Apocalipsis 4:5 - DIOSPA QHELQACHISQAN DEUTEROCANONICAL

⁵ Jatun kaj kamachina tiyanamanta lliuj lliujkuna llijusharqa, qhon qhonkunapis t'ojyasharqa. Jinataj qanchis nina jachonkuna kamachina tiyanaj ñawpaqenpi lawrasharqanku. Chayqa Diospa qanchis jinamanta rejsichikoj Santo Espíritun karqa.

Qheshwa Biblia DC

⁵ Tronomantataj llojsimusharqanku lliuj lliujkuna, qhon qhonkuna ima. Qanchis nina k'anchaykunataj, tronoj ñaupaqempi larwasharqanku. Chaykunaqa Diospa qanchis espiritusnin kanku.

DIOSPA QHELQACHISQ

⁵ Jatun kaj kamachina tiyanamanta lliuj lliujkuna llijusharqa, qhon qhonkunapis t'ojyasharqa. Jinataj qanchis nina jachonkuna kamachina tiyanaj ñawpaqenpi lawrasharqanku. Chayqa Diospa qanchis jinamanta rejsichikoj Santo Espíritun karqa.

Quechua South Bolivia: Dios Parlapawanchej

⁵ Jatun tiyanamantataj relampagocuna sonaycuna truenocunawan llojserka. Kanchis nina c'anchanastaj chay jatun tiyanaj ñaupakenpi laurasharka. Chayka tucuy imata ruwaj Diospa Espiritunmin.

Apocalipsis 4:5 ပူးပေါင်းရင်းမြစ်များ

Génesis 15:7

Tata Dios nillarqataj: Noqa Tata Dios kani. Noqamin Caldea suyupi Ur llajtamanta orqhomorqayki, kay jallp'ata qanman chayaqeta qosunaypaj, nispa.

2 Crónicas 4:20

jinallataj sumaj qorimanta k'ancha churanata, lamparantinta. Chaykunataj Diosllapaj T'aqasqa nisqa cheqaj ñawpaqenpi churasqa karqanku, kamachisqa kasqanman jina k'anchachinankupaj.

Salmos 68:35

35 (36) Diosqa Templonpi may jina t'ukuna manchachikunamin. Chantá Israelpa Diosnenqa kallpata, atiytawan ayllunman qon. Diosninchej yupaychasqapuni kachun.

Éxodo 19:16

Minchhantin sut'iyamuyta lliuj lliujkuna, illapa ima karqa. Uj phuyutaj yanayarishaj orqoman tiyaykorqa. Pututu sinch'ita waqashajtintaj, israelitakunaqa manchachikuspa, kharkatiterqanku.

Éxodo 20:18

Chaypacha tukuy israelitakuna llijurishajta illapata rikorqanku, pututoj waqasqanta uyarerqanku, chantá orqopi q'oshñita rikorqanku. Chayrayku mayta manchachikuspa, karullapi sayarqanku.

Éxodo 25:37

Ruwallankitaj qanchis lamparakunata, chaykunatataj jap'ichispa, ñawpajman jina k'anchanankupaj churanki.

Éxodo 37:23

Jinallataj sumaj qorimanta qanchis lamparakunata ruwarqa. Pábilo allinchanata, ushpha jap'inatapis qorillamantataj ruwarqa.

Ezequiel 1:13

Chay kawsajkunaj rijch'akuynin nina k'ajarishajman rijch'akorqa, chayrí lamparakunaj k'anchayninman. Chantá ninaman rijch'akojqa risharqa, jamusharqataj paykunaj chawpinkupi. Nina chawpimanta, nina k'anchashajtin, lliuj lliujkuna llojsisharqa.

Joel 3:16

16 (4.16) Tata Diosqa Sión orqomanta, Jerusalenmantapacha qhaparispa, parlasqanta uyarichin. Chaypacha janajpis, kay pachapis kharkatitenqanku. Chaywanpis Tata Diosqa israelitakunapaj waqaychajnin, jark'akojnintaj kanqa, paykuna ayllun kasqankurayku.

Zacarías 4:2

Imatataj rikunki? nispa. Noqataj kuticherqani: Noqa qorimanta uj candelerota rikuni, patanpi aceite churanayojta. Aceite churanaj muyuyninpitaj qanchis lamparakuna tiyan, sapa lamparamantaj uj tubonejta aceite yaykushan.

San Mateo 25:1

Jesús nillarqataj: Diospa janaj pacha kamachiynenqa casarakupi kaj chunka sipaskunaman rijch'akun. Paykunaqa lamparankuta oqharikuspa, casarakoj runata taripaj risqanku.

San Mateo 3:11

Noqaqa yakuwan bautizaykichej, Diosman kutirikusqaykichejmanta yachayta qospa. Qhepayta jamojrí noqamanta aswan atiyniyoj, noqataj mana paypa wata runan kanaypaj jinallapischu kani. Payqa Santo Espirituwan, ninawan ima bautizasonqachej.

Hechos 2:3

Chaymantataj paykunaman nina lawray qallu jina rikhurispa, sapa ujpa patanman tiyaykorqa.

Apocalipsis 1:4

Noqa Juan kayta Asiapi kaj qanchis iglesiakunaman qhelqamuykichej: Wiñaypaj kawsaj Dios wiñaymantapacha karqapuni, paytaj uj p'unchay ujtawan jamunan kashan. Pay, jinataj Tukuyta Kamachej Jesucristo, chantá kamachinan tiyanaj ñawpaqenpi qanchis jinamanta rejsichikoj Santo Espíritu ima qankunaman qhasilla k'acha yanapayninta, sonqo tiyaykuytataj qochun.

Apocalipsis 10:3

Chaypachataj chay angelqa leonpis qhaparishanman jina sinch'ita qhaparerqa. Qhaparejtintaj, qanchis qhon qhonkuna kutichimorqanku.

Apocalipsis 11:19

Jinallapi janaj pachapi kashaj Diospa templon kicharikorqa, chaypitaj Diospa trato ruwasqan arca rikukorqa. Chaypachallataj lliuj lliujkuna, jatunmanta parlaykuna, qhon qhonkuna, jallp'a ikhakuy, chantá manchay chijchi para ima karqa.

Apocalipsis 3:1

Chantá Jesucristo niwarqa: Sardis llajtapi iglesiaj angelninman kay nisqayta qhelqay: Pichus Diospa qanchis jinamanta rejsichikoj Santo Espiritunta, chantá qanchis ch'askakunata ima jap'in, chay nisunki: Noqaqa tukuy ima ruwasqaykita rikuni, yachallanitaj tukuy kasuwaspa purisqaykita yuyasqankuta. Chaywanpis chayqa mana jinachu. Qanqa mana kasuwaspachu purinki.

Apocalipsis 5:6

Jinapi noqaqa uj Corderota rikorqani, wañuchisqapis kanman karqa jinaman rijch'akojta. Payqa kamachina tiyanaj chawpinpi, chantá tawa kawsajkunaj chawpinkupi, kurajkunaj chawpinkupiwan sayasharqa. Paytaj qanchis wajrayoj, chantá qanchis ñawiyoj ima karqa. Chayqa Diospa qanchis jinamanta rejsichikoj Santo Espíritun, pitachus Dios tukuy kay pachaman kachamusqa, chay.

Apocalipsis 8:5

Chaymantataj angelqa incienso q'oshñichinata jap'ispa, altar patapi kaj ninawan junt'aykucherqa. Chaytataj kay pachaman jich'amorqa, chantá tukuynejpi qhon qhonkuna, lliuj lliujkuna, jallp'a ikhakuy ima karqa.