Apocalipsis 2:5 - DIOSPA QHELQACHISQAN DEUTEROCANONICAL

⁵ Chayrayku imapichus pantasqaykita qhawarikuy, chaymanta kutirikamuspataj, watej noqata kasuwaspa puriy. Chantá imatachus qallariypi ruwaj kanki, chayta ujtawan ruway. Manachus noqaman kutirikamunki chayqa, noqa jamuspa, lamparaykita maypichus kananmanta qhechusaj.

Qheshwa Biblia DC

⁵ Chayrayku yuyarikuy maymantachus urmasqaykita. Juchamanta ithirikuy, ñaupaj ruwaykunata ruway; manachayrí, usqhayta qanman jamusaj, k'anchachinaykitataj maypichus kananmanta qhechusaj, manachus juchamanta Diosman kutirikunki chayqa.

DIOSPA QHELQACHISQ

⁵ Chayrayku imapichus pantasqaykita qhawarikuy, chaymanta kutirikamuspataj, watej noqata kasuwaspa puriy. Chantá imatachus qallariypi ruwaj kanki, chayta ujtawan ruway. Manachus noqaman kutirikamunki chayqa, noqa jamuspa, lamparaykita maypichus kananmanta qhechusaj.

Quechua South Bolivia: Dios Parlapawanchej

⁵ Chayraycu yuyaricuy chay munacuyta sakepuspa juchaman urmaskayquita. Imaynachus ñaupajpi munacuywan causacoj canqui, ajinatapuni causacuy. Manachayka kanman jamuspa c'anchanayquita churananmanta orkhosaj. Sichus mana cutirinqui ñaupaj munacuyniyquiman chayka, khesachaskayqui.

Apocalipsis 2:5 ပူးပေါင်းရင်းမြစ်များ

Isaías 1:26

Ñawpajta jina sumaj juezkunata churapusqayki, jinallataj yuyaychasojkunapis qallariypi jina kapusonqanku. Chaymantataj Jerusalenta sutichanqanku: Cheqan Justiciata Ruwaj Llajta, nispa, jinallataj: Tata Diosman K'askasqa Llajta, nispa.

Isaías 14:12

Sut'iyay ch'aska, kay jinatachu janaj pachamanta urmamunki? Qanqa tukuy suyuta atipaj karqanki, kunantajrí kay pachaman wijch'usqa rikhurinki.

Ezequiel 20:43

Chaypitaj yuyarikunkichej tukuy mana allinta kawsasqaykichejmanta, chantá millayta ruwaspa ch'ichichakusqaykichejmantawan. Chantá qankuna kikiykichej tukuy juchallisqaykichejmanta millachikunkichej.

Ezequiel 36:31

Chaypacha, mana allinta purisqaykichejmanta, millay ruwasqaykichejmantawan yuyarikunkichej. Qankuna kikiykichej juchaykichejmanta, mana allinta ruwasqaykichejmantawan p'enqakunkichej.

Oseas 14:1

Israel, Tata Diosniykiman kutirikuy juchallispa urmasqaykimanta.

Oseas 9:10

Tata Dios nin: Ñawpajta Israelta tarispa, kusikorqani, imaynatachus runakuna ch'innejpi uvata tarispa kusikunku, ajinata. Noqapaj ñawpa tataykichejkunaqa mishkha poqoj higo jina karqanku. Paykunatajrí Baal Pegorman chayaspa, qhasi manakaj dioskunaman kutirikorqanku. Munakusqanku lantita yupaychasqankurayku, mayta millachikunaman tukuporqanku.

Malaquías 3:4

Chaypacha Tata Diosqa Judá suyoj ofrenda jaywasqanwan kusikonqa, jinallataj Jerusalenpa ofrenda jaywasqanwanpis, imaynatachus ñawpa tiempopi kusikoj, ajinata.

Malaquías 4:6

6 (3.24) Eliastaj tatakunaj sonqonkuta wawankukunawan allinyachenqa, jinallataj wawakunaj sonqonkutapis tatankukunawan. Mana jina kajtenqa, noqa jamuspa, tukuy suyuta jasut'isaj chinkachinaykama, nispa.

San Mateo 5:14

Jinallataj qankunaqa runakunapaj k'anchay jina kankichej. Orqo patapi llajtaqa mana pakasqa kayta atinchu, icharí?

San Mateo 5:15

Nillataj pipis lamparata jap'ichispa wich'iwan k'umpuykunchu. Manachayqa lamparata jap'ichispa, pataman churan, wasipi tukuy kajkunata k'anchananpaj.

