Apocalipsis 11:3 - DIOSPA QHELQACHISQAN DEUTEROCANONICAL

³ Noqatajrí iskay testigokunata kachamusaj, qhashqa p'achawan p'achallisqata. Paykunataj 1.260 p'unchayta sut'inchanqanku.

Qheshwa Biblia DC

³ Noqataj iskay rikojkunata kachamusaj, yana qhashqa p'achawan p'achallisqasta. Paykunaqa waranqa iskay pachaj sojta chunkayoj p'unchaykunata noqamanta sut'inchanqanku.

DIOSPA QHELQACHISQ

³ Noqatajrí iskay testigokunata kachamusaj, qhashqa p'achawan p'achallisqata. Paykunataj 1.260 p'unchayta sut'inchanqanku.

Quechua South Bolivia: Dios Parlapawanchej

³ Nokataj iscay willajcunayta luto p'achawan p'achalliskata cachamusaj. [Runaspa juchancumanta phuticuskancuraycu ajina p'achalliskas cancu.] Waranka iscay pachaj sojta chuncayoj p'unchaycunata niskasniyta willarankancu, —nispa.

Apocalipsis 11:3 ပူးပေါင်းရင်းမြစ်များ

Génesis 37:34

Jinapi Jacob p'achanta llik'irakuspa, qhashqa p'achata churaykukorqa. Jinaspataj, unayta churinmanta llakikuspa, waqarqa.

2 Samuel 3:31

Chaymantaqa David kamacherqa Joabta, paywan kaj runankunata ima: P'achaykichejta llik'irakuspa, qhashqa p'achata churakuychej, Abner wañusqanmantataj waqaychej, nispa. Kuraj kamachej Davidtaj Abnerpaj ayan qhepanta rerqa.

1 Reyes 21:27

Kuraj kamachej Ajabrí Diosmanta sut'inchajpa nisqanta jap'ikorqa. Chayrayku sinch'i llakisqa kasqanmanta yachayta qospa, p'achanta llik'ikorqa, qhashqa p'achata churakuspataj, mana imatapis mikhorqachu. Ajina qhashqa p'achayoj puñorqa, phutisqataj purerqa.

2 Reyes 19:1

Kuraj kamachej Ezequías chayta uyarispa, p'achanta llik'irakorqa, qhashqa p'achata churaykukuspataj, Tata Diospa Templonman rerqa.

1 Crónicas 21:16

David qhawaspa, Tata Diospa angelninta rikorqa janajwan kay pachawan tinkuypi sayashajta, espadanta jap'ispa Jerusalén llajtanejta qhawarisqa. Chantá Davidwan tukuy kurajkunawan ima qhashqa p'achata churakuspa, pampakama k'umuykorqanku.

Nehemías 9:1

Chantá israelitakunaqa chay kikin killallapitaj iskay chunka tawayoj kaj p'unchayninpi watej tantakorqanku. Chaypi qhashqa p'achata churakorqanku, ayunarqanku, jallp'atataj umankuman qhallaykukorqanku juchankumanta llakisqa kasqankumanta yachayta qonankupaj.

Job 16:15

Llakisqa kasqayta rejsichinaypaj qhashqa p'achata churakorqani, jallp'atataj umayman qhallikorqani.

Salmos 69:11

11 (12) Llakisqa kaspa qhashqa p'achata churakojtiypis, tukuypa asipayanan kani.

Isaías 22:12

Chay p'unchaypi Tukuy Atiyniyoj Tata Dios wajyasorqachej mayta llakikuspa waqanaykichejpaj, llakikusqaykichejta rikuchispa umaykichejta ruthukunaykichejpaj, qhashqa p'achata churakunaykichejpaj ima, chay millay ruwasqaykichejmanta.

Jeremías 1:10

Noqa simiykiman nisqaykunata churani. Kunanqa jatun suyukunapi, juch'uy suyukunapi ima atiyta qoyki sik'inaykipaj, thuñinaykipaj, phirinaykipaj, t'unanaykipaj, chantá watej jatarichinaykipaj, mallkinaykipaj ima, nispa.

Lamentaciones 2:10

K'achitu Sionmanta kurajkunaqa pampapi ch'inlla tiyakunku, umankuman jallp'awan qhallirakuspa, qhashqa p'achata churaykukuspa ima. Jerusalenpi sipaskunapis pampakama k'umuykunku.

Ezequiel 4:6

Chay tiempo junt'akojtinkama, pañamantañataj siriykunki. Judá aylloj juchantañataj pataykiman churaykukunki tawa chunka p'unchay junt'akunankama, uj p'unchayta sapa wata millayta ruwaspa purisqankumanta.

