Apocalipsis 3:19 - DIOSPA QHELQACHISQAN DEUTEROCANONICAL

¹⁹ Noqaqa tukuy pitachus munakusqayta k'amispa cheqan ñanman churani. Chayrayku tukuy sonqo kasuway, noqamantaj kutirikamuway.

Qheshwa Biblia DC

¹⁹ Tukuy munakusqasniyta k'amini, jasut'initaj. Sonqochakuy ari, juchamantataj kutirikuy.

DIOSPA QHELQACHISQ

¹⁹ Noqaqa tukuy pitachus munakusqayta k'amispa cheqan ñanman churani. Chayrayku tukuy sonqo kasuway, noqamantaj kutirikamuway.

Quechua South Bolivia: Dios Parlapawanchej

¹⁹ Nokaka munacuskasniyta juchancumanta reparachini wanachinitaj. Chayraycu tucuy sonkowan casuway. Juchayquita sakespataj nokaman cutiricuway

Apocalipsis 3:19 ပူးပေါင်းရင်းမြစ်များ

2 Samuel 7:14

Noqaqa paypaj tata jina kasaj, paytaj waway jina kanqa. Imapi juchallikojtinpis, noqa payta wanananpaj jasut'isaj, imaynatachus uj tata wawanta jasut'in, jinata.

Job 5:17

Pi runatachus Tata Dios cheqan ñanman churayta munaspa k'amin, chaymin kusisqa. Chayrayku qanqa Tukuy Atiyniyoj Tata Dios k'amisusqanta ama qhesachaychu.

Salmos 39:11

11 (12) Qanmin runataqa juchallisqanmanta jasut'ispa, cheqan ñanman churanki, imatachus astawan munakusqantataj thuta jina tukuchinki. Tukuy runaqa uj samay jinalla kanchej.

Salmos 6:1

1 (2) Tata Dios, phiñakuspa ama k'amiwaychu. K'arajta phiñakuspapis, ama jasut'iwaychu.

Salmos 69:9

9 (10) Wasiykita sinch'ita munakusqayrayku anchata sienteni, sonqoykita nanachisojkunaj parlasqankutaj noqatapis nanachiwan.

Salmos 94:10

Tukuy runata jasut'ejqa manachu k'aminman? Runaman yachachejqa manachu yachanman?

Proverbios 15:10

Mana allinta purejpajqa sinch'i jasut'i tiyan, k'amisqata mana uyarejtaj wañonqa.

Proverbios 15:32

Pichus k'amisqata sajrapaj jap'ejqa pay kikinta pisipaj qhawakun. K'amisqata uyarikojrí astawan yachayta jap'in.

Proverbios 22:15

Wampu kayqa wawaj sonqonpi kashan. Seq'onarí wawaj wampu kayninta chinkachin.

Isaías 26:16

Tata Dios, may jina llakiypi rikhurispa, noqayku qanta mask'asorqayku. Allin ñanman churayta munaspa ñak'arichiwashajtiyku, qantapuni mask'arqayku.

Jeremías 10:24

Tata Diosníy, justiciaykiman jina cheqan ñanniykiman churawayku, manataj k'araj phiñakuyniykiman jinachu, ama tukusqata tukuchinawaykupaj.

Jeremías 2:30

Qhasillata wawaykichejta jasut'erqani, ni chaywanpis wanarqankuchu. Qankuna kikiykichej phiña leonkuna jina noqamanta sut'inchajkunata wañucherqankichej.

Jeremías 30:11

Noqa Tata Dios nillanitaj: Qankunawan kashani kacharichisunaykichejpaj, nispa. Tukuy suyukunata kantumanta tukuchisaj, mayqenkunamanchus ch'eqeracherqaykichej, chaykunata. Jinapis qankunata mana tukuchisqaykichejchu. Juchallikusqaykichejman jina jasut'isqaykichej. Mana jasut'isuspaqa manapuni saqesqaykichejchu. Noqa Tata Diosmin chayta nini.

