Apocalipsis 1:9 - DIOSPA QHELQACHISQAN DEUTEROCANONICAL

⁹ Noqa Juan qankunaj wawqeykichej kani, Jesuswan ujchasqa kasqayraykutaj Diospa kamachiyninpi qankunawan khuska kashani. Jinallataj tukuy imaymana ñak'ariykunapi, chantá chay ñak'ariykunata Jesucristoj paciencia qosqanwan awantanapaj qankunawan khuska kashallanitaj. Noqaqa Patmos sutiyoj churupi wijch'usqa kasharqani Diospa simi nisqanmanta, chantá Jesucristomanta ima willasqayrayku.

Qheshwa Biblia DC

⁹ Noqa, Juan, hermanoykichej, qankunawan khuska llakiypi, Jesucristoj reinompi, pacienciampitaj chayaqeyoj kani. Patmos nisqa churupi kasharqani Diospa palabranmanta, Jesucristomantawan willasqayrayku.

DIOSPA QHELQACHISQ

⁹ Noqa Juan qankunaj wawqeykichej kani, Jesuswan ujchasqa kasqayraykutaj Diospa kamachiyninpi qankunawan khuska kashani. Jinallataj tukuy imaymana ñak'ariykunapi, chantá chay ñak'ariykunata Jesucristoj paciencia qosqanwan awantanapaj qankunawan khuska kashallanitaj. Noqaqa Patmos sutiyoj churupi wijch'usqa kasharqani Diospa simi nisqanmanta, chantá Jesucristomanta ima willasqayrayku.

Quechua South Bolivia: Dios Parlapawanchej

⁹ Noka, Juan, hermanoyquichej cani. Kancunawan ujchaska llaquiycunata muchuni. Jesucristo tucuyta camachinancama paypi jap'icoj-masiyquichejpis cani. Diospa niskanta Jesucristomanta willaraskayraycu Patmos niska jallp'api casharkani. [Chay jallp'aka yacuwan muyuycuskamin.]

Apocalipsis 1:9 ပူးပေါင်းရင်းမြစ်များ

San Mateo 20:23

Chantá Jesús kuticherqa: Arí, qankunaqa noqa jina ñak'arinkichej. Chaywanpis pañaypi, lloq'eypitaj qankunata tiyachinayqa mana noqamantachu. Chaytaqa Tata Diosniylla wakichin, pikunatachus pay ajllarqa, chaykunapaj, nispa.

Marcos 10:39

Paykunataj kuticherqanku: Arí, atisqayku, nispa. Chantá Jesús paykunata nillarqataj: Arí, cheqatapuni qankunaqa noqa jina ñak'arinkichej, wañunkichej ima.

San Juan 16:33

Kay tukuyta niykichej, noqaman ujchasqa kaspa, sonqoykichej tiyaykusqa kanaykichejpaj. Kay pachapeqa llakiykunata, chantá pisipaj qhawasqa kayta ima ñak'arinkichej. Chaywanpis sonqoykichejpi kallpachakuychej, imaraykuchus noqaqa Diosman mana kutirikojkunaj tukuy yuyasqankuta atipaniña, nispa.

Hechos 1:15

Chay p'unchaykunallapitaj wawqe panakuna tantakorqanku, uj pachaj iskay chunkayoj jina. Chantá Pedro sayariytawan, paykunata nerqa:

Hechos 14:22

Chay llajtakunapitaj paykuna Jesuspi atinikojkunata kallpacharqanku Jesusta qhatikusqankupi sinch'ita sayanankupaj, nerqankutaj: Diospa kamachiyninman yaykunanchejpaj noqanchej tukuy imaynamanta ñak'arinanchejpuni tiyan, nispa.

Romanos 8:17

Ajinaqa Diospa wawankuna kaspa, noqanchej Cristowan khuska paymanta chayaqeta jap'isunchej. Sichus Cristowan khuska ñak'arinchej chayqa, paywan khuskallataj jatunchasqa kasunchej.

Romanos 8:25

Chaywanpis imatachus suyashanchej, sichus chayta mana rikunchejrajchu chayqa, pacienciawan suyananchej tiyan.

2 Corintios 1:7

Noqayku tukuy sonqo yachayku, qankuna imaynatachus noqayku jina ñak'arinkichej, ajinallatataj sonqochasqa kanaykichejta. Imaynatachus Dios sonqochawayku, ajinallatataj qankunatapis sonqochasonqachej.

Filipenses 1:7

Qankunamanta ajinata yuyanayqa allinpuni, imaraykuchus qankunata anchatapuni munakuykichej. Chayta nini, imajtinchus carcelpi wisq'asqa kashajtiypis, chayrí juezkunaj ñawpaqenpi kutichikushaspa Jesusmanta sumaj willay cheqan kasqanta sut'inchashajtiypis, qankuna Diospa qowasqan ruwanapi yanapawarqankichejpuni.

Filipenses 4:14

Chaywanpis, qankuna llakiyniypi yanapawaspa, allinta ruwarqankichej.

2 Tesalonicenses 3:5

Chantá Tukuyta Kamachej Jesús qankunata yanapachun imaynatachus Dios munakun, ajinallatataj qankunapis wajkunata munakunaykichejpaj, chantapis ñak'ariykunapi Cristo jina pacienciakunaykichejpaj ima.

2 Timoteo 1:8

Chayrayku qan Tukuyta Kamachej Jesusninchejmanta ujkunaman willayta ama p'enqakuychu, nitaj noqamantapis, Jesusrayku carcelpi wisq'asqa kashajtiypis. Aswanpis Tata Dios kallpata qosusqanman jina wakichikuy, Jesusmanta sumaj willayrayku noqawan khuska ñak'arichisqa kanaykipaj.

