Apocalipsis 20:4 - DIOSPA QHELQACHISQAN DEUTEROCANONICAL

⁴ Rikullarqanitaj kamachina tiyanakunata, chaykunapitaj tiyakusharqanku, pikunachus juzganankupaj atiyta jap'erqanku, chaykuna. Umanku qholusqa kajkunaj almankutapis rikullarqanitaj, pikunachus Jesusmanta, chantá Diospa simi nisqanmanta ima willasqankurayku wañuchisqa kasqanku, chaykunata. Paykunaqa sierpeta, lantintapis mana yupaychasqankuchu, manallataj mat'inkupi, chayrí makinkupipis marcanwan marcachikusqankuchu. Kunantajrí paykuna kawsarimpuspa, Cristowan khuska waranqa watata kamacherqanku.

Qheshwa Biblia DC

⁴ Tronostataj rikorqani. Chaykuna patapitaj tiyaykukorqanku pikunachus atiyta jap'erqanku juzganankupaj, chaykuna. Uman qholusqakunaj almasnintapis rikullarqanitaj, pikunachus Jesusmanta, Diospa palabranmantawan willarqanku, chaykunata. Paykunaqa phiña animalta mana yupaycharqankuchu, nitaj lantintapis, nitaj frentesninkupi, nitaj makisninkupipis marcata jap'erqankuchu. Chaykunaqa kausarqanku, kamacherqankutaj Cristowan waranqa watata.

DIOSPA QHELQACHISQ

⁴ Rikullarqanitaj kamachina tiyanakunata, chaykunapitaj tiyakusharqanku, pikunachus juzganankupaj atiyta jap'erqanku, chaykuna. Umanku qholusqa kajkunaj almankutapis rikullarqanitaj, pikunachus Jesusmanta, chantá Diospa simi nisqanmanta ima willasqankurayku wañuchisqa kasqanku, chaykunata. Paykunaqa sierpeta, lantintapis mana yupaychasqankuchu, manallataj mat'inkupi, chayrí makinkupipis marcanwan marcachikusqankuchu. Kunantajrí paykuna kawsarimpuspa, Cristowan khuska waranqa watata kamacherqanku.

Quechua South Bolivia: Dios Parlapawanchej

⁴ Ricorkani camachina tiyanasta. Tiyanaspi tiyaska cajcunamantaj camachinancupaj atiy koska carka. Ricorkani atipajcunaj almasnincuta. Paycunaka millay animalta ni rijch'acuynintapis yupaycharkancuchu. Nitaj frentencupi chayrí maquincupi millay animalpa sutinwan marcachicorkancuchu. Waquenka Jesuspi jap'icuskancumanta willaskancuraycu Diospa niskanraycupis wañuchiskas carkancu. Paycunataj causarimuspa Cristowan cusca waranka watata camacherkancu.

Apocalipsis 20:4 ပူးပေါင်းရင်းမြစ်များ

Daniel (hebreo) 2:44

Chay kuraj kamachejkuna kamachishajtinku, janaj pachapi kaj Tata Dios mana jayk'aj chinkachisqa kanan kamachiyninta sayarichenqa, manataj mayqen suyupis payta atipanqachu. Astawanpis payqa tukuynin waj suyukunata tukuchenqa, paypa suyuntaj wiñaypaj sayanqa.

Daniel (hebreo) 7:18

Chay qhepatarí Patapi Kaj Dios ayllunman kamachina atiyta qonqa, paykunataj wiñaypaj kamachenqanku, nispa.

Daniel (hebreo) 7:22

Chayllapi Wiñaymantapacha Kajqa ayllunpaj justiciata ruwananpaj chayamorqa, imaraykuchus Diospa ayllun kamachiyta jap'inankupaj p'unchay chayamusqaña.

Daniel (hebreo) 7:27

Chantá kay pachapi kamachinapaj atiywan, kallpawan, jatunchasqa kaywan ima Patapi Kaj Diospa ayllunman qosqa kanqa. Paypa kamachiynenqa wiñaypaj kanqa, jinataj kay pachapi kaj chhika suyukuna payta kasonqanku, munaynintataj ruwanqanku, nispa.

Daniel (hebreo) 7:9

Qhawashallajtiypuni, kamachina tiyanakuna churasqa kasqanku. Chantá Wiñaymantapacha Kajqa chaypi tiyarikusqa. Paypa p'achan rit'i jina yuraj kasqa, umanpi chujchantaj yuraj rit'i millma jina kasqa. Kamachina tiyanaj ruedankunapis lawraj nina jina kasqanku,

Malaquías 4:5

5 (3.23) Sumajta uyariwaychej: Noqaqa sut'inchaj Eliasta kachamusqaykichej, Tata Diospa p'unchaynin manaraj chayamushajtin. Chayqa jatun p'unchay kanqa, manchayta manchachikunataj.

