanta tenazawan nina k'aja oqharisqa.

Ezequiel 41:22

Maderamanta ruwasqa altarqa sapa ladoman iskay metroyoj karqa. Uramanta patamantaj uj metro khuskanniyoj karqa. Esquinankuna, pampan, jinataj ladonpis maderamanta karqa. Chay runataj niwarqa: Kay mesaqa Tata Diospa ñawpaqenpi kashan, nispa.

Amós 9:1

Chantá noqaqa Tukuyta Kamachej Diosta altar qayllapi sayashajta rikorqani. Paytaj niwarqa: Temploj sayantankunata wajtay, punkukuna thalakunankupaj. P'akirakuspa, runakunaj umankuman urmaykuchun. Noqataj puchojkunata espadawan wañurachisaj, manataj pipis pakakuyta nitaj ayqeytapis atenqachu.

Malaquías 1:11

Tukuy kay pachapi runakuna sutiyta jatunpaj qhawanku. Tukuynejpi inciensota noqapaj q'oshñichinku, ofrendatapis maychus qonawankuta qowanku, imaraykuchus suteyqa tukuy suyukunapi manchay uyarisqa. Ajinata noqa Tukuy Atiyniyoj Tata Dios nini.

Números 4:11

Chaymantaqa qorimanta ruwasqa altartañataj anqa bayetawan qhataykonqanku. Chaymantataj tejón qaramanta ruwasqa qhatanawan mayt'uykonqanku. Chantá wantuspa, apanapaj k'aspita pasachenqanku.

Números 7:62

Chantapis qorimanta ruwasqa uj jatun wisllata qollarqataj, inciensowan junt'ata. Chaytaj 110 gramo pesarqa.

San Lucas 1:10

Pay inciensota q'oshñichinankamataj, ashkha runakuna jawapi Dioswan parlarikusharqanku.

Romanos 8:34

Chantá, pitaj juchachawasunmanri? Ni pi, imaraykuchus Cristo noqanchejrayku wañorqaña, wañusqamantapis kawsarimporqa, kunantaj Diospa pañanpi kaspa noqanchejrayku mañapushawanchej.

Hebreos 7:25

Chayrayku pay wiñaypaj qhespichiyta atin, pikunachus paynejta Diosman qayllakojkunata, imaraykuchus pay wiñaypaj kawsallanpuni paykunarayku Diosmanta mañapunanpaj.

Hebreos 9:4

Chaypitaj qorimanta incienso q'oshñichina karqa, jinallataj Diospa trato ruwasqan cajonpis, mayqenchus qoriwan lluch'isqa karqa, chay. Chay cajonpa ukhunpitaj qorimanta uj juch'uy manka karqa maná nisqa t'antayoj. Chaypi Aaronpa varan kallarqataj, mayqenchus q'omeryaspa t'ikasqa, chay. Kallarqataj p'alta rumikunapi qhelqasqa kamachisqakuna.

Apocalipsis 10:1

Chaymantataj noqa atiyniyoj uj angelta janaj pachamanta urayk'amojta rikorqani, phuyuwan muyurisqata. Uman patapi uj k'uychi karqa, uyantaj inti jina lliphipisharqa, chakintaj nina lawraj jina karqa.

Apocalipsis 14:18

Altarmantataj waj ángel llojsimullarqataj. Payqa ninata kamachinanpaj atiyniyoj karqa. Paytaj filochasqa hozeta jap'irisqa kasharqa, chay angelta jatunmanta parlaspa, nerqa: Chay hozeykiwan uva chhullchuta pallaj kay pachaman yaykuy, imaraykuchus poqosqaña kashanku, nispa.

Apocalipsis 5:8

P'anqata jap'isqantawantaj, chay tawa kawsajkuna, chantá chay iskay chunka tawayoj kurajkuna ima Corderoj ñawpaqenpi pampakama k'umuykorqanku. Sapa ujninku arpata jap'isharqanku, chantá qorimanta copapi inciensowan junt'asqata. Copapi inciensoqa Diospa ajllakusqanpa mañakusqankuwan ninakorqa.

Apocalipsis 6:9

Maypachachus Cordero phishqa kaj sellota llik'erqa chaypacha, altar urapi rikorqani, pikunachus Diospa nisqanta cheqanta willasqankurayku wañuchisqa karqanku, chaykunata.

Apocalipsis 7:2

Jinallataj waj angelta rikorqani inti llojsimuynejmanta wicharimojta. Chay angeltaj kawsaj Diospa sellon aparisqa kasharqa. Paytaj chay tawa angelkunaman sinch'ita qhaparerqa, pikunachus mama qochata, chantá jallp'atawan ñak'arichinankupaj atiyta jap'isharqanku, chaykunaman.

Apocalipsis 8:4

Chay angelpa incienso q'oshñichisqanqa Diospa ñawpaqenman wicharerqa, Diospa ajllakusqankunaj mañakusqankuwan khuska.

Apocalipsis 8:5

Chaymantataj angelqa incienso q'oshñichinata jap'ispa, altar patapi kaj ninawan junt'aykucherqa. Chaytataj kay pachaman jich'amorqa, chantá tukuynejpi qhon qhonkuna, lliuj lliujkuna, jallp'a ikhakuy ima karqa.

Apocalipsis 9:13

Chaymantataj sojta kaj angelñataj trompetata waqacherqa. Chantá qorimanta altarpa tawantin kantunmanta uj parlamojta uyarerqani, mayqenchus Diospa ñawpaqenpi kashan, chaymanta.