Apocalipsis 8:2 - DIOSPA QHELQACHISQAN DEUTEROCANONICAL

² Chantá Diospa ñawpaqenpi qanchis angelkunata sayashajta rikorqani. Paykunamantaj qanchis trompetakunata qorqanku.

Qheshwa Biblia DC

² Rikorqanitaj Diospa ñaupaqempi qanchis angelesta sayashajta. Paykunamantaj qanchis pututus qosqa karqa.

DIOSPA QHELQACHISQ

² Chantá Diospa ñawpaqenpi qanchis angelkunata sayashajta rikorqani. Paykunamantaj qanchis trompetakunata qorqanku.

Quechua South Bolivia: Dios Parlapawanchej

² Chanta Diospa ñaupakenpi chay sayashaj kanchis angelesta ricorkani. Paycunamantaj kanchis cornetas koska carka.

Apocalipsis 8:2 ပူးပေါင်းရင်းမြစ်များ

Zacarías 4:10

Wasi perqay qallariypi pisillata ruwasqata rikuspa, pikunachus pisipaj chayta qhawarqanku, chaykuna Zorobabelpa tukuychasqanta rikuspa, kusikonqanku, nispa. Chantá ángel nillawarqataj: Kay qanchis lamparakunaqa Tata Diospa ñawinkuna kanku, pichus tukuy kay pachata qhawashan, chaypata, nispa.

San Mateo 18:10

Qankunaqa kay juch'uykunamanta ama mayqentapis pisipaj qhawankichejchu, imaraykuchus noqa niykichej: Paykunaj angelninkoqa janaj pachapi Tata Diosniypa uyanta qhawashankupuni.

San Mateo 24:31

Noqataj angelniykunata kachamusaj, trompetata sinch'ita waqachispa. Paykunataj tukuy ajllasqaykunata tantanqanku kay pachaj ujnin k'uchunmantapacha, janajpa ujnin kantunkama.

San Lucas 1:19

Angeltaj kuticherqa: Noqaqa Gabriel kani, jinataj Diospa ñawpaqenpipuni kashani. Paymin kay sumaj willayta willasunaypaj kachamuwan.

San Lucas 21:36

Qankunarí wakichisqapuni kaychej ari, tukuy tiempo Diosmanta mañarikuspa chay tukuy ima jamoj llakiymanta llusp'inaykichejpaj, ajinamanta Runaj Churinpa ñawpaqenpi mana manchachikuspa rikhuriyta atinaykichejpaj, nispa.

1 Corintios 15:52

Ujllata, uj ñawi ch'irmiypi, qhepa kaj trompeta waqajtin, waj jinaman tukuchisqa kasunchej. Trompeta waqajtin, ñawpajta wañusqakuna kawsarimponqanku mana jayk'aj ujtawan wañunankupaj. Chaymantataj noqanchejpis waj jinaman tukuchisqa kasunchej.

1 Tesalonicenses 4:16

Chaypacha Tukuyta Kamachej Jesús jatunmanta kamachenqa, arcangeltaj qhaparenqa, jinataj uj ángel Diospa trompetanta waqachenqa. Chantá janaj pachamanta kikin Tukuyta Kamachej Jesús urayk'amonqa. Chaymantataj Cristopi atinikoj wañojkuna ñawpajta kawsarimponqanku.

Apocalipsis 1:4

Noqa Juan kayta Asiapi kaj qanchis iglesiakunaman qhelqamuykichej: Wiñaypaj kawsaj Dios wiñaymantapacha karqapuni, paytaj uj p'unchay ujtawan jamunan kashan. Pay, jinataj Tukuyta Kamachej Jesucristo, chantá kamachinan tiyanaj ñawpaqenpi qanchis jinamanta rejsichikoj Santo Espíritu ima qankunaman qhasilla k'acha yanapayninta, sonqo tiyaykuytataj qochun.

Apocalipsis 11:15

Maypachachus qanchis kaj ángel trompetanta waqacherqa chaypacha, janaj pachapi jatunmanta parlasqanku uyarikorqa: Diosninchej, chantá kachamusqan Cristo ima kay pachapi kamachishankuña. Paykunataj wiñay wiñaypaj kamachenqanku, nispa.

Apocalipsis 15:1

Chaymanta noqa janajpi ujtawan runaj mana jayk'aj rikusqan t'ukunata rikullarqanitaj. Qanchis angelkuna qanchis qhepa kaj wañuchej onqoykunata jap'isharqanku, imaraykuchus chay onqoykunawan Diospa phiñakuynin thasnusqa kanan karqa.

Apocalipsis 16:1

Chantá Templomanta noqa jatunmanta parlamojta uyarerqani, chay parlamojtaj qanchis angelkunata nerqa: Riychej, chay qanchis vasokunamanta Diospa k'araj phiñakuyninta kay pachaman jich'aykamuychej, nispa.

Apocalipsis 8:13

Chaymantataj noqa janajpi phawashajta uj ankata rikorqani. Chay ankataj sinch'ita qhaparispa, nerqa: Kay pachapi tiyakojkunapaj llakiy, llakiy, ay may jina jatun llakiy kanqa, imaraykuchus kinsa angelkunaraj trompetankuta waqachinanku kashan, nispa.

Apocalipsis 8:6

Chantá chay qanchis angelkuna sapa uj trompetanta waqachinankupaj wakichikorqanku.

Apocalipsis 9:1

Phishqa kaj angelñataj trompetanta waqachejtin, noqa janajmanta kay pachaman uj ch'askata urmamojta rikorqani. Chay ch'askamantaj ukhu pachaj llaventa qorqanku.