Daniel (hebreo) 12:7

Jinapi linomanta p'achayoj runa iskaynin makinta janajman oqharerqa, wiñaypaj kawsaj Diospa sutinpi tiluspataj, nerqa: Kinsa wata khuskanniyojkama, maypachachus Diospa ayllun phirisqa kanan tukukonqa chaypacha, kay tukuynin imakunapis tukukullanqataj, nispa.

Daniel (hebreo) 7:25

Chantá janaj pachapi kaj Diospa contranta rimanqa, Diospa aylluntapis ñak'arichillanqataj. Jinallataj Diospa kamachisqankunata, rayminkunata ima waj jinaman tukuchiyta munanqa. Ajinamanta Diospa ayllun kinsa wata khuskanniyojta makinpi kanqa.

Daniel (hebreo) 8:14

Chay uj angeltaj kuticherqa: Iskay waranqa kinsa pachajniyoj p'unchaykuna pasanankama, chaymantaraj Diospa Templon llimphuchasqa kanqa, nispa.

Joel 1:13

Altarpi ruwanayoj sacerdotekuna, qhashqa p'achata churakuspa, sonqo nanayta waqaychej, imaraykuchus Templopi Tata Diosman jaywanapaj manaña kanchu ch'aki mikhuy, nitaj vinopis.

Jonás 3:5

Jinamanta chay llajtapi tiyakojkuna Diospa nisqanta jap'ikorqanku. Chantá tukuy ayunanankuta nerqanku, jinallataj juchankumanta sinch'i llakisqa kashasqankuta rejsichinankupaj jatunpaj qhawasqa kajkunamanta mana kasu ruwana kajkunakama qhashqa p'achata churakorqanku.

Jonás 3:8

Manachayqa qhashqa p'achata churakuspa, tukuyniykichej sinch'ita Diosmanta mañakuychej. Sapa ujniykichej millay purinata saqeychej, amañataj kallpaman atinikuspa, runata waqachiychejchu.

Números 11:26

Jinapis chay qanchis chunkamanta iskayninku Eldadwan, Medadwan ima Dioswan Tinkukuna Toldoman mana rerqankuchu, manachayqa jarallankupi qhepakorqanku. Chaywanpis paykunaman espíritu yaykojtin, jarankupi Diosmanta sut'inchaspa kallarqankutaj.

San Mateo 11:21

Nerqataj: Ay, Corazín llajtayojkuna, qankunamanta imallachus kanqa. Ay imallachus kanqa qankunamantapis, Betsaida llajtayojkuna. Sichus Tiro llajtapi, jinataj Sidón llajtapi pipis qankuna ukhupi kay ruwasqay t'ukunata ruwanman karqa chayqa, maypachaña Diosman kutirikunkuman karqa. Paykunaqa qhashqa p'achata churakuspa, ushpha patapi tiyaspataj, Diosman kutirikusqankumanta yachayta qonkuman karqa.

San Mateo 18:16

Mana uyarisojtinrí, ujta, chayrí iskay runakunata pusariykukuspa, paywan ujtawan parlamuy. Ajina chay iskay, chayrí kinsa testigokunaj uyarisqankuwan tukuy parlasqaykichej sut'i kanqa.

San Lucas 10:13

Jesús nillarqataj: Ay, Corazín llajtayojkuna, qankunamanta imallachus kanqa. Ay imallachus kanqa qankunamantapis, Betsaida llajtayojkuna. Sichus Tiro llajtapi, jinataj Sidón llajtapi pipis qankuna ukhupi kay ruwasqay t'ukunata ruwanman karqa chayqa, maypachaña Diosman kutirikunkuman karqa. Qhashqa p'achata churakuspa, ushpha patapi tiyaspataj, Diosman kutirikusqankumanta yachayta qonkuman karqa.

San Lucas 24:48

Qankunataj chay tukuy rikusqaykichejmanta testigo jina willaramunaykichej tiyan.

San Juan 15:27

Qankunapis rikojkuna jina noqamanta parlallankichejtaj, imaraykuchus qallariymantapacha noqawan karqankichej, nispa.

San Juan 3:27

Chantá Juan kuticherqa: Runaqa mana imatapis jap'iyta atinmanchu, manachus Dios qonman chayqa.

Hechos 1:8

Manachayqa Santo Espíritu qankunaman jamuspa, pay atiyta qosonqachej. Chantá rispa, qankuna noqamanta testigo jina willankichej Jerusalenpi, tukuy Judea jap'iypi, Samariapi, jinallataj tukuy kay pachaj k'uchunkama, nispa.

Hechos 13:31

Chaymantataj ashkha p'unchaykunata Jesús rikhurerqa, pikunachus Galileamanta paywan khuska Jerusalenkama risqanku, chaykunaman. Paykunataj kunan chay rikusqankuta testigo jina tukuy israelitakunaman willashanku.

