Apocalipsis 4:11 - DIOSPA QHELQACHISQAN DEUTEROCANONICAL

¹¹ Tukuyta Kamachej Diosniyku, qanllamin jatunchanapaj jina kanki, may sumajpaj jina qhawana, tukuy atiyniyojtaj, imaraykuchus qanmin tukuy kaj chhikata ruwarqanki. Qan chaykunata ruwarqanki, kunankamataj munasqaykirayku kashallankupuni, nispa.

Qheshwa Biblia DC

¹¹ Allimpaj qhawasqa kanki, Señor Diosniyku, yupaychayta, jatun kayta, atiyta ima jap'inaykipaj. Qan tukuy imata wakicherqanki, munayniykiraykutaj kanku, ruwasqastaj karqanku.

DIOSPA QHELQACHISQ

¹¹ Tukuyta Kamachej Diosniyku, qanllamin jatunchanapaj jina kanki, may sumajpaj jina qhawana, tukuy atiyniyojtaj, imaraykuchus qanmin tukuy kaj chhikata ruwarqanki. Qan chaykunata ruwarqanki, kunankamataj munasqaykirayku kashallankupuni, nispa.

Quechua South Bolivia: Dios Parlapawanchej

¹¹ —Señorniycu, Diosniycu, kanllamin jatunchanapajjina, may sumaj khawanapajjina, tucuy atiyniyoj canqui. Imaraycuchus kanmin tucuy ima cajta ruwarkanqui. Munayniyquirayculla ruwaskas cancu, cashancupis, —nispa.

Apocalipsis 4:11 ပူးပေါင်းရင်းမြစ်များ

Génesis 1:1

Qallariypi Diosqa janajta, kay pachata ima ruwarqa.

2 Samuel 22:4

Qanqa, Tata Dios, yupaychanapaj jina kanki. Qanta qhaparikamojtiy, awqaykunamanta kacharichiwanki.

Nehemías 9:5

Chaymantataj levitakunamanta Josué, Cadmiel, Bani, Jasabnías, Serebías, Hodías, Sebanías, Petajías ima runakunata nerqanku: Sayarikuspa, Tata Diosninchejta wiñay wiñaypaj yupaychaychej, nispa. Chantá Diosman parlaspa, kay jinata nerqanku: Tata Diosniyku, may sumaj sutiykeqa jatunchasqa kachun, tukuy kaj chhika patapi tukuy jatunchaymanta aswan patapi.

Job 36:3

Noqaqa tukuy yachasqayta nisaj, ruwawajniy cheqanpi kashasqanta rikuchinaypaj.

Salmos 18:3

3 (4) Qanqa, Tata Dios, yupaychanapaj jina kanki. Qanman qhapariykamojtiy, awqaykunamanta kacharichiwarqanki.

Salmos 68:34

34 (35) Dios tukuy atiyniyoj kasqanta rejsikapuychej. Paypa jatun kaynenqa Israelpi lliphipirishan, jatun atiynintaj janajkama chayan.

Éxodo 20:11

Chayqa ajina kanqa imajtinchus noqa sojta p'unchaypi janajta, kay pachata, mama qochata ima ruwarqani. Jinataj chaykunapi imachus tiyan, chaykunatawan ruwarqani. Qanchis kaj p'unchaypitaj samarikorqani. Chayrayku noqa Tata Dios samarina p'unchayta saminchaspa, noqallapaj t'aqarqani.

Proverbios 16:4

Tata Diospa tukuy ima ruwasqanqa mana jinallachu. Millayta ruwaj runatapis uj p'unchay jasut'isqa kananpaj ruwan.

Isaías 40:26

Janajta qhawariychej. Pitaj chay tukuy ch'askakunata ruwarqari? Tata Dios, pichus chaykunata ujmanta uj orqhomuspa yupan, tukuyninkutataj sutinkumanta wajyan, chay. Payqa tukuy atiyniyoj, tukuy kallpayojtaj, chay jinapuni kasqanraykutaj mana ujpis makinmanta chinkanchu.

Isaías 40:28

Manachu jayk'aj yacharqankichej? Manallatajchu uyarerqankichej? Tata Diosqa wiñay wiñaypaj kawsaj Diosmin. Jinallataj tukuy kay pachatapis paymin ruwarqa. Payqa mana llawch'iyanchu, nitaj sayk'unchu. Paypa yuyasqantaqa mana pipis yachayta atinmanchu.

Jeremías 10:11

Israelitakuna, lantikunata yupaychajkunaman niychej: Janajta, kay pachatapis chay lantikuna mana ruwarqankuchu. Chayrayku kay pachamanta chinkachisqa kanqanku, nitaj ujllapis kay pachapi qhepakonqachu, nispa.

