Apocalipsis 3:12 - DIOSPA QHELQACHISQAN DEUTEROCANONICAL

¹² Jinataj tukuy atipajkunataqa Diosniypa Templonpi sayanta jina kanankuta ruwasaj, manataj jayk'ajpis chaymanta kuyurichisqachu kanqanku. Jinallataj noqaqa Diosniypa sutinta paykunapi qhelqasaj, Diosniypa llajtanpa sutintawan ima. Chayqa mosoj Jerusalén, mayqenchus janaj pachamanta, chantá Diosniymanta ima urayk'amonqa, chay. Mosoj sutiytapis paypi qhelqallasajtaj.

Qheshwa Biblia DC

¹² Atipajtaqa uj pilarta jina sayachisaj Diosniypa wasimpi, ama jayk'aj jawaman llojsinampaj, Diosniypa sutintataj paypi escribisaj, Diosniypa llajtampa sutintawan. Chayqa mosoj Jerusalén. Chaytaj janaj pachamanta uraykamun, Diosniypamanta, mosoj sutiywantaj.

DIOSPA QHELQACHISQ

¹² Jinataj tukuy atipajkunataqa Diosniypa Templonpi sayanta jina kanankuta ruwasaj, manataj jayk'ajpis chaymanta kuyurichisqachu kanqanku. Jinallataj noqaqa Diosniypa sutinta paykunapi qhelqasaj, Diosniypa llajtanpa sutintawan ima. Chayqa mosoj Jerusalén, mayqenchus janaj pachamanta, chantá Diosniymanta ima urayk'amonqa, chay. Mosoj sutiytapis paypi qhelqallasajtaj.

Quechua South Bolivia: Dios Parlapawanchej

¹² Juchata atipajtaka Tatay Diospa yupaychanawasinpi mana cuyoj cacunanpaj churasaj. Paytaj ni jayc'aj llojsenkachu. Tatay Diospa sutintataj paypi kelkasaj. Mosoj Jerusalén llajtayoj caskantapis kelkasaj. Chay janaj pachamanta uraycamoj Jerusalenka Tatay Diospa llajtanmin. Nokajta caskanta ricuchinaypaj mosoj sutiyta atipajpi kelkasaj.

Apocalipsis 3:12 ပူးပေါင်းရင်းမြစ်များ

1 Reyes 7:21

Chay sayantakunatataj Jiranqa Diospa Templonman yaykuna punkuman churarqa. Paña ladopi kaj sayantata sayachispataj “Jaquín”, nispa suticharqa. Lloq'e ladopi kajta sayachispataj “Boaz”, nispa suticharqa.

Salmos 46:4

4 (5) Uj mayu Diospa llajtanpi tiyakojkunata kusichin, maypichus Dios tiyakun, chay llajtata.

Salmos 48:8

8 (9) Tukuy Atiyniyoj Tata Diospa llajtan ima munay kasqanmanta uyarerqayku. Kunanrí Diospa llajtanta kikin ñawiykuwan rikuyku. Diosqa Jerusalenta wiñaypaj sinch'ita sayachenqa.

Salmos 87:3

Diospa llajtan, ima sumajta qanmanta parlanku.

Isaías 62:2

Chaypacha runakuna Tata Dios qhespichisusqanta rikonqanku. Tukuy kuraj kamachejkunapis jatunchasqa kasqaykita rikullanqankutaj. Chaypacha mosoj sutiwan sutichasqa kanki, chaytataj kikin Tata Diospuni sutichasonqa.

Isaías 65:15

Chantá sutiykichejta oqharispa, ajllakusqay runakuna waj runakunata maldicenqanku. Noqa Tukuyta Kamachej Tata Dios qankunata wañurachisqaykichej, kamachiykunatataj waj sutiwan sutichasaj.

Jeremías 1:18

Kunan p'unchay noqa qanta churayki may sinch'i jark'achasqa llajtata jina. Fierromanta ruwasqa sayantata jina, broncemanta ruwasqa perqata jina churallaykitaj, tukuy Judá suyoj contranpi sayaykunaykipaj. Jinallataj kuraj kamachejninpata, kurajninkunajta, sacerdotenkunajta contrankupi sayaykullankitaj. Jinallataj tukuy runaj contranpi churanakunaykipaj churallaykitaj.

