Apocalipsis 1:7 - DIOSPA QHELQACHISQAN DEUTEROCANONICAL

⁷ Qhawaychej: Cristo phuyupi jamushan. Tukuy runakuna payta rikonqanku, jinallataj payta t'ojsejkunapis. Kay pachapi kaj chhika runakuna payta manchachikuspa, manchayta waqanqanku. Arí, ajina kachun.

Qheshwa Biblia DC

⁷ Qhawaychej, Cristo phuyuswan jamushan, tukuy ñawitaj payta rikonqa, jinallataj payta t'ojsejkunapis; tukuy ayllustaj paymanta manchayta waqanqanku. Arí. Amén.

DIOSPA QHELQACHISQ

⁷ Qhawaychej: Cristo phuyupi jamushan. Tukuy runakuna payta rikonqanku, jinallataj payta t'ojsejkunapis. Kay pachapi kaj chhika runakuna payta manchachikuspa, manchayta waqanqanku. Arí, ajina kachun.

Quechua South Bolivia: Dios Parlapawanchej

⁷ Payka phuyus chaupipi jamushan. Tucuy runacunataj payta riconkancu, payta ñac'arichejcunapis. Tucuy cay pachapi ayllucunaka payta ricuspa phutiywan wakankancu. Ajinata nerka, ajinataj cachun.

Apocalipsis 1:7 ပူးပေါင်းရင်းမြစ်များ

Job 33:26

Diosmanta mañakonqa, Diostaj uyarenqa. Kusisqa Diospa uyanta qhawarenqa, Diostaj watej mana juchayojpaj qhawanqa.

Salmos 22:16

16 (17) Alqokuna jina uj t'ojpa millayta ruwajkuna muyuykuwanku. Paykuna chakiyta, makiytawan jusk'urawanku.

Salmos 68:1

1 (2) Diosníy, sayariy, awqaykikuna tukuynejman ch'eqerakuchunku, qanta chejnisojkunataj ñawpaqeykimanta ayqechunku.

Salmos 97:2

Sinch'i yanayarishaj phuyu paypa muyuyninpi kashan, paytaj cheqa kajwan, justiciawan ima kamachin.

Isaías 19:1

Isaías Egipto suyoj contranpi sut'inchaspa, kay jinata nerqa: Qhawariychej, Tata Diosqa Egiptoman phuyu patapi usqhayta jamushan. Chantá Egiptopi kaj lantikuna payta rikuytawan, kharkatitenqanku, Egiptomanta runakunataj maytapuni mancharikonqanku.

Daniel (hebreo) 7:13

Chay tutapi mosqoypi jina rikusqayta qhawashaspallapuni, runaj churinman rijch'akojta phuyu chawpipi jamushajta rikorqani. Payqa, maypichus Wiñaymantapacha Kaj kasharqa, chayman risqa, paytataj Wiñaymantapacha Kajman qayllachisqanku.

Nahúm 1:3

Tata Diosqa mana usqhayllatachu phiñakun. Chaywanpis payqa may atiyniyoj, chayraykutaj juchallejkunata jasut'enqapuni. Tata Dios sinch'i para wayrapi purin, phuyupis chakin urapi jallp'a jinalla.

Zacarías 12:10

Chantá Davidpa mirayninman, jinataj Jerusalenpi tiyakojkunaman sumaj sonqota qosaj, noqa Diosmanta mañakuyta munana sonqotawan. Noqata qhawariwanqanku, pitachus t'ojserqanku, chayta. Chaymantataj may jinata waqanqanku, imaynatachus runakuna waqanku k'ata wawanku chayrí kuraj kaj churinku wañojtin, ajinata.

Zacarías 12:11

Chay p'unchaypeqa Jerusalenpi manchayta waqanqanku, imaynatachus Meguido pampapi Hadad Rimón diosmanta waqasqanku, ajina.

Números 24:17

Imachus qhepanejman kanqa chayta rikuni, chaytaj manaraj junt'akunrajchu. Jacobpa mirayninmanta uj ch'aska rikhurimonqa, Israel ukhumanta uj kamachej jatarenqa. Paymin Moabta atipaykonqa, Setpata miraynintapis tukuyninta chinkachenqa.

San Mateo 16:27

Aswan qhepaman Runaj Churenqa Tatanpa jatun kayninpa lliphipiyninpi jamonqa, angelninkunawan khuska. Chaypachataj pay sapa ujman ruwasqanman jina qoponqa.

San Mateo 16:28

Kayta sut'ita niykichej: Kaypi kajkunamanta wakin mana wañonqankuchu, Runaj Churinta kamachinanpaj jamushajta rikunankukama, nispa.