Jeremías 32:17

Tukuyta Kamachej Tata Diosníy, jatun atiyniykiwan janaj pachata, kay pachatapis ruwarqanki. Qanpajqa tukuy ima ruwana atikullan.

Hechos 14:15

Runa masikuna, imaraykutaj kayta ruwashankichejri? Noqayku runalla kayku, qankuna jina. Aswanpis qankunaman willaj jamuyku, kay qhasi manakaj imakunata saqespa, kawsashaj Diosman kutirikunaykichejpaj. Paymin janajta, kay pachata, mama qochata ima ruwarqa, chaykunapi tukuy ima kajkunatapis.

Hechos 17:24

Paymin kay pachata, tukuy imatawan ruwaj Diosqa, janaj pachajta, kay pachajtapis Tukuyta Kamachejnintaj. Manataj payqa runaj ruwasqan templopichu tiyakun.

Romanos 11:36

Tukuy ima Diospa ruwasqanmin, paytaj chay tukuyta sayachin, jinataj tukuy imaqa paypajmin. Chayrayku pay wiñay wiñaynintinpaj jatunchasqa kachun. Ajina kachun.

Efesios 3:9

Jinallataj tukuy imata ruwaj Diosqa, imachus wiñaymantapacha pakasqa karqa, chay wakichisqanta tukuyman rejsichinaypaj kamachiwarqa.

Deuteronomio 32:4

Payqa pakakunanchej chhanka kashan. Ruwasqanqa mana pantayniyojmin, tukuy ruwasqantaj cheqanmin kashan. Payqa mana llullakoj Dioschu. Payqa cheqanta ruwajmin. Payqa cheqanmin, cheqa kajtaj.

Hebreos 1:10

Chantá nillarqataj: Tukuyta Kamachejníy, qanmin qallariypi kay pachata sinch'ita sayacherqanki. Janajpis makiykej ruwasqallantaj.

Hebreos 1:2

Kunanrí kay qhepa p'unchaykunapi Dios Churinnejta parlawanchej, pimanchus tukuy imata chayaqeta jina qorqa, pinejtatajchus tukuy kaj chhikata ruwarqa, chaynejta.

Apocalipsis 1:6

Chay jawa Cristoqa noqanchej kamachejkuna jina kamachinanchejta munarqa, chantá Tata Diosninta yupaychanapaj sacerdotekunata jina churawarqanchej. Chayrayku pay jatunchasqa kachun, chantá wiñay, wiñaynintinpaj paymin kamachichun. Ajina kachun.

Apocalipsis 10:6

Jinaspataj payqa, pichus janajta, jallp'ata, mama qochata, chaykunapi imachus kajkunatawan ruwarqa, chay wiñay wiñaypaj kawsaj Diospa sutinpi tiluspa, nerqa: Suyana tiempo tukukapunña.

Apocalipsis 14:7

Chantá jatunmanta parlaspa, nerqa: Diosta manchachikuychej, sutintataj jatunchaychej, imaraykuchus juzganan p'unchay chayamunña. Pichus janaj pachata, kay pachata, mama qochata, yaku juturikunata ima ruwajta yupaychaychej ari, nispa.

Apocalipsis 19:1

Chay qhepata janaj pachapi ashkha runaj parlasqanta jina uyarerqani. Paykuna ajinata nisharqanku: Tata Diosninchej jatunchasqa kachun, imaraykuchus payqa tukuy atiyniyoj, jinataj qhespichiwarqanchej. Chayrayku, jatunchasqapuni kachun.

Apocalipsis 5:12

Tukuyninku jatunmanta parlaspa, nisharqanku: Pichus wañuchisqa karqa, chay Corderoqa tukuy atiyniyoj, may jina qhapaj, tukuy yachayniyoj, chantá sinch'i kallpayoj kasqanta tukuy rimarichunku. Chayrayku maypaj qhawasqa, jatunchasqa, yupaychasqataj ima kachun, nispa.

Apocalipsis 5:2

Rikullarqanitaj atiyniyoj uj angelta, paytaj jatunmanta parlaspa, taporqa: Pitaj sellokunata llik'ispa kay p'anqata kicharinanpaj jina kanmanri? nispa.

Apocalipsis 5:9

Chantá paykuna uj mosoj takiyta takispa, nerqanku: Qanllamin chay k'uyusqa p'anqata jap'inaykipaj jina kanki, sellonkunatataj llik'inaykipaj, imaraykuchus qan wañuchisqa karqanki. Jinallataj qanmin cruzpi wañuspa yawar jich'asqaykiwan runakunata ranterqanki Diospata kanankupaj tukuy ayllumanta, tukuy imaymana rimayniyojta, tukuy imaymana rijch'aj runata, chantá tukuy suyumanta ima.