Apocalipsis 7:2 - DIOSPA QHELQACHISQAN DEUTEROCANONICAL

² Jinallataj waj angelta rikorqani inti llojsimuynejmanta wicharimojta. Chay angeltaj kawsaj Diospa sellon aparisqa kasharqa. Paytaj chay tawa angelkunaman sinch'ita qhaparerqa, pikunachus mama qochata, chantá jallp'atawan ñak'arichinankupaj atiyta jap'isharqanku, chaykunaman.

Qheshwa Biblia DC

² Rikullarqanitaj waj angelta inti llojsimuynejmanta wicharimojta, kausaj Diospa sellon oqharisqata. Qhaparerqataj sinch'ita chay tawa angelesta, paykunamantaj atiy qosqa karqa, mar qochata, jallp'atawan nanachinankupaj.

DIOSPA QHELQACHISQ

² Jinallataj waj angelta rikorqani inti llojsimuynejmanta wicharimojta. Chay angeltaj kawsaj Diospa sellon aparisqa kasharqa. Paytaj chay tawa angelkunaman sinch'ita qhaparerqa, pikunachus mama qochata, chantá jallp'atawan ñak'arichinankupaj atiyta jap'isharqanku, chaykunaman.

Quechua South Bolivia: Dios Parlapawanchej

² Waj angeltataj inti llojsimuy ladomanta wicharimushajta ricorkani. Payka causaj Diospa sellonta apamusharka. Jallp'ata kochata ñac'arichej, chay tawa angelesmantaj sinch'ita khaparerka:

Apocalipsis 7:2 ပူးပေါင်းရင်းမြစ်များ

2 Reyes 19:4

Ichapis Tata Diosniykeqa soldadokunata kamachej Rabsacespa parlasqanta uyarinña. Asiria suyuta kuraj kamachejqa payta kachamorqa kawsaj Diosmanta millayta parlananpaj. Tata Diosniyki imatachus nisqanmanta payta jasut'ichun. Kunanqa kaypi qhepakojkunarayku Diosmanta mañapuy ari, nispa.

TAKIYKUNA 8:6

Sonqoykipi sellowan jina churaykuway, makiykipi anillota jina. Munakoyqa wañuy jina atiyniyojmin, wañuy jina mana kutimuyniyoj. Munakoyqa nina jina k'ajarin, sinch'i nina lawray jina.

Isaías 41:2

Pitaj inti llojsimuynejmanta atipaj kuraj kamachejta jataricherqari? Pitaj tukuy suyuta payman jaywaykun, ñawpaqenpitaj kuraj kamachejkunata k'umuykuchinri? Ajinamanta espadanwan ñut'u jallp'aman jina paykunata tukuchin, flechanwantaj wayraj apasqan ch'aki pajaman jina tukuchillantaj.

Ezequiel 9:4

Paymantaj nerqa: Jerusalén llajtaj ukhunta purispa, mask'ay, pikunachus tukuy ima millay ruwakusqanmanta llakikuspa waqashanku, chay runakunata. Tarispataj, uj señalta sapa ujpa mat'inkuman churaykuy, nispa.

Malaquías 3:1

Tukuy Atiyniyoj Tata Dios nin: Willarajniyta kachamusaj, ñanta wakichipunawanpaj. Chantá pitachus mask'ashankichej, chay Kamachejqa ujllata Templonman chayarparimonqa. Tratomanta willarajqa, pitachus imata jina suyashankichej, chay chayamonqaña, nispa.

Malaquías 4:2

2 (3.20) Qankuna noqata kasuwajkunapajrí, justiciay inti jina lliphipipirenqa, chay k'anchaynintaj sumaj kawsayta apamonqa. Chantá qankuna kusiymanta phinkirinkichej, imaynatachus torillokuna corralmanta llojsispa sink'urinku, ajinata.

San Mateo 16:16

Chantá Simón Pedro kuticherqa: Qanqa Diospa kachamusqan Cristo kanki, kawsaj Diospa Churin, nispa.

San Mateo 26:63

Jesustajrí ch'inlla kakorqa. Chantá kuraj kaj sacerdoteqa Jesusta nerqa: Kawsashaj Diospa sutinpi niwayku: Qanchu Diospa kachamusqan Cristo kanki, Diospa Churin? nispa.

San Juan 6:27

Ama tukukoj mikhunata tarinaykichejraykullaqa chhikatapuni phutikuychejchu. Aswanpis qankunaqa wiñay kawsayta mask'anaykichejpaj tukuy sonqoykichejta churaychej. Chayta noqa Runaj Churillan qoyta atiykichej, imaraykuchus Tata Dios chaypaj churawarqa, nispa.

2 Corintios 1:22

Jinallatataj Santo Espirituta sonqonchejman kachamuwarqanchej, nisqanta junt'ananmanta seña kananpaj.

Efesios 1:13

Qankuna mana judío kajkunapis Dios qhespichinanmanta sumaj willayta uyarerqankichej, chay willaytaj cheqa willaymin. Maypachachus Cristopi atinikorqankichej chaypacha, Diosqa paypata kasqaykichejmanta yachayta qospa, Santo Espirituwan sellasorqachej, pitachus ñawpajta qonanta nerqa, chaywan.