San Mateo 19:28

Chantá Jesús paykunata nerqa: Kayta sut'ita niykichej: Tukuy ima mosojman tukojtin, noqa Runaj Churin kamachinay jatun tiyanapi tiyaykukusaj. Chaypachataj noqawan purisqaykichejrayku, qankunapis chunka iskayniyoj kamachina tiyanapi tiyaykukullankichejtaj, Israelpa chunka iskayniyoj jatun ayllukunata juzganaykichejpaj.

San Mateo 24:10

Chaypacha yachachisqaykunamanta ashkha qhepaman kutiriponqanku, purajmantataj ch'atanakonqanku, chejninakonqanku ima.

Marcos 6:16

Herodestajrí chayta uyarispa, nerqa: Kayqa Bautizaj Juanpuni. Noqa paypa umanta qholucherqani chaypis, kunan wañusqamanta kawsarimusqa, nispa.

Marcos 6:27

Chayrayku kuraj kamachej Herodes uj soldadota kachasqa Juanpa umanta qholuspa apamunanpaj.

Marcos 9:11

Chantá Jesusta taporqanku: Imaraykutaj Diospa kamachisqanmanta yachachejkuna ninku Eliasraj kutimunan kasqanta manaraj Diospa kachamusqan jamushajtinri? nispa.

San Lucas 1:17

Jinataj Diosmanta ñawpa sut'inchaj Elías imaynatachus Diospa Espiritunpa kamachiyninpi kaspa atiyniyoj karqa, ajinallataj Juanpis kanqa. Chantá payqa tata mamakunaj sonqonkuta llamp'uyachispa, wawankunawan allinyachenqa, mana kasukojkunatataj Diosta kasuyta yachachenqa. Ajinamanta runakunata allinta wakichenqa Tukuyta Kamachej Diosta jap'ikunankupaj, nispa.

San Lucas 14:14

Chaywanqa aswan kusikuyniyoj kanki, imaraykuchus paykuna mana imatapis kutichipusuyta atenqankuchu. Chantá cheqan runakuna wañusqamanta kawsarimpojtinku, chaypachamá Diosmin t'inkaykita qosonqa, nispa.

San Lucas 22:30

Ajinamanta noqa kamachishajtiy, qankuna noqawan mikhunkichej, ujyankichejtaj ima. Jinallataj kamachina tiyanapi tiyaykunkichej Israelpa chunka iskayniyoj jatun ayllunkunata juzganaykichejpaj, nispa.

San Juan 14:19

Uj chhikamantawan Diosman mana kutirikojkunaqa manaña rikuwanqankuchu. Qankunarí rikuwankichej. Noqa kawsasqayraykutaj qankunapis kawsallankichejtaj.

Romanos 11:15

Sichus paykuna qhesachasqa kasqankurayku Diosqa tukuy runata qhespichiyta munarqa chayqa, judiokuna Diosman kutirikojtinku, imayna kusiypunitaj kanqari? Chayqa wañusqamantañapis kawsarimuy jina kanman.

Romanos 8:17

Ajinaqa Diospa wawankuna kaspa, noqanchej Cristowan khuska paymanta chayaqeta jap'isunchej. Sichus Cristowan khuska ñak'arinchej chayqa, paywan khuskallataj jatunchasqa kasunchej.

2 Timoteo 2:12

Paywan khuskachus ñak'arisun chayqa, paywan khuskallataj kamachiyninpi kamachisunchej. Sichus Cristota qhesachasun chayqa, paypis manallataj jap'ikuwasunchu.

Apocalipsis 1:2

Chantá Juan chay tukuy imata rikusqanmanta testigo jina willarqa Diospa nisqanmanta, chantá Jesucristoj willasqanmanta ima.

Apocalipsis 1:9

Noqa Juan qankunaj wawqeykichej kani, Jesuswan ujchasqa kasqayraykutaj Diospa kamachiyninpi qankunawan khuska kashani. Jinallataj tukuy imaymana ñak'ariykunapi, chantá chay ñak'ariykunata Jesucristoj paciencia qosqanwan awantanapaj qankunawan khuska kashallanitaj. Noqaqa Patmos sutiyoj churupi wijch'usqa kasharqani Diospa simi nisqanmanta, chantá Jesucristomanta ima willasqayrayku.

Apocalipsis 11:11

Chaywanpis kinsa p'unchay khuskanniyoj kashajtin, Diosqa kawsay samayta testigokunaman phukuykonqa, paykunataj sayarenqanku. Tukuy paykunata kawsarejta rikojkunataj manchaytapuni mancharikonqanku.

