Apocalipsis 2:17 - DIOSPA QHELQACHISQAN DEUTEROCANONICAL

¹⁷ Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun: Noqaqa pichus atipajman maná nisqa chay pakasqa mikhunata mikhuchisaj. Jinallataj uj yuraj rumisituta qosaj, chay rumisitupitaj mosoj suti qhelqasqa kanqa. Chay sutita mana pipis yachanqachu, manachayqa pichus chay rumita jap'ejlla yachanqa.

Qheshwa Biblia DC

¹⁷ Ningriyoj kajqa uyarichun imatachus Espíritu iglesiasman nisqanta. Atipajmanqa pakasqa mana nisqata mikhuchisaj, juch'uy yuraj rumitataj qosaj. Chay juch'uy rumipitaj uj mosoj suti escribisqa. Chaytaqa mana pipis rejsinchu, astawanqa pichus chayta jap'ejlla rejsin.

DIOSPA QHELQACHISQ

¹⁷ Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun: Noqaqa pichus atipajman maná nisqa chay pakasqa mikhunata mikhuchisaj. Jinallataj uj yuraj rumisituta qosaj, chay rumisitupitaj mosoj suti qhelqasqa kanqa. Chay sutita mana pipis yachanqachu, manachayqa pichus chay rumita jap'ejlla yachanqa.

Quechua South Bolivia: Dios Parlapawanchej

¹⁷ Diospa ajllacuskasninman Santo Espíritu nishaskanta ningriyoj cajka sumajta uyarichun. Causayninpi juchata atipajmanka pacaska janaj pacha t'antata kosaj. Payman kollasajtaj uj yuraj rumicituta. Chay rumicitupitaj mosoj suti kelkaska canka. Chay sutitaka ni pi yachanchu, manachayrí chay jap'ejlla yachan.

Apocalipsis 2:17 ပူးပေါင်းရင်းမြစ်များ

Salmos 25:14

Tata Dios kawsakun, pikunachus payta may jatun respetowan qhawanku, chaykunawan, tratontapis paykunaman rejsichenqa.

Salmos 36:8

8 (9) Wasiykipi ashkha mikhunawan paykunata sajsachinki, misk'i yaku mayumantataj paykunata ujyachinki.

Éxodo 16:33

Chantá Moisés Aaronta nerqa: Iskay kilo yaykoj mankaman chay “maná” nisqata churay. Chaytataj Tata Diospa ñawpaqenman churanki. Ajinamanta wawanchejkuna maná nisqa t'antata rejsinankupaj waqaychasqa kanqa, nispa.

Proverbios 14:10

Runaj sonqollan imachus llakichisqanta yachakun. Manataj pipis paywan khuska kusiysikunchu.

Proverbios 3:32

Tata Diosqa millayta ruwajkunata chejnikun, cheqanta ruwajkunawantajrí allinta kawsakun.

Isaías 56:4

Chayqa ajina, imaraykuchus Tata Dios nin: Sichus capasqa runakuna samarina p'unchayta waqaychanku, sitajchus munayniyta ruwaspa, tratoyta junt'anku chayqa,

Isaías 56:5

noqaj Temploypa pationpi, perqawan muyuykuchisqa llajtaypi ima sutinku qhelqasqa kanqa. Noqa paykunaman may uyarisqa sutita qosaj, chay wiñaypaj qosqa sutitaj mana jayk'aj chinkachisqachu kanqa. Chaytaj capasqa runapaj aswan sumaj kanqa wawayoj kanamanta nisqaqa.

Isaías 62:2

Chaypacha runakuna Tata Dios qhespichisusqanta rikonqanku. Tukuy kuraj kamachejkunapis jatunchasqa kasqaykita rikullanqankutaj. Chaypacha mosoj sutiwan sutichasqa kanki, chaytataj kikin Tata Diospuni sutichasonqa.

Isaías 65:13

Chayrayku Tukuyta Kamachej Tata Dios nisunkichej: Kamachiykunaqa sumajta mikhonqanku, qankunatajrí yarqhaymanta wañunkichej. Kamachiykunaqa sumaj yakuta ujyanqanku, qankunatajrí yaku ch'akiywan ñak'arinkichej. Kamachiykunaqa kusikonqanku, qankunatajrí may p'enqachisqa kankichej.

Isaías 65:15

Chantá sutiykichejta oqharispa, ajllakusqay runakuna waj runakunata maldicenqanku. Noqa Tukuyta Kamachej Tata Dios qankunata wañurachisqaykichej, kamachiykunatataj waj sutiwan sutichasaj.

San Mateo 13:11

Jesustaj kuticherqa: Imachus kanqa Dios kamachishajtin, chay pakasqa yachayta pay qankunaman rejsichisunkichej, manataj paykunamanqa.

Marcos 7:16

Pichus kay nisqayta jap'ikuyta munajqa allinta uyarichun, nispa.

San Juan 4:32

Jesustajrí kuticherqa: Waj mikhuna tiyapuwan, qankunarí mana yachankichejchu chay mikhuna imachus kasqanta, nispa.

1 Corintios 2:14

Diosman mana kutirikoj runarí Diospa Espiritunpa yachachisqanta mana jap'ikuyta atinchu, imaraykuchus paypajqa wampoj thawtisqan jinalla. Chayta mana entiendeyta atinchu, imaraykuchus imatachus niyta munasqanta yachananpajqa Santo Espíritoj yanapasqan kanan tiyan.

Colosenses 3:3

Ajinata ruwaychej, imaraykuchus qankunaqa ñawpa kawsaypaj wañorqankichejña, kunantaj Cristoman ujchasqa kasqaykichejrayku Diosqa mosoj kawsayniykichejta pakashan.

Apocalipsis 14:3

Chay runakuna Diospa kamachinan tiyanaj ñawpaqenpi, jinataj tawa kawsajkunaj, chantá kuraj runakunaj ñawpaqenkupi ima uj mosoj takiyta takisharqanku. Chay takiyta mana pipis yachaqakuyta aterqachu, manachayqa chay 144.000 runakunalla, pikunatachus kay pachapi kajkuna ukhumanta Cordero ashkha preciota pagaspa kacharichisqa, chaykunalla.

Apocalipsis 19:16

P'achanpitaj, moqon patanejpitaj kay suti qhelqasqa karqa: Kamachejkunaj Kuraj Kamachejninku, Wiraqochikunaj Kamachejnintaj, nispa.

Apocalipsis 2:11

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun. Pikunachus atipajkunaqa manapuni wiñaypaj Diosmanta karunchasqachu kanqanku.

Apocalipsis 2:7

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun. Chantá noqa pichus atipajman kawsay sach'amanta mikhuchisaj, mayqenchus Diospa janaj pacha huertanpi kashan, chaymanta.

Apocalipsis 3:22

Pichus nisqayta jap'ikuyta munajqa Santo Espíritu iglesiakunaman imatachus nisqanta uyarichun, nispa. Ajinata Jesús nerqa.

Apocalipsis 3:6

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun.