Apocalipsis 1:5 - DIOSPA QHELQACHISQAN DEUTEROCANONICAL

⁵ Jesucristoqa cheqanta willaj testigomin. Paymin wañusqamanta ñawpajta kawsarimporqa, payllataj kay pachapi tukuy kuraj kamachejkunata kamachin. Jesucristo munakuwarqanchej, jinataj wañuspa yawar jich'asqannejta juchanchejta pampacharqa.

DIOSPA QHELQACHISQ

⁵ Jesucristoqa cheqanta willaj testigomin. Paymin wañusqamanta ñawpajta kawsarimporqa, payllataj kay pachapi tukuy kuraj kamachejkunata kamachin. Jesucristo munakuwarqanchej, jinataj wañuspa yawar jich'asqannejta juchanchejta pampacharqa.

Quechua South Bolivia: Dios Parlapawanchej

⁵ Jesucristopis cheka willajmin. Payka wañuymanta ñaupajta causarimojmin, cay pacha tucuy camachejcunaj Camachejnincutaj. Payka nokanchejta munacuwanchejpuni. Yawarninta jich'aspataj wañuyninwan juchasninchejmanta llimphuchawarkanchej.

Apocalipsis 1:5 ပူးပေါင်းရင်းမြစ်များ

Salmos 51:2

2 (4) Tukuy millay ruwasqaymanta mayllaway, juchaymantataj llimphuchaway.

Salmos 72:11

Tukuy kuraj kamachejkuna paypa ñawpaqenpi qonqorikuchunku, tukuy suyutaj paypa kamachiyninpi kachunku.

Salmos 89:27

27 (28) Noqataj payta kuraj kaj churiy kananpaj churasaj, jinataj kay pachapi tukuy kuraj kamachejkunaj patankupi kanqa.

Proverbios 14:5

Cheqan testigoqa manapuni llullakunchu. Llulla testigorí imata parlaspapis llullakun.

Isaías 55:4

Noqa Davidta tukuy suyupaj testigo kananpaj churarqani, chantá kuraj kamachej jina paykunaman yachachinanpaj.

Daniel (hebreo) 2:2

Chantá pay yachayniyojkunata, watojkunata, layqakunata, ch'askakunata qhawaspa watojkunatawan wajyacherqa, mosqokusqanta sut'inchanankupaj. Paykunataj kuraj kamachejpa ñawpaqenman rerqanku.

Daniel (hebreo) 7:14

Chantá payman qosqanku tukuy atiyta may jatunchasqa kananpaj, tukuy kaj chhikata kamachinanpaj ima, ajinamanta tukuy suyukunamanta kajkuna, tukuy parlayniyoj kajkuna ima kamachiyninpi kanankupaj. Chaymantapachataj wiñaypaj kamachenqa, kamachinantaj mana jayk'ajpis tukukonqachu.

Levítico 13:58

Sichus p'achata, awasqata, chayrí qaramanta ima ruwasqatapis t'ajsajtinku, qorwariyay chinkanman chayqa, ujtawan t'ajsajtinku llimphupaj qhawasqa kanqa.

Zacarías 13:1

Chay p'unchaypi Davidpa ayllunpaj jinataj Jerusalenpi tiyakojkunapaj yaku juturi kicharisqa kanqa, chaypi millay juchankuta mayllanankupaj.

San Mateo 20:28

Noqa Runaj Churenqa mana runawan sirvichikunaypajchu jamorqani. Aswanpis runakunaj kamachin jina kanaypaj jamorqani, kawsayniytataj qoj, ashkha runakuna qhespichisqa kanankupaj, nispa.

San Mateo 28:18

Chantá Jesús qayllaykuspa, paykunata nerqa: Tata Diosneyqa kamachinapaj tukuy atiyta qowan janaj pachapi, kay pachapipis.

San Juan 13:1

Pascua raymiman qayllallaña karqa. Jesustaj kay pachata saqespa Tatanpaman kutipunanpaj p'unchay chayamushasqanta yacharqa. Jinataj kay pachapi ruwananta junt'ashaspa imaynatachus yachachisqankunata munakorqa, ajinata paykunata tukukuykama munakorqa.

San Juan 13:34

Kunantajrí kay mosoj kamachisqata yachachiykichej: Qankunapura munakuychej. Imaynatachus noqa munakorqaykichej, ajinallatataj qankunapis purajmanta munakuychej.

San Juan 15:9

Imaynatachus Tata Dios noqata munakuwan, ajinallatataj noqapis qankunata munakuykichej. Ajinaqa qankunapis kasuwaspa puriychej munakususqaykichejmanta ama karunchakunaykichejpaj.

San Juan 18:37

Chaymanta kamachej Pilato payta taporqa: Chantá qanqa kuraj kamachejchu kanki? nispa. Jesustaj kuticherqa: Qan nishanki noqa kuraj kamachej kasqayta. Noqatajrí kay pachaman jamorqani cheqa kajmanta willanaypaj. Cheqa kajta tukuy kasojkunaqa nisqayta uyarinku, nispa.

