Apocalipsis 18:8 - DIOSPA QHELQACHISQAN DEUTEROCANONICAL

⁸ Ajinata nisqanrayku uj p'unchaylla kay ñak'ariykuna payman jamonqa: Wañuy, waqay, yarqhay ima. Chantá ninawan ruphaykuchisqa kanqa, imaraykuchus Tukuyta Kamachej, Tukuy Atiyniyoj Diosmin payta juzganqa, nispa.

Qheshwa Biblia DC

⁸ Chayrayku uj p'unchayllapi ñak'ariykunasnin jamonqanku: Wañuy, waqay, yarqhaytaj. Chantá ninwantaj ruphasqa kanqa. Atiyniyoj Dios Señorqa payta juchachan.

DIOSPA QHELQACHISQ

⁸ Ajinata nisqanrayku uj p'unchaylla kay ñak'ariykuna payman jamonqa: Wañuy, waqay, yarqhay ima. Chantá ninawan ruphaykuchisqa kanqa, imaraykuchus Tukuyta Kamachej, Tukuy Atiyniyoj Diosmin payta juzganqa, nispa.

Quechua South Bolivia: Dios Parlapawanchej

⁸ Chayraycu uj p'unchayllapi manchay llaquiycuna payman jamonka, onkoy, phutiy, yarkhaypis. Ushphayanancama ninawan ruphaycuskataj canka. Payta juchachaj Señor Dioska callpayojmin, —nispa.

Apocalipsis 18:8 ပူးပေါင်းရင်းမြစ်များ

Job 9:19

Sichus atiyninmanta parlasunman chayqa, cheqapuni payqa sinch'i atiyniyoj. Sichus quejaykusunman chayqa, pitaj payta chayachimunmanri?

Salmos 62:11

11 (12) Uj kuti Dios parlarqa, chaytataj iskay kutita uyarini: Noqaqa Tukuy Atiyniyoj Dios kani, nispa nejta.

Isaías 27:1

Chay p'unchaypi Tata Diosqa jatun, manchay atiyniyoj espadanwan Leviatán sierpeta jasut'enqa, may jinata suchoj, ch'uwirakoj Leviatán sierpeta, mayqenchus mama qochapi tiyakun, chayta.

Isaías 9:14

Chayrayku Tata Diosqa Israel suyoj umanta, chupantawan qholonqa uywata jina. Chantá palma sach'ata jina, t'uturata jinataj uj p'unchayllapi k'utonqa.

Jeremías 50:31

Tukuy Atiyniyoj Tata Dios nillantaj: Runaykachaj suyu, qanpa contraykipi noqa kashani, imaraykuchus jasut'isunay p'unchayqa chayamunña.

Jeremías 50:34

Jinapis preciota pagaspa kacharichejninkoqa may kallpasapamin, sutintaj Tukuy Atiyniyoj Tata Dios. Paymin paykunarayku justiciata ruwanqa, allin kawsaytataj suyunkuman apamonqa. Babiloniapi tiyakojkunamanrí jatun manchachikuyta kachaykonqa, nispa.

Jeremías 51:58

Babiloniaj phatu perqankuna tukuynin urmachisqa kanqanku, chay chhikachachaj punkunkunapis ruphaykuchisqa kanqanku. Chay llajtata sayarichejkunaqa mayta sayk'uspa, qhasillapaj ruwarqanku, imaraykuchus tukuy ruwasqanku ninallapi ruphasqa tukukonqa. Noqa Tukuy Atiyniyoj Tata Dios chayta nini.

Jeremías 51:6

Babiloniamanta ayqeychej. Pichus atejqa ayqekuchun. Ama qankunapis Babiloniaj millayta ruwasqanrayku wañuchisqachu kaychej, imaraykuchus Tata Diospa vengakunan p'unchay chayamun, paytaj ruwasqankuman jina paykunaman kutichiponqa.

Joel 2:11

Tata Diosqa soldadonkunaj ñawpaqenkupi purispa, qhon qhon jina kamachisqanta uyarichin. Soldadonkuna may ashkhapuni kanku, kamachisqanta junt'ajkunataj may atiyniyoj kanku. Tata Diospa p'unchaynenqa manchay t'ukuna, manchachikunataj. Manataj pipis ñawpaqenpi sayayta atej kanchu.

1 Corintios 10:22

Chayta ruwaspa manachu yachankichej Tukuyta Kamachej Jesucristota celosachishasqanchejta? Chayrí yuyankichejchu paymanta aswan atiyniyoj kasqanchejta?

Apocalipsis 11:17

Nerqankutaj: Tukuyta Kamachej, Tukuy Atiyniyoj Dios, pachis pachis niyku. Qanmin kawsanki, wiñay wiñaymantapachataj kawsallarqankipuni. Kunantaj jatun atiyniykiwan kay pachapi kamachiyta qallarishanki.

Apocalipsis 17:16

Puka sierpe, jinallataj chunka wajrankuna ima phisu warmita chejnenqanku. Chayrayku tukuy imanta qhechuspa, q'alallata saqerpayanqanku. Chantá aychanta mikhonqanku, puchojtataj ninaman choqaykuspa, ruphaykuchenqanku.

Apocalipsis 17:18

Chay rikusqayki warmeqa jatun llajtamin, pichus kay pachapi kuraj kamachejkunata kamachishan, chay, nispa.

Apocalipsis 18:17

Chaywanpis manaraj imapi chay chhika qhapaj kasqan tukukaporqa, nispa. Chantá barcokunata tukuy purichejkuna, barcopi tukuy rejkuna, yanapakuspa qolqe ganakojkunapis, karullapi sayarikorqanku.

Apocalipsis 18:19

Ajinaqa umankuman jallp'ata qhalliykukuspa, qhaparerqanku, jik'un jik'unta waqaspataj, nerqanku: Kay jina llakiyman kay llajta chayananri. Mama qochapi tukuy barcoyoj kajkuna paypa kapuyninwan qhapajyarqayku. Kunantajrí manaraj imapi chinkarparichisqa, nispa.

Apocalipsis 19:3

Chantá ujtawan nillarqankutaj: Tata Dios jatunchasqa kachun. Babilonia llajtaqa wiñaypa wiñayninkama q'oshñispallapuni kanqa, nispa.