San Mateo 24:30

Chaypacha Runaj Churinpa jamuyninmanta señal janajpi rikhurimonqa. Jinapitaj tukuy kay pachapi ayllukuna mayta manchachikuspa, waqanqanku. Chantá paykuna Runaj Churinta janaj pachamanta phuyu patapi jamushajta rikuwanqanku, jatun atiywan, jatun kayniypa lliphipiyninwan ima.

San Mateo 25:31

Maypachachus Runaj Churin kuraj kamachej jina jatun kayninpa lliphipiyninpi, tukuy angelninkuwan jamonqa chaypacha, lliphipej kamachinan tiyanapi tiyaykukonqa.

San Mateo 26:64

Jesustaj kuticherqa: Arí, qan ninki. Astawanqa niykichej: Kunanmanta ñawpajman Runaj Churinta rikunkichej Tukuy Atiyniyoj Diospa pañanpi tiyashajta, jinallataj phuyu patapi janaj pachamanta jamushajta ima, nispa.

Marcos 13:26

Chaypacha Runaj Churinta phuyupi jamushajta rikonqanku, jatun atiywan, jatun kayninpa lliphipiyninwan ima.

Marcos 14:62

Jesustaj kuticherqa: Arí, noqa kani, qankunataj Runaj Churinta rikunkichej, Tukuy Atiyniyoj Diospa pañanpi tiyashajta, jinallataj phuyu patapi janaj pachamanta jamushajta ima, nispa.

San Lucas 21:27

Chantá runakuna chaypacha rikonqanku Runaj Churinta phuyupi jamushajta, manchay atiywan, jatun kayninpa lliphipiyninwan ima.

San Juan 19:34

Chaywanpis ujnin soldado lanzawan Jesuspa wajtannin chaynejta t'ojserqa, chay kikinpachataj yawar, yaku ima surumorqa.

San Juan 19:37

Diospa Qhelqachisqanpi wajnejpi nillantaj: Pitachus lanzawan t'ojsisqankuta qhawanqanku, nispa.

1 Tesalonicenses 1:10

Paykuna parlallankutaj qankuna imaynatachus janaj pachamanta Diospa Churin kutimunanta suyashasqaykichejta. Payta Diosqa wañusqamanta kawsarichimorqa, payllataj jamoj k'araj phiñakuymanta qhespichiwanchej.

1 Tesalonicenses 4:17

Chantá noqanchejpis, pikunachus chaykama kawsashajkunaqa paykunawan khuska phuyukunapi oqharisqa kasunchej, Tukuyta Kamachej Jesuswan tinkunanchejpaj. Chaymantapachataj Tukuyta Kamachej Jesuswan wiñaypaj kasunchej.

Hebreos 10:29

Ñawpajta ajinachus karqa chayqa, kunan astawanraj juchachanapaj jina kanqanku pikunachus Diospa Churinta qhesachajkuna, jinataj wañusqan qhasi manakaj kasqanta nejkuna. Paykuna mosoj tratoman yaykunapaj yawar jich'asqanta pisipaj qhawanku, mayqenchus Diospaj t'aqawanchej, chayta. Jinallataj Diospa Espiritunta turiyanku, pichus Diospa qhasilla k'acha yanapayninta chayachimuwanchej, chayta.

Hebreos 6:6

Ajinata yachashaspapis, sichus ñawpa kawsayninkuman kutiripunkuman chayqa, manaña ujtawan Diosman kutirichisqa kayta atinkuñachu. Ajinata ruwaspaqa, Diospa Churinta paykuna kikinku watej cruzman chakatanku, ajinamanta runaj rikunanta p'enqaypi rikhurichispa.

1 Juan 3:2

Munasqa wawqe panaykuna, noqanchejqa Diospa wawankunaña kanchej. Chaywanpis aswan qhepanejman imaynachus kananchejta Dios mana rikuchiwanchejrajchu. Jinapis Jesucristo rikhurimojtin, pay jina kananchejta yachanchej, imaraykuchus payta imaynachus kasqanta rikusunchej.

Judas 1:14

Adanmantapacha qanchis kaj runa Enocqa chay jina runakunamanta kay jinata sut'incharqa: Tata Diosta waranqa waranqa angelninkunawan jamushajta rikorqani

Apocalipsis 22:20

Chay tukuy imata willajqa nin: Noqaqa usqhayta jamushanipuni, nispa. Ajina kachun. Arí, Tukuyta Kamachej Jesús, jamuy.

Apocalipsis 22:4

Paykuna Diospa uyanta rikonqanku, sutintaj mat'inkupi qhelqasqa kanqa.

Jueces 5:31

Tata Diosniyku, tukuy awqaykikuna Sísara jina phirisqa kachunku. Qanta munakusojkunataj, imaynatachus chawpi p'unchayta inti k'ancharin, ajinata k'ancharichunku. Ajinata Deborawan, Baracwan Tata Diosman takerqanku. Chaymanta qhepaman Israel suyupi tawa chunka watata, allin kawsakuylla karqa.