Apocalipsis 2:18 - DIOSPA QHELQACHISQAN DEUTEROCANONICAL

¹⁸ Tiatira llajtapi iglesiaj angelninman kay nisqayta qhelqay: Diospa Churin, pejpatachus ñawin nina lawray jina kanku, chakinpis llosq'ochasqa bronceman rijch'akun, chay kay jinata nisunki:

Qheshwa Biblia DC

¹⁸ Tiatira iglesiaj angelninman escribiy: Kayta nin Diospa Churin, pejpatachus ñawisnin nina larwaj jina, pejpatachus chakisnimpis llusk'achasqa lliphipej bronceman rijch'akun, chay:

DIOSPA QHELQACHISQ

¹⁸ Tiatira llajtapi iglesiaj angelninman kay nisqayta qhelqay: Diospa Churin, pejpatachus ñawin nina lawray jina kanku, chakinpis llosq'ochasqa bronceman rijch'akun, chay kay jinata nisunki:

Quechua South Bolivia: Dios Parlapawanchej

¹⁸ ‘Tiatirapi iglesia tantacojcunaj willajnincuman kelkay: Noka Diospa Wawan caj, ninajina laurashaj ñawisniyoj caj, ruphashaj broncejina chaquisniyoj cajtaj nishayqui:

Apocalipsis 2:18 ပူးပေါင်းရင်းမြစ်များ

Salmos 2:7

Noqaqa Tata Diospa kamachisqanta willasaj. Paymin niwan: Qanqa churiy kanki, kunantaj noqa tatayki kani.

Daniel (hebreo) 10:6

Ukhonqa topacio rumi jina lliphipirerqa, uyantaj lliuj lliuj jina k'ancharerqa. Ñawenqa nina lawray jina karqa. Makinpis, chakinpis bronce jina lliphipisharqanku. Parlasqantaj ashkha runaj parlasqankuman rijch'akorqa.

San Mateo 17:5

Ajinata Pedro parlashajtillanraj, ujllata k'ancharishaj uj phuyu paykunata p'ampaykorqa, chay phuyu ukhumantataj Dios nimorqa: Kaymin munasqa Chureyqa, ajllakusqaytaj. Paywan sonqo junt'asqa kani, chayrayku payta uyariychej, nispa.

San Mateo 27:54

Chaypacha romano soldadokunaj kuraj kamachejninku, chantá Jesusta qhawasharqanku, chay soldadokunawan ima jallp'ata ikhakojta, chay waj imakunatawan ima rikorqanku. Chayrayku maytapuni mancharikuspa, nerqanku: Kay runaqa Diospa Churinpuni, nispa.

San Mateo 3:17

Jinallapitaj janaj pachamanta Dios nimorqa: Qanmin munasqa Churiy kanki, qanwantaj sonqo junt'asqa kani, nispa.

San Lucas 1:35

Angeltaj kuticherqa: Santo Espíritu qanman jamonqa, Diospa atiynintaj llanthuykusonqa. Chayrayku paqarichikunki, chay wawaqa Diospaj t'aqasqa kanqa, Diospa Churin sutichasqataj.

San Juan 1:14

Chay Simi Nisqaqa runaman tukorqa, jinataj noqayku ukhupi tiyakorqa. Chantá noqayku jatun kayninpa lliphipiyninta rikorqayku, chaytaj Tata Diospa uj k'ata Churin jatun kayninpa lliphipiynin karqa. Paypitaj munakuywan, chantá cheqa kajwan ima may jinapuni karqa.

San Juan 1:49

Chaymanta Natanael, nerqa: Yachachej, qanqa Diospa Churin kanki, Israelpa Kuraj Kamachejnintaj, nispa.

San Juan 10:36

Sichus Tata Dios ajllawaspa noqata kay pachaman kachamuwarqa chayqa, imaraykutaj qankuna ninkichej, noqa Diospa Churin kani, nispa, Diospa contranta rimasqaytari?

San Juan 3:16

Dios chay jinatapuni kay pachapi kaj chhikata munakusqanrayku uj k'ata Churinta qorqa. Ajinamanta tukuy pichus paypi atinikojqa mana chinkanqachu, aswanpis wiñay kawsayniyoj kanqa.

San Juan 3:18

Pillapis paypi atinikojqa mana juchachasqachu kanqa. Paypi mana atinikojrí ñapis juchachasqaña, Diospa k'ata Churinpi mana atinikusqanrayku.

San Juan 5:25

Nillaykichejtaj: Chay p'unchay chayamunan karqa, kunantaj chayamunña. Chaypachataj wañusqakuna Diospa Churinpa wajyasqanta uyarenqanku, pikunachus uyarejkunataj kawsanqanku.

Hechos 16:14

Ujnin kaj warmi Lidia sutiyoj karqa Tiatira llajtamanta, paytaj may sumaj puka kulli telata qhatoj. Diosta yupaychajllataj karqa. Jinapi Tukuyta Kamachej Jesusqa Lidiaj sonqonman parlapayarqa, paytaj Pabloj nisqanta tukuy sonqo jap'ikorqa.

Hechos 8:36

Ñanta rishaspataj, chayarqanku, maypichus yaku karqa, chayman. Chantá eunucoqa Felipeta nerqa: Kaypi yaku tiyan. Manachu atiyman noqa bautizasqa kayta? nispa.

Romanos 1:4

Jinallataj Santo Espíritu sut'ita sut'incharqa Jesusqa Diospa Churinpuni kasqanta, maypachachus jatun atiyninnejta payta wañusqamanta kawsaricherqa, chaypacha. Paymin Tukuyta Kamachej Jesucristo.

Romanos 8:32

Diosqa uj k'ata Churinta mana mich'akuspa qorqa tukuyninchejrayku wañunanpaj. Ajina chayqa, manachu Churinwan khuskata tukuy imatawan qowasunmanri?

Apocalipsis 1:11

Chantá kay jinata niwarqa: Imatachus rikusqaykita uj p'anqaman qhelqaykuy, chaytataj Asiapi kaj kay qanchis llajtakunapi iglesiaman apachiy: Efesoman, Esmirnaman, Pergamoman, Tiatiraman, Sardisman, Filadelfiaman, Laodiceaman ima, nispa.

Apocalipsis 2:1

Chantá pay niwarqa: Éfeso llajtapi iglesiaj angelninman kay nisqayta qhelqay: Pichus paña makinpi qanchis ch'askakunata jap'ej, chantá qanchis qorimanta lamparakunaj chawpinpi purej kay jinata nisunki:

Apocalipsis 2:24

Chaywanpis Tiatira llajtapi iglesiamanta wakinman kayta niykichej: Qankunaqa Jezabelpa yachachisqanta mana jap'ikorqankichejchu. Manallataj jap'ikunkichejchu ukhu yachachiykuna nisqata, mayqenchus Kuraj Supaypa yachachisqan kashan, chayta. Chayrayku manaña waj imakunatawan ruwanaykichejta mañasqaykichejchu.