Efesios 4:30

Imaynachus purisqaykichejwan Diospa Santo Espiritunta ama llakichiychejchu, imaraykuchus paywan sellasqa kankichej jaqay jamoj p'unchaypi wiñay kawsaypaj kacharichisqa kanaykichejkama.

Deuteronomio 5:26

Pi runataj chay jina nina lawray chawpimanta kawsaj Diospa parlasqanta uyarinman, noqanchej jina mana wañuspallari?

1 Tesalonicenses 1:9

Paykuna parlanku noqayku llajtaykichejman chayamojtiyku, imaynatachus wajyarikuwasqaykumanta. Jinallataj parlanku qankuna imaynatachus lantikunata yupaychayta saqespa, kawsashaj cheqa kaj Diosman kutirikusqaykichejta, payllataña kasunaykichejpaj.

2 Timoteo 2:19

Chaywanpis Diospa cimiento churasqanqa sumajta sayan, chay cimientopitaj kay jina qhelqasqa kashan: Tukuyta Kamachej Diosqa paypata kajkunata rejsin, nispa. Nillantaj: Tukuy pikunachus Tukuyta Kamachej Diospata kajkunaqa millayta ruwaspa purinamanta t'aqakuchunku, nispa.

Hebreos 12:22

Qankunatajrí Sión orqoman, jinataj kawsaj Diospa llajtanman qayllaykunkichej. Chay llajtaqa janaj pachapi kaj Jerusalén, chaypitaj mana yupay atina angelkuna Diosta yupaychashanku.

Apocalipsis 1:3

Dios saminchanqa, pichus kay sut'inchaypa nisqanta iglesiaj uyarinanta ñawirenqa, chayta. Jinallataj saminchanqa pikunachus ñawirejta uyarinku, chantá kasunku, chaykunatapis, imaraykuchus kay p'anqapi imachus qhelqasqa kajpa junt'akunan ñapis qayllamushanña.

Apocalipsis 10:1

Chaymantataj noqa atiyniyoj uj angelta janaj pachamanta urayk'amojta rikorqani, phuyuwan muyurisqata. Uman patapi uj k'uychi karqa, uyantaj inti jina lliphipisharqa, chakintaj nina lawraj jina karqa.

Apocalipsis 10:4

Chay qanchis qhon qhonkuna parlamojtinkama, noqa nisqankuta qhelqanaypajña wakichikusharqani. Jinallapi janaj pachamanta nimuwajta uyarerqani: Imatachus chay qanchis qhon qhonkuna nimunku, chayta ama qhelqaychu, manachayqa pakaspa waqaychay, nispa.

Apocalipsis 16:12

Chaymantataj sojta kaj angelñataj Éufrates jatun mayuman vasonmanta jich'aykorqa. Chantá Éufrates mayupi yaku ch'akiporqa, inti llojsimuynejmanta kuraj kamachejkuna, chantá soldadonkukuna ima chimpayta atinankupaj.

Apocalipsis 5:2

Rikullarqanitaj atiyniyoj uj angelta, paytaj jatunmanta parlaspa, taporqa: Pitaj sellokunata llik'ispa kay p'anqata kicharinanpaj jina kanmanri? nispa.

Apocalipsis 8:3

Chaymantataj waj ángel jamuspa, altarpa ñawpaqenpi sayarqa, qorimanta incienso q'oshñichina jap'irisqa. Chantá chay angelman ashkha inciensota qorqanku, pay Diospa tukuy ajllakusqankunaj mañakusqankuman yapaspa, kamachina tiyanaj ñawpaqenpi, chay qori altarpi jaywananpaj.

Apocalipsis 9:14

Chantá chay parlamojqa sojta kaj angelman, pichus trompetanta jap'isharqa, chayman nerqa: Éufrates jatun mayu qayllapi watasqa kashanku, chay tawa angelkunata phaskaramuy, nispa.

Apocalipsis 9:4

Chay phinki phinkikunaqa kamachisqa karqanku jallp'api kaj qhorata, ni ima q'omerta, nitaj ima sach'atapis ama imananankuta. Manachayqa runakunallata ñak'arichinanku karqa, pikunachus mat'inkupi Diospa sellonwan mana sellasqachu karqanku, chaykunata.

1 Samuel 17:26

Chaypacha David qayllanpi kajkunata tapurerqa: Jaqay filisteo runata wañuchejman imatataj qonqankuri? Imatataj qonqanku Israelta k'umuykachachejta chinkachejmanri? Pitaj kasqa chay mana diosniyoj runa, kawsaj Diospa soldadonkunaj contrankupi sayaykunanpajri? nispa.

1 Samuel 17:36

Ajinata noqaqa leontapis, jinallataj jukumaritapis wañuchej kani. Kay mana diosniyoj filisteotapis kikillantataj ruwasaj, Tata Diospa soldadonkunaj contrankupi sayaykusqanrayku.