Apocalipsis 11:15

Maypachachus qanchis kaj ángel trompetanta waqacherqa chaypacha, janaj pachapi jatunmanta parlasqanku uyarikorqa: Diosninchej, chantá kachamusqan Cristo ima kay pachapi kamachishankuña. Paykunataj wiñay wiñaypaj kamachenqanku, nispa.

Apocalipsis 11:3

Noqatajrí iskay testigokunata kachamusaj, qhashqa p'achawan p'achallisqata. Paykunataj 1.260 p'unchayta sut'inchanqanku.

Apocalipsis 11:7

Chantá testigokuna willayta tukojtinkuña, ukhu pachamanta wicharimoj chay millay sierpe paykunawan maqanakuspa, atipaykonqa, ajinamantataj paykunata wañurachenqa.

Apocalipsis 12:11

Wawqe pananchejkunaqa Cordero cruzpi wañuspa yawar jich'asqanrayku, chantá Diosmanta willasqankurayku Supayta atiparqanku. Paykuna kawsayninkuta pisipaj qhawasqankurayku, wañuyta mana manchachikorqankuchu.

Apocalipsis 14:11

Chantá paykunaj ñak'arisqankoj q'oshñintaj wiñay wiñaypaj q'oshñenqa. Chay waj sierpe rikhurimojta, lantintapis yupaychajkuna, chantá marcanta churachikojkuna ima tuta p'unchay ñak'arispa, mana samarenqankuchu.

Apocalipsis 15:2

Rikullarqanitaj cristalmanta jina uj mama qochata ninawan chajrusqata. Chay cristal mama qochapitaj sayasharqanku, pikunachus ñawpa sierpeta, lantintawan mana yupaycharqankuchu, nitaj marcanwan marcachikorqanku, chaykuna. Tukuyninkutaj Diospa qosqan arpata jap'isharqanku.

Apocalipsis 17:8

Chay rikusqayki sierpe ñawpajta karqa, kunantajrí manaña kanchu. Chaywanpis manaraj wiñaypaj chinkachisqa kashaspa, ukhu pachamanta ujtawan rikhurimonqa. Kay pacha ruwasqa kasqanmantapacha pikunaj sutinkuchus kawsay p'anqapi mana listasqachu kashan, chaykunaqa sierpeta rikuspa, t'ukonqanku. Chay sierpeqa ñawpajta karqa, kunantaj manaña kanchu, chaywanpis kutimonqarajmin.

Apocalipsis 2:26

Chantá noqaqa tukuy atipajkunaman, pikunachus tukukuykama kasuwanku chaykunaman suyukunata kamachinanpaj atiyta qosaj,

Apocalipsis 20:6

Kusisqamin, Diospaj t'aqasqataj kanku pikunachus ñawpaj kaj kawsarimuypi kawsarimpojkunaqa. Qhepa kaj wañoyqa manaña paykunata imanayta atinchu. Aswanpis, paykuna Diospata, chantá Cristojtawan ima sacerdotenkuna kanqanku, paywantaj waranqa watata kamachenqanku.

Apocalipsis 22:5

Chaypi tutaqa manaña kanqachu. Manataj lamparaj k'anchananqa kanqañachu, nitaj inti k'anchananpis, imaraykuchus Dios, pichus Tukuyta Kamachej Kajqa paykunata k'anchanqa. Chantá Diospa kamachinkuna wiñaypa wiñaynintinpaj kamachenqanku.

Apocalipsis 3:21

Tukuy atipajkunaqa kamachinay tiyanapi noqawan tiyanqanku, imaynatachus noqapis atipaspa Tataywan khuska kamachinan tiyanapi tiyaykukorqani, ajinata.

Apocalipsis 4:4

Rikullarqanitaj chay kamachina tiyanaj muyuyninpi iskay chunka tawayoj kamachina tiyanakunata. Chaykunapitaj iskay chunka tawayoj kuraj runakuna tiyasharqanku. Paykuna yuraj p'achayoj, chantá umankupi qori pilluyoj karqanku.

Apocalipsis 6:9

Maypachachus Cordero phishqa kaj sellota llik'erqa chaypacha, altar urapi rikorqani, pikunachus Diospa nisqanta cheqanta willasqankurayku wañuchisqa karqanku, chaykunata.

Apocalipsis 7:3

Chay angeltaj paykunata nerqa: Amaraj imanaychejchu jallp'ata, nitaj mama qochata, nitaj sach'akunatapis, Diosninchejpa kamachinkunata mat'inkupi sellanaykukama, nispa.