Apocalipsis 2:7 - DIOSPA QHELQACHISQAN DEUTEROCANONICAL

⁷ Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun. Chantá noqa pichus atipajman kawsay sach'amanta mikhuchisaj, mayqenchus Diospa janaj pacha huertanpi kashan, chaymanta.

Qheshwa Biblia DC

⁷ Ningriyoj kajqa uyarichun imatachus Espíritu iglesiasman nisqanta. Atipajmanqa kausaj sach'amanta mikhuchisaj. Chaytaj Diospa paraisompi kashan.

DIOSPA QHELQACHISQ

⁷ Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun. Chantá noqa pichus atipajman kawsay sach'amanta mikhuchisaj, mayqenchus Diospa janaj pacha huertanpi kashan, chaymanta.

Quechua South Bolivia: Dios Parlapawanchej

⁷ Diospa ajllacuskasninman Santo Espíritu nishaskanta ningriyoj cajka sumajta uyarichun. Juchata atipajmanka causayta koj sach'amanta miqhuchisaj. Chay sach'aka janaj pachapi Diospa c'acha huertanpi cashan.

Apocalipsis 2:7 ပူးပေါင်းရင်းမြစ်များ

Génesis 2:9

Chay huertapi Tata Dios tukuy imaymana sach'akunata wiñacherqa. Chay sach'akunaqa ima munay karqa, poqoyninkutaj mikhunapaj sumaj karqa. Huerta chawpipi pay kawsachej sach'ata wiñachillarqataj, jinallataj allin kajta mana allin kajta yachana sach'atapis.

Proverbios 11:30

Cheqan kajta ruwanaqa runata kawsachin, yachayniyojtaj wajkunaj sonqonkuta suwan.

Proverbios 13:12

Runaqa imatachus suyakusqan mana junt'akojtin, sonqon llakikun. Ima munasqanpis junt'akojtinrí, sonqon kawsarin.

Proverbios 15:4

K'acha simiwan parlayqa jampi jina. Sonqota k'arachinapaj jina parlayrí runata llakichin.

Proverbios 3:18

Yachayniyoj kayta pichus tarejpajqa kawsay sach'a jina. Kusikuyniyojmin kanku chayta jap'ispa mana kacharejkunaqa.

Ezequiel 28:13

Diospa huertan Edén ukhupi kasharqanki. Tukuy imaymana lliphipirishaj k'achitu rumikunawan k'achanchasqa p'achayoj karqanki: Rubimanta, crisolitomanta, jademanta, topaciomanta, onicemanta, jaspemanta, zafiromanta, granatemanta, esmeraldamantawan ima. K'achanchakunayki, jaluchuykikuna ima qorimanta karqanku. Maypachachus ruwasqa karqanki chaypacha, chay tukuy ima qanpaj wakichisqa karqa.

Ezequiel 31:8

Diospa huertanpeqa mana mayqen pino sach'apis chay sach'awan ninakorqachu. Mana mayqen pino sach'apis chay jina thansayoj karqachu. Manapuni mayqen castaña sach'apis chay jina ashkha laqheyoj karqachu. Diospa huertanpeqa manapuni mayqen sach'apis chay jina sumajpuni karqachu.

San Mateo 11:15

Pichus nisqayta jap'ikuyta munajqa allinta uyarichun, nispa.

San Mateo 13:43

Cheqan runakunatajrí Tata Diosninkoj kamachiyninpi inti jina lliphipirenqanku. Pichus nisqayta jap'ikuyta munajqa allinta uyarichun.

San Mateo 13:9

Pichus nisqayta jap'ikuyta munajqa allinta uyarichun, nispa.

Marcos 4:9

Chantá Jesús nerqa: Pichus nisqayta jap'ikuyta munajqa allinta uyarichun, nispa.

Marcos 7:15

Mana imapis jawamanta runaj wijsanman yaykojqa payta Diospa ñawpaqenpi ch'ichichanchu. Manachayqa imachus runaj sonqonmanta llojsimun, chaymá runataqa Diospa ñawpaqenpi ch'ichichan.

Marcos 7:16

Pichus kay nisqayta jap'ikuyta munajqa allinta uyarichun, nispa.

San Lucas 23:43

Jesustaj kuticherqa: Kayta sut'itapuni niyki: Kunanpacha may kusiy cheqapi noqawan khuska kanki, nispa.

San Lucas 8:8

Wakin mujutajrí sumaj jallp'aman urmasqa, p'utumuspataj, poqosqa pachajta sapa mujumanta, nispa. Jesús chayta niytawantaj, aswan jatunmanta nerqa: Pichus nisqayta jap'ikuyta munajqa allinta uyarichun, nispa.

