Apocalipsis 11:10 - DIOSPA QHELQACHISQAN DEUTEROCANONICAL

¹⁰ Jinapi Diosman mana kutirikojkuna chay testigokuna wañuchisqa kasqankumanta kusirikonqanku. Chantá ujkuna ujkuna waqekunata jaywanarikonqanku, imaraykuchus chay iskay testigokunaqa paykunata mayta ñak'aricherqanku.

Qheshwa Biblia DC

¹⁰ Jallp'api tiyakojkunataj paykuna jawa qhochukonqanku, kusikonqankutaj paykunapura t'inkasta apachinakuspa. Chay iskay profetasqa jallp'api tiyakojkunata llakichej kanku.

DIOSPA QHELQACHISQ

¹⁰ Jinapi Diosman mana kutirikojkuna chay testigokuna wañuchisqa kasqankumanta kusirikonqanku. Chantá ujkuna ujkuna waqekunata jaywanarikonqanku, imaraykuchus chay iskay testigokunaqa paykunata mayta ñak'aricherqanku.

Quechua South Bolivia: Dios Parlapawanchej

¹⁰ Ajinata khawaspa cay pachapi tiyacoj runaska paycunaj wañuskancumanta cusiskas cankancu. Cusiracuspataj regalosta apachinaconkancu. Chay iscay willajcunaka cay pacha runasta ñaupajpi ñac'aricherkancu. Chayraycu wañuskancumanta runaska cusiconkancu.

Apocalipsis 11:10 ပူးပေါင်းရင်းမြစ်များ

1 Reyes 18:17

Ajabqa Eliasta rikuytawan, nerqa: Kaypi kasqankeqa. Qanrayku Israel suyoqa sinch'i llakiypi kashan, nispa.

1 Reyes 21:20

Eliasqa Ajabman chimpaykojtin, Ajab nerqa: Awqay kashaspapis, jamullankiñatajchu? nispa. Eliastaj kuticherqa: Arí, noqa mask'ashayki, imaraykuchus Tata Diospa ñawpaqenpi qanqa millayta ruwaspa purinki.

1 Reyes 22:18

Chantá Israelta kuraj kamachej Ajabqa Josafatta nerqa: Uyarinkichu? Kay runaqa mana jayk'ajpis allin kajta sut'inchawanchu, manachayqa mana allin kajllatapuni, nispa.

1 Reyes 22:8

Chantá Ajab kuticherqa: Arí, uj kanraj, paynejta Tata Diosta tapurinapaj, Imlaj churin Micaías sutiyoj. Chaywanpis payta noqa chejnini, manapuni jayk'aj allin kajta sut'inchawasqanrayku, nispa. Josafattaj nerqa: Ama jinata parlaychu, nispa.

Salmos 13:4

4 (5) Ama awqay nichunchu: Payta atipaykuni, nispa. Urmayman chaypis, ama kusikuchunchu.

Salmos 35:19

Awqaykuna noqamanta asikunawankuta ama saqeychu, nillataj mana imallamanta chejnikuwajkuna alqochakuwachunkuchu.

Salmos 89:42

42 (43) Qan awqankunaj atiyninkuta jatuncharqanki, jinallataj paykunata mayta kusicherqanki.

Proverbios 24:17

Ama kusikuychu, nitaj raymita ruwaychu, awqayki misk'ajtin, chayrí urmajtinpis.

Jeremías 38:4

Chantá chay kurajkunaqa kuraj kamachejman willamorqanku: Jeremiasta wañuchina, imaraykuchus imatachus nisqanwan llajtanchejpi qhepakoj soldadokunata iskayrayachin, jinallataj tukuy runatapis. Kay runaqa mana kay llajtaj allinnintachu mask'an, aswanqa mana allinnillanta munan, nispa.

Jeremías 50:11

Qankuna caldeokuna, aylluymanta suwaspa kusikorqankichej, asirikorqankichejtaj. Qankunaqa, imaynatachus vakilla pasto patapi sink'urin, ajinata sink'urerqankichej, caballo jinataj qhaparerqankichej.

Abdías 1:12

Wawqeyki llakiypi kashajta rikuspa, mana kusikunaykichu karqa. Manallataj kusikunaykichu karqa Judá ñak'arishajta rikuspa, nillataj asikunaykichu karqa llakiypi kashajtinku.

Miqueas 7:8

Babilonia suyu, ama asikuychu mana allin qhatiriwasqanmanta. Urmarqani chaypis, watej sayarikullasajtaj. Laqhayaypis muyuykuwachun, Tata Diosllamin k'anchaykuwajneyqa.

San Mateo 10:22

Noqarayku tukuy runakuna chejnisonqachej. Chaywanpis qankunamanta pichus tukukuykama sinch'ita sayaj, chay runata Dios qhespichenqa.

San Juan 16:20

Kayta sut'ita niykichej: Waqankichej, llakikunkichejtaj, chaykamataj Diosman mana kutirikojkuna kusikonqanku. Chaywanpis qankuna llakisqapis kashaychej, aswan qhepanejman llakiyniykichejqa kusikuyman tukonqa.

San Juan 7:7

Runakuna qankunata mana chejnikusunkichejchu. Noqatarí chejnikuwanku, imaraykuchus noqaqa ruwasqanku mana allinchu kasqanta sut'ita nipuni.

Hechos 5:33

Chayta uyariytawan, kurajkuna mayta phiñarikuspa, Jesuspa kuraj kachankunata wañuchiyta munarqanku.

1 Corintios 13:6

Jinallataj munakuyniyoj runaqa millayta ruwajkunamanta mana kusikunchu. Aswanpis cheqanta ruwasqankumanta kusikun.

Apocalipsis 12:13

Chay sierpe kay pachaman wijch'umusqa kaspaqa, qhari wawata paqarichikoj warmita qhatiykacharqa.

Apocalipsis 13:14

Jinallataj jallp'amanta rikhurimoj sierpeqa ñawpa kaj sierpe atiyta qosqanwan t'ukuna imakunata ruwarqa, chaykunawantaj kay pachapi tukuy runata q'otiyarqa. Chantá jallp'amanta rikhurimoj sierpe kamachillarqataj, chay ñawpaj kaj sierpej lantinta ruwanankuta, mayqenpa ujnin umanchus k'irisqa kashajtin thañiporqa, chaypata.

Apocalipsis 13:8

Kay pachapi tukuy runataj chay waj sierpeta yupaycharqanku. Kay pacha manaraj ruwasqa kashajtin, pichus wañuchisqa kanan karqa, chay Corderoqa kawsay p'anqapi qhelqasqa, pikunachus wiñay kawsayniyoj kananku karqa, chay sutinkuta. Kay ujkunaj sutinkurí mana chay p'anqapi qhelqasqachu karqa.

Apocalipsis 16:10

Chantá phishqa kaj angelñataj vasonmanta jich'aykorqa, ñawpajta rikhurimorqa, chay sierpej kamachinan tiyanaman. Chayraykutaj chay sierpej kamachiynenqa laqhapi rikhurerqa. Runakunataj nanaywan qallunkuta khanirakorqanku.

Apocalipsis 3:10

Qanqa pacienciawan suyanaykita kamachisqayta kasorqanki. Chayrayku noqapis ñak'ariy p'unchaypi qanta waqaychasqayki. Chay ñak'arinaqa tukuy kay pachapi kaj chhika runakunaman jamonqa imayna sonqoyojchus kasqanku yachakunanpaj.