Apocalipsis 4:4 - DIOSPA QHELQACHISQAN DEUTEROCANONICAL

⁴ Rikullarqanitaj chay kamachina tiyanaj muyuyninpi iskay chunka tawayoj kamachina tiyanakunata. Chaykunapitaj iskay chunka tawayoj kuraj runakuna tiyasharqanku. Paykuna yuraj p'achayoj, chantá umankupi qori pilluyoj karqanku.

Qheshwa Biblia DC

⁴ Chay tronoj muyuynimpitaj, iskay chunka tawayoj tiyanas karqanku. Chay tiyanas patapitaj iskay chunka tawayoj kuraj runasta rikorqani tiyasqasta, yuraj p'achawan p'achallisqasta, umasninkupi qori pillusniyojtataj.

DIOSPA QHELQACHISQ

⁴ Rikullarqanitaj chay kamachina tiyanaj muyuyninpi iskay chunka tawayoj kamachina tiyanakunata. Chaykunapitaj iskay chunka tawayoj kuraj runakuna tiyasharqanku. Paykuna yuraj p'achayoj, chantá umankupi qori pilluyoj karqanku.

Quechua South Bolivia: Dios Parlapawanchej

⁴ Chay jatun tiyanari iscay chunca tawayoj tiyanaswan muyuriska carka. Chay tiyanaspitaj iscay chunca tawayoj curajcuna tiyaskas carkancu. Yuraj p'achawan p'achalliskas, atipaskancumanta umancupitaj kori pilluwan churaskas carkancu.

Apocalipsis 4:4 ပူးပေါင်းရင်းမြစ်များ

Ester (hebreo) 8:15

Mardoqueoqa kuraj kamachejpa ñawpaqenmanta llojserqa kuraj kamachejpa churakunan anqawan yurajwan p'achayoj, umanpi jatun qori pillu churaykusqa, linomanta ruwasqa uj jatun puka mantawan llijllaykusqataj. Payta ajinata rikuspataj, Susa llajtapi tukuy tiyakojkunaqa maytapuni kusikorqanku.

Salmos 21:3

3 (4) Jatun saminchaykunawan payta taripaj llojserqanki, qorimanta pillutataj umanman churarqanki.

San Mateo 19:28

Chantá Jesús paykunata nerqa: Kayta sut'ita niykichej: Tukuy ima mosojman tukojtin, noqa Runaj Churin kamachinay jatun tiyanapi tiyaykukusaj. Chaypachataj noqawan purisqaykichejrayku, qankunapis chunka iskayniyoj kamachina tiyanapi tiyaykukullankichejtaj, Israelpa chunka iskayniyoj jatun ayllukunata juzganaykichejpaj.

San Lucas 22:30

Ajinamanta noqa kamachishajtiy, qankuna noqawan mikhunkichej, ujyankichejtaj ima. Jinallataj kamachina tiyanapi tiyaykunkichej Israelpa chunka iskayniyoj jatun ayllunkunata juzganaykichejpaj, nispa.

2 Timoteo 4:8

Chayrayku kasukuspa kawsasqaymanta noqapaj pillu tiyan. Chaytataj jaqay p'unchaypi Tukuyta Kamachej Dios, pichus cheqan kaj Juez t'inkata jina qowanqa. Manataj noqallamanchu qowanqa, aswanpis kutimunan p'unchayta imata jina tukuy suyajkunamanpis qollanqataj.

Apocalipsis 11:16

Chantá chay iskay chunka tawayoj kuraj runakuna pampakama k'umuykuspa, Diosta yupaycharqanku. Paykuna Diospa ñawpaqenpi kamachinanku tiyanapi tiyasqa kasharqanku.

Apocalipsis 14:3

Chay runakuna Diospa kamachinan tiyanaj ñawpaqenpi, jinataj tawa kawsajkunaj, chantá kuraj runakunaj ñawpaqenkupi ima uj mosoj takiyta takisharqanku. Chay takiyta mana pipis yachaqakuyta aterqachu, manachayqa chay 144.000 runakunalla, pikunatachus kay pachapi kajkuna ukhumanta Cordero ashkha preciota pagaspa kacharichisqa, chaykunalla.

Apocalipsis 19:14

Chantá janaj pachamanta soldadokunaqa paypa qhepanta yuraj caballokunapi risharqanku, linomanta sumaj awasqa yuraj llimphu p'achawan p'achallisqa.

Apocalipsis 19:4

Chaymantá chay iskay chunka tawayoj kuraj runakuna, chantá chay tawa kawsajkuna ima pampakama k'umuykuspa, Diosta yupaycharqanku, pichus kamachina tiyanapi tiyasqa kasharqa, chayta. Nerqankutaj: Ajina kachun, Tata Dios jatunchasqa kachun, nispa.

Apocalipsis 2:10

Chaywanpis imatachus ñak'arinaykimanta ama manchachikuychu, imaraykuchus Kuraj Supay qankunamanta wakinta wisq'achenqa, cheqatapunichus noqapi atinikusqaykichejta yachananpaj. Chaypacha, chunka p'unchayta ñak'arichisqa kankichej. Qanrí wañunaykikama kasuwaspallapuni puriy, noqataj wiñay kawsayta t'inkata jina qosqayki.

