Apocalipsis 2:10 - DIOSPA QHELQACHISQAN DEUTEROCANONICAL

¹⁰ Chaywanpis imatachus ñak'arinaykimanta ama manchachikuychu, imaraykuchus Kuraj Supay qankunamanta wakinta wisq'achenqa, cheqatapunichus noqapi atinikusqaykichejta yachananpaj. Chaypacha, chunka p'unchayta ñak'arichisqa kankichej. Qanrí wañunaykikama kasuwaspallapuni puriy, noqataj wiñay kawsayta t'inkata jina qosqayki.

Qheshwa Biblia DC

¹⁰ Ama manchachikuychu chay imasta ñak'arinaykimantaqa. Qhaway, qankunamanta wakinta supayqa carcelman wisq'achenqa, rejsisqa kanaykichejpaj, chunka p'unchaytataj llakiyniyoj kankichej. Wañuykama creellaypuni, noqataj kausay pilluta qanman qosqayki.

DIOSPA QHELQACHISQ

¹⁰ Chaywanpis imatachus ñak'arinaykimanta ama manchachikuychu, imaraykuchus Kuraj Supay qankunamanta wakinta wisq'achenqa, cheqatapunichus noqapi atinikusqaykichejta yachananpaj. Chaypacha, chunka p'unchayta ñak'arichisqa kankichej. Qanrí wañunaykikama kasuwaspallapuni puriy, noqataj wiñay kawsayta t'inkata jina qosqayki.

Quechua South Bolivia: Dios Parlapawanchej

¹⁰ Pisimantawan muchunayqui tiyan. Caymanta ama manchachicuychu. Kancunamanta waquinta Satanaska carcelman wisk'asonkachej. Chaywan Dioska paypi sumajta jap'icuskayquichejta yachanka. Chunca p'unchaycunata llaquiycunata muchunquichej. Wañunayquicama Diospi jap'icuy. Chaymanjinataj jatunchaskayqui nokawan cusca cusiywan causacunayquipaj.

Apocalipsis 2:10 ပူးပေါင်းရင်းမြစ်များ

Salmos 31:23

23 (24) Tata Diosta munakuychej, payta tukuy qhatejkuna. Tata Diosqa cheqan sonqoyojkunata waqaychan, wapuykachajkunamantajrí ruwasqankuman jina astawanraj qoponqa.

Lamentaciones 3:57

Qhaparikamorqayki, chay p'unchay qayllaykamuwaspa, niwarqanki: Ama manchachikuychu, nispa.

Daniel (hebreo) 1:12

Kayta mañarikuyki: Imaynachus kasqaykuta rikunaykipaj, chunka p'unchay junt'ata q'omerkunallata qowayku mikhunaykupaj, ujyanaykupajtaj yakullata qowayku.

Daniel (hebreo) 1:14

Mayordomoqa Danielta uyarerqa. Jinataj chunka p'unchay junt'ata paykunaman q'omerkunallata mikhucherqa.

Habacuc 2:3

Mosqoypi jina rikusqaykej junt'akunan tiempo manaraj chayamunchu. Chaywanpis junt'akonqapuni. Qheparisqanta rijch'asunki chaypis pacienciawan suyarillay, junt'akunan tiempotaj chayamonqapuni.

San Mateo 10:22

Noqarayku tukuy runakuna chejnisonqachej. Chaywanpis qankunamanta pichus tukukuykama sinch'ita sayaj, chay runata Dios qhespichenqa.

San Mateo 10:28

Ama qankunata wañuchejkunata manchachikuychejchu, imaraykuchus paykuna almaykichejtaqa mana imanayta atinkuchu. Aswanpis, Diostamin manchachikuychej, imaraykuchus pay wañuchisuspa, lawrashaj nina qochaman wijch'uykusuyta atin.

San Mateo 24:13

Chaywanpis qankunamanta pichus tukukuykama sinch'ita sayaj, chay runatamá Dios qhespichenqa.

Marcos 13:13

Kay pachapi tukuy runakuna noqarayku chejnisonqachej. Chaywanpis qankunamanta pichus tukukuykama sinch'ita sayaj, chay runata Dios qhespichenqa.

Marcos 8:35

Pichus noqata kasunawanmanta nisqa kawsaynin aswan kasqanta qhawajqa, mana wiñay kawsayman yaykonqachu. Chaywanpis noqarayku, chantá sumaj willayrayku pichus kawsayninta mana may kasqanta qhawanchu, chay runaqa wiñay kawsayman yaykonqa.

San Lucas 21:12

Chaywanpis manaraj chay tukuy ima kashajtin, runakuna qankunata ñak'arichisunaykichejpaj presochasonqachej. Chantá tantakunanku wasiman apasonqachej, carcelkunamantaj wisq'arasonqachej. Jinallatataj kuraj kamachejkunaj ñawpaqenman, llajtata kamachejkunaj ñawpaqenman ima pusasonqachej yachachisqaykuna kasqaykichejrayku.

San Juan 12:25

Pichus noqata kasunawanmanta nisqaqa kawsaynin aswan kasqanta qhawajqa mana wiñay kawsayman yaykonqachu. Pichus kawsayninta mana may kasqanta qhawaspa noqata kasuwan chayrí, payqa wiñay kawsayman yaykonqa.

San Juan 13:2

Jesuswan, yachachisqankunawan ima manaraj Pascua cenata mikhushajtinku, Kuraj Supayqa Simonpa churin Judas Iscarioteta yuyaychasqaña Jesusta jap'ichinanpaj.