Ezequiel 40:49

Jinallataj punkun sayt'unman chunka metroyoj karqa, anchonmantaj sojta metroyoj. Chay punkumanqa chunka patillata wicharina karqa. Sapa sayanta qayllapitaj waj sayanta kallarqataj.

Ezequiel 48:35

Llajtaj perqanqa tukuy muyuyninpi jisq'on kilómetro kanqa. Chay llajtaj sutenqa chay p'unchaymantapacha sutichasqa kanqa: Tata Diospa wasin, nispa.

Marcos 12:16

Denario phisuta jaywajtinkutaj, Jesús taporqa: Pejpa uyantaj, pejpa sutintaj kay denario phisupi churasqa kashanri? nispa. Paykunataj kuticherqanku: Cesarpata ari, nispa.

Gálatas 2:9

Santiago, Pedro, Juan ima Jerusalén iglesiapi kurajpaj qhawasqa karqanku. Chantá paykuna Diospa qhasilla k'acha yanapayninrayku willanaykupaj atiyta qowasqaykuta repararqanku. Chayrayku noqata, Bernabetawan tukuy sonqo q'apiriwarqayku, paykunawan uj yuyaylla kasqaykuta rejsichinankupaj. Jinaspataj, mana judío kajkunaman willaj rinaykuta niwarqayku, paykunataj judiokunaman.

Efesios 3:15

Paymin janajpi, chantá kay pachapipis tukuy kaj chhikata ruwarqa.

Hebreos 12:22

Qankunatajrí Sión orqoman, jinataj kawsaj Diospa llajtanman qayllaykunkichej. Chay llajtaqa janaj pachapi kaj Jerusalén, chaypitaj mana yupay atina angelkuna Diosta yupaychashanku.

Hebreos 13:14

Kay pachaqa mana wiñaypaj tiyakunanchej llajtachu. Aswanpis jamoj p'unchaykunapi kaj llajtata tukuy sonqo suyashanchej.

1 Juan 4:4

Munasqa wawaykuna, qankuna Diospata kankichej, chayraykutaj mana cheqantachu yachachejkunata atipankichejña. Diospa Espíritun, pichus qankunapi kajqa aswan atiyniyoj, pichus kay pachapi kashan, chaymanta nisqaqa.

Apocalipsis 14:1

Chantá noqa Sión orqo patapi Corderota sayashajta rikullarqanitaj, paywantaj 144.000 runakuna kasharqanku. Paykunaj mat'inkupi Corderoj sutin, chantá Tatanpa sutin ima qhelqasqa karqa.

Apocalipsis 17:14

Chantá paykuna Corderoj contranpi maqanakonqanku. Corderotajrí paykunata atipaykonqa, imaraykuchus payqa tukuy kamachejkunaj Kuraj Kamachejninku, tukuy wiraqochikunaj Kamachejninkutaj. Pikunatachus Dios wajyaspa ajllakorqa, jinataj payta kasunku chaykuna paywan khuska kanqanku.

Apocalipsis 2:11

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun. Pikunachus atipajkunaqa manapuni wiñaypaj Diosmanta karunchasqachu kanqanku.

Apocalipsis 2:17

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun: Noqaqa pichus atipajman maná nisqa chay pakasqa mikhunata mikhuchisaj. Jinallataj uj yuraj rumisituta qosaj, chay rumisitupitaj mosoj suti qhelqasqa kanqa. Chay sutita mana pipis yachanqachu, manachayqa pichus chay rumita jap'ejlla yachanqa.

Apocalipsis 2:7

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun. Chantá noqa pichus atipajman kawsay sach'amanta mikhuchisaj, mayqenchus Diospa janaj pacha huertanpi kashan, chaymanta.

Apocalipsis 21:2

Rikullarqanitaj Diospa wakichisqan llimphu kaj llajta mosoj Jerusalenta. Chay llajtaqa janaj pachamanta urayk'amusharqa casarakoj sipas jina parlakusqan qhariwan casarakunanpaj k'achanchasqata.

Apocalipsis 22:4

Paykuna Diospa uyanta rikonqanku, sutintaj mat'inkupi qhelqasqa kanqa.

Apocalipsis 3:5

Tukuy atipajkunaqa yuraj p'achawan p'achallichisqa kanqanku, manataj kawsay p'anqamanta sutinkuta orqhosajchu. Manachayqa Tataypa ñawpaqenpi, chantá angelninkunaj ñawpaqenpi ima rejsichisaj paykuna noqajta kasqankuta.