San Juan 16:33

Kay tukuyta niykichej, noqaman ujchasqa kaspa, sonqoykichej tiyaykusqa kanaykichejpaj. Kay pachapeqa llakiykunata, chantá pisipaj qhawasqa kayta ima ñak'arinkichej. Chaywanpis sonqoykichejpi kallpachakuychej, imaraykuchus noqaqa Diosman mana kutirikojkunaj tukuy yuyasqankuta atipaniña, nispa.

1 Corintios 2:10

Chaywanpis chaykunata Dios Espiritunnejta noqanchejman rejsichiwarqanchej, imaraykuchus paypa Espíritun tukuy imata allinta watun. Diospa taripay mana atina ukhu yachaynintapis watullanpuni.

2 Corintios 12:4

Paraíso nisqa cheqaman apasqa kasqanta, maypichus pay mana parlay atinata uyarerqa, chayman. Chaykunamanta runa parlananpaj Dios mana parlananta ninchu.

1 Juan 2:13

Jesucristota qhatikuypi unayniyojña kajkuna, qankunaman qhelqamuykichej, imaraykuchus qankuna Jesucristota qhatikushankichej, pichus manaraj imapis kashajtin karqañapuni, chayta. Jesucristota qhatikuypi wayna jina kallpanpi kashajkuna, qankunamanpis qhelqamullaykichejtaj, imaraykuchus qankunaqa Kuraj Supayta atipankichejña. Wawakuna, qankunamanpis qhelqamullaykichejtaj, imaraykuchus Tata Dioswan allinpi kawsakushankichej.

Apocalipsis 13:9

Pichus nisqayta jap'ikuyta munajqa kayta uyarichun:

Apocalipsis 14:13

Chantá janaj pachamanta jatunmanta parlajta uyarillarqanitaj: Kayta qhelqay: Kunanmanta qhepaman Tukuyta Kamachej Jesuswan ujchasqa wañojkunaqa saminchasqa kanqanku, nispa. Arí, Santo Espiritupis nillantaj: Paykuna llakiykunata sinch'ita ñak'arisqankumanta samarikonqanku, imaraykuchus Dios tukuy allinta ruwasqankumanta t'inkankuta qoponqa, nispa.

Apocalipsis 15:2

Rikullarqanitaj cristalmanta jina uj mama qochata ninawan chajrusqata. Chay cristal mama qochapitaj sayasharqanku, pikunachus ñawpa sierpeta, lantintawan mana yupaycharqankuchu, nitaj marcanwan marcachikorqanku, chaykuna. Tukuyninkutaj Diospa qosqan arpata jap'isharqanku.

Apocalipsis 2:11

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun. Pikunachus atipajkunaqa manapuni wiñaypaj Diosmanta karunchasqachu kanqanku.

Apocalipsis 2:17

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun: Noqaqa pichus atipajman maná nisqa chay pakasqa mikhunata mikhuchisaj. Jinallataj uj yuraj rumisituta qosaj, chay rumisitupitaj mosoj suti qhelqasqa kanqa. Chay sutita mana pipis yachanqachu, manachayqa pichus chay rumita jap'ejlla yachanqa.

Apocalipsis 21:7

Pichus mana allin kajta atipaj, jinataj noqallapipuni atinikuspa kajqa tukuy imata chayaqeta jina jap'enqa. Noqa Diosnin kasaj, paytaj waway kanqa.

Apocalipsis 22:14

Kusisqamin kanku pikunachus p'achankuta t'ajsakunku chaykunaqa. Ajinamanta paykuna kawsachej sach'amanta poqoyta mikhonqanku, mosoj llajtamantaj punkunejta yaykuyta atenqanku.

Apocalipsis 22:17

Santo Espirituwan, casarakoj sipaswan ima ninku: Jamuy, nispa. Chayta uyarejpis nillachuntaj: Jamuy, nispa. Ch'akichikojqa jamuchun, ujyayta munajtaj kawsayta qoj yakumanta qhasilla ujyachun, nispa.

Apocalipsis 22:2

Chay mayoqa llajtaj jatun callenpa chawpinta purisharqa, chay mayoj puraj chimpanpitaj kawsachej sach'akuna karqa, mayqenchus sapa wata chunka iskayniyoj kutita poqoj, sapa killa uj kutita, chay sach'a. Chay sach'akunaj laqhentaj kay pachapi tukuy runata qhaliyachinanpaj jampi karqa.