Apocalipsis 20:4

Rikullarqanitaj kamachina tiyanakunata, chaykunapitaj tiyakusharqanku, pikunachus juzganankupaj atiyta jap'erqanku, chaykuna. Umanku qholusqa kajkunaj almankutapis rikullarqanitaj, pikunachus Jesusmanta, chantá Diospa simi nisqanmanta ima willasqankurayku wañuchisqa kasqanku, chaykunata. Paykunaqa sierpeta, lantintapis mana yupaychasqankuchu, manallataj mat'inkupi, chayrí makinkupipis marcanwan marcachikusqankuchu. Kunantajrí paykuna kawsarimpuspa, Cristowan khuska waranqa watata kamacherqanku.

Apocalipsis 3:18

Chayrayku noqamanta ninapi sumaj ch'uwachasqa qorita rantikunaykita yuyaychayki, cheqapuni qhapaj kanaykipaj. Chantá yuyaychayki p'achallikunaykipaj yuraj p'achata rantikunaykita, ama q'alalla kasqaykirayku p'enqakunaykipaj. Yuyaychallaykitaj rantikunaykita ñawiykipaj jampita, sut'ita rikuyta atinaykipaj.

Apocalipsis 4:10

Ajinata chay kawsajkuna ruwashajtinku, chay iskay chunka tawayoj kuraj runakunaqa kamachina tiyanapi tiyasqa kajpa ñawpaqenpi qonqoriykukuspa, wiñay wiñaypaj Kawsajta yupaychallankutaj. Chantá pillunkukunata kamachina tiyanaj ñawpaqenman churaspa, ninku:

Apocalipsis 4:6

Kamachina tiyanaj ñawpaqenpitaj vidriomanta mama qocha jina cristalman rijch'akoj karqa. Kamachina tiyanaj chawpinpi, chantá muyuyninpi ima tawa kawsajkuna karqanku. Paykuna ñawpaqenkupi, qhepankupipis ashkha ñawiyoj karqanku.

Apocalipsis 5:11

Chantá ujtawan qhawaspa, noqa kamachina tiyanaj muyuyninpi ashkha angelkunaj parlasqankuta uyarerqani, chay angelkunataj waranqa waranqa karqanku. Uyarillarqanitaj kawsajkunaj, chantá kurajkunaj parlasqankuta.

Apocalipsis 5:14

Tawantin kawsajkunataj kuticherqanku: Ajina kachun, nispa. Chay iskay chunka tawayoj kurajkunataj pampakama k'umuykuspa, Corderota yupaycharqanku.

Apocalipsis 5:6

Jinapi noqaqa uj Corderota rikorqani, wañuchisqapis kanman karqa jinaman rijch'akojta. Payqa kamachina tiyanaj chawpinpi, chantá tawa kawsajkunaj chawpinkupi, kurajkunaj chawpinkupiwan sayasharqa. Paytaj qanchis wajrayoj, chantá qanchis ñawiyoj ima karqa. Chayqa Diospa qanchis jinamanta rejsichikoj Santo Espíritun, pitachus Dios tukuy kay pachaman kachamusqa, chay.

Apocalipsis 5:8

P'anqata jap'isqantawantaj, chay tawa kawsajkuna, chantá chay iskay chunka tawayoj kurajkuna ima Corderoj ñawpaqenpi pampakama k'umuykorqanku. Sapa ujninku arpata jap'isharqanku, chantá qorimanta copapi inciensowan junt'asqata. Copapi inciensoqa Diospa ajllakusqanpa mañakusqankuwan ninakorqa.

Apocalipsis 6:11

Chantá yuraj p'achata sapa ujninkuman qorqanku. Paykunatataj nerqanku: Pisi tiempotawan suyariychej, imajtinchus Jesusta qhatej masiykichejkunamanta pikunachus wañunanku kashan, chaykuna manaraj qankuna jina wañuchisqachu kanku, nispa.

Apocalipsis 7:11

Chantá tukuy angelkuna kamachina tiyanaj muyuyninpi sayasharqanku, kurajkunaj, chantá tawa kawsajkunaj muyuyninpi ima. Jinallataj kamachina tiyanaj ñawpaqenpi pampakama k'umuykuspa, Diosta yupaycharqanku.

Apocalipsis 7:9

Jinallataj chay qhepata may chhika runata rikorqani, yupay mana atinata tukuy suyumanta, tukuy ayllumanta, tukuy imaymana rijch'aj runamanta, tukuy parlaykunamantawan. Paykuna kamachina tiyanaj ñawpaqenpi, chantá Corderoj ñawpaqenpi ima kasharqanku, yuraj p'achawan p'achallisqa, makinkupitaj palma jap'irisqa.

Apocalipsis 9:7

Chay phinki phinkikuna maqanakupaj wakichisqa caballokunaman rijch'akorqanku. Chaykunaj umankupitaj qori pillu jina churasqa karqa, uyankutaj runa uya jina.