San Juan 3:11

Sut'ita niyki: Noqaykoqa yachasqaykuta parlayku, rikusqaykutataj willayku. Qankunatajrí willasqaykuta mana jap'ikunkichejchu.

San Juan 3:16

Dios chay jinatapuni kay pachapi kaj chhikata munakusqanrayku uj k'ata Churinta qorqa. Ajinamanta tukuy pichus paypi atinikojqa mana chinkanqachu, aswanpis wiñay kawsayniyoj kanqa.

San Juan 3:32

Payqa imatachus janaj pachapi uyarisqanta, chantá rikusqanta ima parlan. Chaywanpis pisilla imatachus nisqanta jap'ikunku.

Hechos 20:28

Chayrayku qankuna Dioswan imaynatachus purisqaykichejta qhawakuychej. Jinallataj tukuy wawqe panakunatapis michillaychejtaj, imaraykuchus Santo Espíritu qankunata churasorqachej paykunata qhawanaykichejpaj, Diospa Iglesianta michinaykichejpaj ima, mayqentachus Jesucristo kikin yawarninwan rantikorqa, chayta.

Hechos 26:23

Paykuna willarqanku imaynatachus Cristo ñak'arinanta, paytaj wañusqamanta ñawpaj kaj kawsarimoj kananta ima. Willallarqankutaj Jesús uj k'anchay jina kananta, paynejta judiokuna, mana judío kajkuna ima qhespichisqa kanankupaj, nispa.

Romanos 3:25

Diosqa Jesucristota kay pachaman kachamorqa noqanchejrayku wañunanpaj. Ajinaqa sichus Jesucristo noqanchejrayku wañusqanpi atinikunchej chayqa, Dios juchanchejta pampachan. Ajinata ruwaspa, Diosqa cheqan kasqanta rejsichikun, jinataj pacienciayoj kasqanta, maypachachus ñawpajta juchallejkunata mana jasut'erqachu, chaypacha.

Romanos 8:37

Chaywanpis chay jina llakiykunapi kashaspapis, sut'ita yachanchej munakuwajninchej Jesucristonejta atipananchejtapuni.

1 Corintios 6:11

Ñawpajta qankunamanta wakin ajina karqankichej. Kunanrí llimphuchasqaña kankichej, juchamanta t'aqasqaña, cheqan runapajña qhawasqa ima Tukuyta Kamachej Jesuspa atiyninnejta, chantá Diosninchejpa Espiritunnejta ima.

Gálatas 2:20

Noqaqa Cristowan khuska chakatasqa karqani, kunantaj manaña ñawpajta jinachu kawsani. Manachayqa noqapi Cristo munayninta ruwaspa kawsan. Chayrayku kunan Diospa Churinpi atinikusqayrayku kawsashani, imaraykuchus paymin munakuwarqa, noqaraykutaj pay kikin wañuchisqa kananpaj jaywaykukorqa.

Efesios 2:4

Chaywanpis Diosqa khuyakuypi may jina qhapaj kaspa, may jinatapuni munakuwarqanchej.

Efesios 5:2

Jinallataj ujkunata munakuychej, imaynatachus Cristopis munakuwarqanchej, ajinata. Chayrayku pay kikin noqanchejrayku Diosman jaywaykukorqa ima munay q'aparishaj jaywana jina.

Deuteronomio 18:2

Paykunaqa mana llajta masinku jinachu jallp'ata jap'enqanku, imaraykuchus paykunajta Tata Diosmin chayaqenku kanqa, imaynatachus nisqanman jina.

Deuteronomio 23:5

5 (6) Chaywanpis Tata Diosniykichejqa Balaamta mana uyarerqachu. Manachayqa Tata Dios munakususqaykichejrayku Balaampa maldicisqanta, qankuna saminchasqa kanaykichejpaj tukucherqa.

Deuteronomio 7:8

Tata Diosqa qankunata munakususqaykichejrayku, jinataj ñawpa tataykichejkunaman tilusqanta junt'ananpaj ajllakusorqachej. Chayrayku payqa Egiptopi ñak'arichisqa kashajtiykichej, chantá faraonpa makinpi kashajtiykichej, preciota pagaspa may jina atiyninwan kacharichisorqachej.

Colosenses 1:18

Payllataj Iglesiaj uman jina, Iglesiataj ukhunmin. Paymin tukuy imaj qallariynin, payllataj wañusqakunamanta ñawpaj kaj kawsarimpoj, tukuy kaj chhika patapi kananpaj.