Hebreos 10:36

Qankuna pacienciakuyta necesitankichej, Diospa munasqanta ruwaspallapuni kanaykichejpaj. Chaypacha Dios imatachus qonawanchejta nisqanta jap'inkichej.

1 Pedro 5:1

Kunanqa iglesiapi kurajkunata yuyaychariyta munani, paykuna jina noqapis iglesiapi kurajllataj kashaspa. Noqaqa Cristo imaynatachus ñak'arisqanta rikorqani, jinataj Cristoj jatun kaynin tukuy kay pachapi rikuchikojtin, noqapis chaypi qankunawan kasaj.

Apocalipsis 1:1

Kayqa Jesucristoj sut'inchasqan, mayqentachus Dios payman qorqa kamachinkunaman rejsichinanpaj imachus askamalla kananmanta, chay. Jesusqa angelninnejta chaykunata kamachin Juanman rejsicherqa.

Apocalipsis 1:2

Chantá Juan chay tukuy imata rikusqanmanta testigo jina willarqa Diospa nisqanmanta, chantá Jesucristoj willasqanmanta ima.

Apocalipsis 1:4

Noqa Juan kayta Asiapi kaj qanchis iglesiakunaman qhelqamuykichej: Wiñaypaj kawsaj Dios wiñaymantapacha karqapuni, paytaj uj p'unchay ujtawan jamunan kashan. Pay, jinataj Tukuyta Kamachej Jesucristo, chantá kamachinan tiyanaj ñawpaqenpi qanchis jinamanta rejsichikoj Santo Espíritu ima qankunaman qhasilla k'acha yanapayninta, sonqo tiyaykuytataj qochun.

Apocalipsis 1:6

Chay jawa Cristoqa noqanchej kamachejkuna jina kamachinanchejta munarqa, chantá Tata Diosninta yupaychanapaj sacerdotekunata jina churawarqanchej. Chayrayku pay jatunchasqa kachun, chantá wiñay, wiñaynintinpaj paymin kamachichun. Ajina kachun.

Apocalipsis 11:7

Chantá testigokuna willayta tukojtinkuña, ukhu pachamanta wicharimoj chay millay sierpe paykunawan maqanakuspa, atipaykonqa, ajinamantataj paykunata wañurachenqa.

Apocalipsis 12:11

Wawqe pananchejkunaqa Cordero cruzpi wañuspa yawar jich'asqanrayku, chantá Diosmanta willasqankurayku Supayta atiparqanku. Paykuna kawsayninkuta pisipaj qhawasqankurayku, wañuyta mana manchachikorqankuchu.

Apocalipsis 12:17

Chantá sierpeqa warmipaj mayta phiñakorqa. Chayrayku warmej mirayninmanta wakinkunawan maqanakoj rerqa. Paykuna Diospa kamachisqanta kasunku, Jesusmanta willaspataj sinch'ita sayanku.

Apocalipsis 13:10

Pichus carcelpi wisq'asqa kanan kashan, chayta carcelman wisq'anankupaj apanqanku. Chantá pichus wañuchisqa kanan kashan, chaytapis wañuchenqanku. Chay niyta munan Diospa ajllakusqankunaqa qhatiykachasqa kanata pacienciawan awantanankuta, Diosta mana wasanchaspa.

Apocalipsis 14:12

Chay niyta munan Diospa ajllakusqankunaqa qhatiykachasqa kasqankuta pacienciawan awantanankuta, jinataj kamachisqanta kasunankuta, chantá Jesuspi atinikuspa mana sayk'uspa sinch'ita sayanankuta.

Apocalipsis 19:10

Chayta ángel nejtin, noqaqa payta yupaychanaypaj chakin chaynejman pampakama k'umuykorqani. Paytajrí niwarqa: Ama chayta ruwaychu. Noqaqa qan jina, chantá Jesuspa nisqanta jap'ikoj wawqe panaykikuna jina Diospa kamachillantaj kani. Qanqa Diosllata yupaychay, imaraykuchus Diosmanta sut'inchajkunaj nisqankoqa, Jesusmanta willanallapajpuni runaj sonqonta aysan, nispa.

Apocalipsis 20:4

Rikullarqanitaj kamachina tiyanakunata, chaykunapitaj tiyakusharqanku, pikunachus juzganankupaj atiyta jap'erqanku, chaykuna. Umanku qholusqa kajkunaj almankutapis rikullarqanitaj, pikunachus Jesusmanta, chantá Diospa simi nisqanmanta ima willasqankurayku wañuchisqa kasqanku, chaykunata. Paykunaqa sierpeta, lantintapis mana yupaychasqankuchu, manallataj mat'inkupi, chayrí makinkupipis marcanwan marcachikusqankuchu. Kunantajrí paykuna kawsarimpuspa, Cristowan khuska waranqa watata kamacherqanku.

Apocalipsis 3:10

Qanqa pacienciawan suyanaykita kamachisqayta kasorqanki. Chayrayku noqapis ñak'ariy p'unchaypi qanta waqaychasqayki. Chay ñak'arinaqa tukuy kay pachapi kaj chhika runakunaman jamonqa imayna sonqoyojchus kasqanku yachakunanpaj.

Apocalipsis 6:9

Maypachachus Cordero phishqa kaj sellota llik'erqa chaypacha, altar urapi rikorqani, pikunachus Diospa nisqanta cheqanta willasqankurayku wañuchisqa karqanku, chaykunata.

Apocalipsis 7:14

Noqataj payman kuticherqani: Wiraqochi, chaytaqa qan yachanki, nispa. Paytaj niwarqa: Kaykunaqa chay jatun ñak'ariypi wañojkuna kanku. Paykunaqa Corderoj yawarninpi t'ajsaspa, p'achankuta yurajyacherqanku.