Marcos 12:9

Chantá Jesús payta uyarejkunata taporqa: Imananqataj uva huertayojri? Pay jamuspa, chay llank'ajkunata wañurachenqa, huertantataj wajkunaman qonqa, icharí?

San Lucas 1:17

Jinataj Diosmanta ñawpa sut'inchaj Elías imaynatachus Diospa Espiritunpa kamachiyninpi kaspa atiyniyoj karqa, ajinallataj Juanpis kanqa. Chantá payqa tata mamakunaj sonqonkuta llamp'uyachispa, wawankunawan allinyachenqa, mana kasukojkunatataj Diosta kasuyta yachachenqa. Ajinamanta runakunata allinta wakichenqa Tukuyta Kamachej Diosta jap'ikunankupaj, nispa.

San Lucas 20:16

Pay jamuspa, chay llank'ajkunata wañurachenqa, huertantataj waj llank'ajkunaman qonqa, icharí? nispa. Chayta uyarispa, runakunaqa nerqanku: Ama chaytaqa Dios munallachunpischu, nispa.

Gálatas 5:4

Sichus qankuna kamachisqakunata junt'aspa cheqan runapaj qhawasqa kayta munankichej chayqa, Cristomanta t'aqakunkichej, Diospa qhasilla k'acha yanapaynintataj qhesachashankichej.

Filipenses 2:15

ama pipis qankunamanta millayta rimanankupaj. Qankunaqa millayta ruwaj runakuna ukhupi Diospa wawankuna jina allinta puriychej, mana imamanta juchachanapaj jina. Ajinata ruwaspa, kay pachapi ch'aska jina lliphipirinkichej.

Hebreos 10:32

Chayrayku yuyarikuychej, maypachachus qankuna Cristomanta sumaj willayta jap'ikorqankichej, chay ñawpa p'unchaymanta. Yuyarikuychej may jina ñak'ariypi kashaspapis, imaynatachus kallpakorqankichej sinch'ita sayanaykichejpaj, chaymanta.

2 Pedro 3:17

Chayrayku munasqa wawqe panaykuna, chaykunata ñawpajmanta yachaspaña, allinta qhawakuychej. Pajtataj millayta ruwaspa purejkunaj pantayninkuwan aysachikushawajchej, sinch'i sayasqa kasqaykichejmanta urmanaykichejpaj.

Judas 1:24

Uj k'ata Dios yupaychasqa kachun. Paymin qankunata waqaychasunaykichejpaj atiyniyoj ajinamanta ama urmanaykichejpaj, chantá may jina kusiywan jatun kayninpa ñawpaqenpi mana k'aminata rikhurichisunaykichejpaj ima.

Apocalipsis 1:20

Kunantaj noqa sut'inchasqayki, paña makiypi rikusqayki chay qanchis ch'askakuna, chantá chay qanchis lamparakuna ima imatachus niyta munasqanta: Qanchis ch'askakunaqa qanchis iglesiakunaj angelninkuna kanku, chay rikusqayki qanchis lamparakunataj qanchis iglesiakuna kanku, nispa.

Apocalipsis 16:9

Runakunaqa intej sinch'i k'ajasqanwan rupharasqa karqanku. Chaywanpis paykuna mana Diosman kutirikorqankuchu, nitaj payta jatuncharqankuchu. Aswanpis Diospaj millayta rimarqanku, pichus chay ñak'ariykunata apachimunanpaj atiyniyoj karqa, chaypaj.

Apocalipsis 2:16

Chayrayku watej noqaman kutirikamuy, manachayqa usqhayllata qanman jamuspa, simi nisqaywan paykunaj contrankuta maqanakusaj.

Apocalipsis 2:19

Noqa tukuy ima ruwasqaykita yachani. Noqata munakuwasqaykita, noqapi atinikusqaykitapis rikuni. Jinallataj rikuni imaynatachus wajkunata yanapasqaykita, jinataj mana sayk'uspa pacienciakusqaykita ima. Chantá yachallanitaj qhepata imatachus kunan ruwashanki, chay aswan sumaj kasqanta ñawpajta ruwasqaykimanta nisqaqa.

Apocalipsis 2:2

Noqa tukuy ima ruwasqaykita yachani, sinch'i ruwasqaykita, chantá mana sayk'uspa sayasqaykita ima. Yachallanitaj millayta ruwaspa kawsajkunatapis mana rikuyta atisqaykita. Jesuspa kuraj kachan kani, nispa nejkunatapis qan allinta watuspa, llulla kasqankuta sut'iman orqhosqaykitapis yachallanitaj.

Apocalipsis 3:19

Noqaqa tukuy pitachus munakusqayta k'amispa cheqan ñanman churani. Chayrayku tukuy sonqo kasuway, noqamantaj kutirikamuway.