1 Timoteo 6:13

Kunanqa kayta kamachiyki, pichus tukuy imaman kawsayta qoj Tata Diospa ñawpaqenpi, jinallataj Jesucristoj ñawpaqenpipis, pichus Poncio Pilatoj ñawpaqenpi Diospi atinikunamanta sut'ita willarqa, chaypa ñawpaqenpi:

1 Timoteo 6:15

Chantá k'ata Diosqa maychus tiemponpi Jesucristota rikhurichimonqa. Paymin yupaychasqa k'ata Kuraj Kamachejqa, tukuy kuraj kamachejkunaj kamachejnin, waj kamachejkunaj Kurajninkutaj.

Hebreos 10:29

Ñawpajta ajinachus karqa chayqa, kunan astawanraj juchachanapaj jina kanqanku pikunachus Diospa Churinta qhesachajkuna, jinataj wañusqan qhasi manakaj kasqanta nejkuna. Paykuna mosoj tratoman yaykunapaj yawar jich'asqanta pisipaj qhawanku, mayqenchus Diospaj t'aqawanchej, chayta. Jinallataj Diospa Espiritunta turiyanku, pichus Diospa qhasilla k'acha yanapayninta chayachimuwanchej, chayta.

Hebreos 9:14

Cristorí wiñaypaj kawsaj Santo Espiritunejta Diosman mana iman imanasqa uywa jina pay kikin jaywaykukorqa. Ajinaqa Cristoj yawarnin may jinatarajchus sonqonchejta millay ruwasqanchejmanta llimphuchawasunchej, kawsaj Diospa munayninta ruwananchejpaj.

1 Pedro 1:19

Aswanpis, Cristo cruzpi wañuspa yawarninta jich'asqanwan qankuna kacharichisqa kankichej. Payqa mana ch'ichiyoj, mana iman imanasqa cordero jina jaywasqa karqa.

1 Juan 1:7

K'anchaypichus kawsanchej chayqa, imaynatachus Diospis k'anchaypi kashan, ajinata, noqanchejpis ujkuna ujkunawan uj sonqolla kawsanchej, Diospa Churin Jesuspa yawarnintaj tukuy juchamanta llimphuchawanchej.

1 Juan 4:10

Cheqatapuni munakunaqa ajinamin: Mana noqanchejchu Diosta munakorqanchej, manachayqa Diosmin munakuwarqanchej. Chayrayku pay Churinta kachamorqa wañusqannejta juchanchejta pampachananpaj.

Apocalipsis 11:15

Maypachachus qanchis kaj ángel trompetanta waqacherqa chaypacha, janaj pachapi jatunmanta parlasqanku uyarikorqa: Diosninchej, chantá kachamusqan Cristo ima kay pachapi kamachishankuña. Paykunataj wiñay wiñaypaj kamachenqanku, nispa.

Apocalipsis 11:3

Noqatajrí iskay testigokunata kachamusaj, qhashqa p'achawan p'achallisqata. Paykunataj 1.260 p'unchayta sut'inchanqanku.

Apocalipsis 17:14

Chantá paykuna Corderoj contranpi maqanakonqanku. Corderotajrí paykunata atipaykonqa, imaraykuchus payqa tukuy kamachejkunaj Kuraj Kamachejninku, tukuy wiraqochikunaj Kamachejninkutaj. Pikunatachus Dios wajyaspa ajllakorqa, jinataj payta kasunku chaykuna paywan khuska kanqanku.

Apocalipsis 19:11

Chaypacha, noqa janaj pachata kicharisqata rikorqani. Uj runa yuraj caballopi lloq'asqa kasharqa, sutintaj karqa Nisqanta Junt'aj Kaj, chantá Cheqa Kaj ima, imaraykuchus payqa justiciata ruwan, chantá cheqa kajta ruwaspa maqanakun.

Apocalipsis 19:16

P'achanpitaj, moqon patanejpitaj kay suti qhelqasqa karqa: Kamachejkunaj Kuraj Kamachejninku, Wiraqochikunaj Kamachejnintaj, nispa.

Apocalipsis 2:13

Noqa maypichus tiyakusqaykita yachani. Qanqa, maypichus Kuraj Supaypa kamachinan tiyana kashan, chaypi tiyakunki. Chaywanpis mana wasanchawarqankichu, nitaj noqapi atinikusqaykipi llawch'iyarqankichu. Pérgamo llajtapi willajniy Antipasta wañucherqanku, pichus tukuy sonqo noqata kasuwaspallapuni kawsarqa, chayta. Qanrí payta wañuchishajtinkupis, manapuni noqata wasanchawarqankichu.

Apocalipsis 3:14

Laodicea llajtapi iglesiaj angelninman kay nisqayta qhelqay: Ajina kachun nej, cheqanta willaj, mana llullakoj testigo, pinejtachus Dios tukuy imata qallariypi ruwarqa, chay nisunki:

Apocalipsis 7:14

Noqataj payman kuticherqani: Wiraqochi, chaytaqa qan yachanki, nispa. Paytaj niwarqa: Kaykunaqa chay jatun ñak'ariypi wañojkuna kanku. Paykunaqa Corderoj yawarninpi t'ajsaspa, p'achankuta yurajyacherqanku.