Jeremías 31:18

Efraín aylloj kay jina waqasqanta uyarini: Noqaqa mana amansasqa torillo jina karqani. Jinapis qan kasukuyta yachachiwarqanki. Qanman kutirichiway, noqataj qanman kutirikamusqayki, imaraykuchus qanmin Diosniy Tata Dios kanki.

Jeremías 7:28

Chayrayku paykunaman niy: Qankunamin Diosniykichej Tata Diosta mana uyarej suyu kankichej, nitaj k'amisqanta kasunkichejchu. Cheqanta parlanaqa simiykichejpi manaña kanchu, nispa.

Sofonías 3:2

Tata Diospa parlasqanta mana uyariyta munarqankuchu, nitaj k'amisqantapis jap'ikorqankuchu. Tata Diospi mana atinikorqankuchu, nitaj payman chimpaykorqankuchu.

San Mateo 25:7

Tukuynin sipaskunataj jatariytawan, lamparankuta wakichisqanku.

San Juan 2:17

Chaypacha yachachisqankuna Diospa Qhelqachisqanpi imatachus nisqanmanta yuyarikorqanku: Diosníy, yupaychana wasiykita anchatapuni munakusqayrayku sonqoy lawrarin, nispa.

Romanos 12:11

Ama qhella kaychejchu, manachayqa k'uchi kaychej. Diospaj imatapis ruwaspaqa, tukuy sonqo ruwaychej.

1 Corintios 11:32

Chaywanpis, sichus Tukuyta Kamachej Jesús jasut'iwanchej chayrí, wanaspa yachananchejpaj jasut'iwanchej, ama Diosman mana kutirikojkunawan khuska juchachasqa kananchejpaj.

2 Corintios 6:9

May rejsisqa kashajtiykupis, wakinkuna mana rejsej tukuwayku. Wañuy patapi kashaspapis, kawsashaykuraj. Sinch'ita jasut'iwayku chaypis, mana wañuchiwaykuchu.

2 Corintios 7:11

Qankunarí Diospa munasqanman jina llakikorqankichej. Kunantaj qhawariychej imachus chaymanta kasqanta: Qankuna mayta munarqankichej mana juchayojpaj qhawasqa kayta. Chay jucharayku phiñakorqankichej, manchachikullarqankichejtaj. Chantá rikuwaytapuni munarqankichej, jinallataj tukuy sonqowan munarqankichej chay juchallej wanananpaj jasut'isqa kananta. Ajinata ruwaspa, sut'ita yachayta qorqankichej imachus mana allinchu kasqanmanta mana juchayoj kasqaykichejta.

Gálatas 4:18

Sichus pipis qankunarayku allin kajta ruwayta munan chayqa, walejlla. Chaywanpis chayqa tukuy tiempo kanan tiyan, manataj noqa chaypi kashajtillaychu.

Deuteronomio 8:5

Kayta allinta yachaychej: Imaynatachus uj tata wawanta jasut'ispa cheqan ñanman churan, ajinallatataj Tata Diosqa qankunata cheqan ñanman churasorqachej, allinniykichejpaj.

Tito 2:14

Paymin noqanchejrayku wañunanpaj jaywaykukorqa, tukuy imaymana juchamanta kacharichinawanchejpaj, chantá llimphuchanawanchejpaj ima. Ajinata ruwarqa, paypa ayllun kananchejpaj, chantá allin kajta tukuy sonqo ruwayta munananchejpaj ima.

Santiago 1:12

Kusisqamin pichus tukuy imaymana mana allin kaj qhatirejtin sinch'ita sayajqa, imaraykuchus chay mana allin kajta atipasqanmanta payqa wiñay kawsayta pilluta jina jap'enqa. Chayta Diosmin payta munakojkunaman qonanta nerqa.

Apocalipsis 2:5

Chayrayku imapichus pantasqaykita qhawarikuy, chaymanta kutirikamuspataj, watej noqata kasuwaspa puriy. Chantá imatachus qallariypi ruwaj kanki, chayta ujtawan ruway. Manachus noqaman kutirikamunki chayqa, noqa jamuspa, lamparaykita maypichus kananmanta qhechusaj.