San Juan 13:27

Maypachachus Judas t'antata mikhorqa, chaypacha Kuraj Supay paypa sonqonman yaykorqa. Jinapi Jesús Judasta nerqa: Imatachus ruwanayashanki, chaytaqa usqhayta ruwamuy, nispa.

Hechos 20:24

Chaywanpis manapuni chayta manchachikunichu, nitaj wañuytapis. Aswanpis kusiywan kawsayniyta tukuchiyta munani Tukuyta Kamachej Jesuspa kamachiwasqanta junt'aspa. Jinallataj munani Diospa qhasilla k'acha yanapayninmanta sumaj willaytapis tukuyman willarayta.

Hechos 21:13

Pablotajrí niwarqayku: Imaraykutaj chay jinatapuni waqaspa sonqoyta wawayachiwankichejri? Noqaqa wakichisqaña kani, mana watachikunallaypajchu, aswanpis Jerusalenpi wañuchisqa kanaypaj Tukuyta Kamachej Jesusrayku, nispa.

1 Corintios 9:25

T'ijurispa llallinakupaj wakichikojkunaqa tukuy, imachus mana yanapanqachu, chayta mana ruwankuchu. Ajinata paykuna wakichikunku ch'akipoj pillullata jap'inankupaj. Noqanchejrí mana jayk'aj ch'akipoj pilluta jap'inanchejpaj wakichikunchej.

Efesios 2:2

Chaykunapi qankuna ñawpajta kawsaj kankichej, Diosman mana kutirikojkunaj purisqankuta qhatispa. Jinallataj mana rikukoj atiyniyojkunata kamachej Kuraj Supayta kasorqankichej, mayqenchus Diosta mana kasojkunaj sonqonkupi llank'ashan, chayta.

Efesios 6:12

Noqanchej mana runawanchu maqanakushanchej, manachayqa atiyniyoj kamachej supaykunawan. Paykuna janajmantapacha laqhayaypi kawsaj runakunata kamachinku, munasqankuta ruwachispa.

Santiago 1:12

Kusisqamin pichus tukuy imaymana mana allin kaj qhatirejtin sinch'ita sayajqa, imaraykuchus chay mana allin kajta atipasqanmanta payqa wiñay kawsayta pilluta jina jap'enqa. Chayta Diosmin payta munakojkunaman qonanta nerqa.

1 Pedro 5:4

Chantá Kuraj Kaj Michej kutimuspa, payqa wiñaypaj jatunchasqa kanata pilluta jina qosonqachej.

1 Pedro 5:8

Jinallataj allin yuyayniyoj jina, allinta qhawakuspa puriychej, imaraykuchus awqaykichej Kuraj Supayqa phiña león jina qhaparirispa, muyuykachashasunkichej, mayqellantapis oqoykunanpaj.

Apocalipsis 13:14

Jinallataj jallp'amanta rikhurimoj sierpeqa ñawpa kaj sierpe atiyta qosqanwan t'ukuna imakunata ruwarqa, chaykunawantaj kay pachapi tukuy runata q'otiyarqa. Chantá jallp'amanta rikhurimoj sierpe kamachillarqataj, chay ñawpaj kaj sierpej lantinta ruwanankuta, mayqenpa ujnin umanchus k'irisqa kashajtin thañiporqa, chaypata.

Apocalipsis 13:2

Chay waj sierpe rikusqayqa ch'ejchi leonman rijch'akorqa, chakenqa jukumarejta jina karqa, simintaj leonpa simin jina. Chantá puka sierpe atiyninta, kamachina tiyanata, chantá kamachinanpaj atiyniyoj kayta ima chay waj sierpeman qorqa.

Apocalipsis 13:7

Jinallataj Dios payta saqerqa Diospa ajllasqankunawan maqanakuspa, paykunata atipajta. Jinallataj kamachinanpaj atiyta qorqa tukuy aylluta, tukuy imaymana runata, waj parlayta parlajkunata, tukuy suyuta ima.

Apocalipsis 17:14

Chantá paykuna Corderoj contranpi maqanakonqanku. Corderotajrí paykunata atipaykonqa, imaraykuchus payqa tukuy kamachejkunaj Kuraj Kamachejninku, tukuy wiraqochikunaj Kamachejninkutaj. Pikunatachus Dios wajyaspa ajllakorqa, jinataj payta kasunku chaykuna paywan khuska kanqanku.

Apocalipsis 2:13

Noqa maypichus tiyakusqaykita yachani. Qanqa, maypichus Kuraj Supaypa kamachinan tiyana kashan, chaypi tiyakunki. Chaywanpis mana wasanchawarqankichu, nitaj noqapi atinikusqaykipi llawch'iyarqankichu. Pérgamo llajtapi willajniy Antipasta wañucherqanku, pichus tukuy sonqo noqata kasuwaspallapuni kawsarqa, chayta. Qanrí payta wañuchishajtinkupis, manapuni noqata wasanchawarqankichu.

Apocalipsis 2:9

Noqa ñak'arichisqa kasqaykita rikuni, wajcha kasqaykitapis. Chaywanpis qhapaj kanki. Yachallanitaj judío kasqankuta nejkuna qanpaj sajrata rimasqankuta. Paykuna mana Diospa ayllunmantachu kanku, aswanpis Kuraj Supaypa t'aqanmanta.