Hechos 2:32

Diosqa kay Jesustamin wañuymanta kawsarichimorqa. Chaytataj tukuyniyku rikorqayku.

Hechos 3:15

Ajinata qankuna pichus tukuyman kawsayta qojta wañucherqankichej. Diostajrí payta wañusqamanta kawsarichimorqa, noqaykutaj testigo jina chay rikusqaykuta willayku.

1 Corintios 12:28

Diostaj Iglesiapi sapa ujta ruwanayojta churan: Ñawpajta Jesuspa kuraj kachankunata, qhepanta Diosmanta sut'inchajkunata, chaymanta nisqanta yachachejkunata, chaymantataj t'ukuna imakunata ruwajkunata, onqosqakunata qhaliyachejkunata, yanapajkunata, iglesiata pusarejkunata, chantá mana rejsisqa parlayta atejkunata ima.

2 Corintios 13:1

Kaywanqa kinsa kutitaña qankunata watukoj jamusqaykichej. Chaypachataj Diospa Qhelqachisqanpi nin jina, tukuy ima sut'inchakonqa iskay, chayrí kinsa testigokunaj nisqankuwan.

Efesios 4:11

Paymin wakinkunata churarqa kuraj kachankuna kanankupaj, wakintataj Diosmanta sut'inchajkuna kanankupaj. Wakinta churallarqataj sumaj willayta willajkuna kanankupaj, wakintataj iglesiata michejkuna, yachachejkuna ima kanankupaj.

Deuteronomio 17:6

Iskay, chayrí kinsa rikojkuna kajtin, chay runata wañuchinkichej. Sichus uj runalla rikoj tiyan chayqa, ama chay ch'atasqa runata wañuchinkichejchu.

Deuteronomio 19:15

Pi runatapis ima mana allinta ruwasqanmanta, chayrí juchachakusqanmanta juchachanapajqa kinsa, chayrí iskayllapis rikojkuna kananku tiyan. Ujlla rikoj kajtenqa, mana cuentaman churasqachu kanqa.

Apocalipsis 1:5

Jesucristoqa cheqanta willaj testigomin. Paymin wañusqamanta ñawpajta kawsarimporqa, payllataj kay pachapi tukuy kuraj kamachejkunata kamachin. Jesucristo munakuwarqanchej, jinataj wañuspa yawar jich'asqannejta juchanchejta pampacharqa.

Apocalipsis 11:2

Temploj jawanpi kaj patiotarí ama midinkichu, imaraykuchus chay patiota qoni noqata mana qhatiwajkunaman, paykunataj noqapaj ajllakusqay llajtata kinsa wata khuskanniyojta saronqanku.

Apocalipsis 11:6

Jinallataj chay testigokuna mana parachimunankupaj atiyniyoj kanku, paykuna sut'inchayta tukunankukama. Paykuna atiyniyojllataj kanku yakuta yawarman tukuchinankupaj, kay pachapi kajkunatapis mashkha kutitachá munasqankuta tukuy imaymana onqoywan ñak'arichinankupaj ima.

Apocalipsis 12:6

Warmitajrí ch'innejman ayqerqa, maypichus Dios paypaj uj cheqata wakichisqa, chayman, chaypi 1.260 p'unchayta payta mikhuchinankupaj.

Apocalipsis 13:5

Jinallataj chay waj sierpeman atiyta qorqa, mayta wapuykachaspa parlananpaj, chantá Diospa contranta millayta rimananpaj ima. Jinallataj payman atiyta qollarqataj kinsa wata khuskanniyojta munayninta ruwananpaj.

Apocalipsis 19:10

Chayta ángel nejtin, noqaqa payta yupaychanaypaj chakin chaynejman pampakama k'umuykorqani. Paytajrí niwarqa: Ama chayta ruwaychu. Noqaqa qan jina, chantá Jesuspa nisqanta jap'ikoj wawqe panaykikuna jina Diospa kamachillantaj kani. Qanqa Diosllata yupaychay, imaraykuchus Diosmanta sut'inchajkunaj nisqankoqa, Jesusmanta willanallapajpuni runaj sonqonta aysan, nispa.

Apocalipsis 20:4

Rikullarqanitaj kamachina tiyanakunata, chaykunapitaj tiyakusharqanku, pikunachus juzganankupaj atiyta jap'erqanku, chaykuna. Umanku qholusqa kajkunaj almankutapis rikullarqanitaj, pikunachus Jesusmanta, chantá Diospa simi nisqanmanta ima willasqankurayku wañuchisqa kasqanku, chaykunata. Paykunaqa sierpeta, lantintapis mana yupaychasqankuchu, manallataj mat'inkupi, chayrí makinkupipis marcanwan marcachikusqankuchu. Kunantajrí paykuna kawsarimpuspa, Cristowan khuska waranqa watata kamacherqanku.