Apocalipsis 1:4 - DIOSPA QHELQACHISQAN DEUTEROCANONICAL

⁴ Noqa Juan kayta Asiapi kaj qanchis iglesiakunaman qhelqamuykichej: Wiñaypaj kawsaj Dios wiñaymantapacha karqapuni, paytaj uj p'unchay ujtawan jamunan kashan. Pay, jinataj Tukuyta Kamachej Jesucristo, chantá kamachinan tiyanaj ñawpaqenpi qanchis jinamanta rejsichikoj Santo Espíritu ima qankunaman qhasilla k'acha yanapayninta, sonqo tiyaykuytataj qochun.

Qheshwa Biblia DC

^4-5 Noqa, Juan, escribimuni Asiapi kaj qanchis iglesiasman: Khuyakuy, sonqo tiyasqa kaytaj qankunawan kachun, pimantachus kunan kashan, karqataj, jamonqataj chaymanta; qanchis espiritusmantawan, pikunachus tronompa ñaupaqempi kashan, chaykunamanta; Jesucristomantapis, pichus sumaj testigo, junt'ajtaj, wañusqakunamanta kuraj kaj, kay mundopi kaj reyespa kamachejnintaj. Payqa munakuwarqanchej, mayllawarqanchejtaj juchasninchejmanta yawarninwan.

DIOSPA QHELQACHISQ

⁴ Noqa Juan kayta Asiapi kaj qanchis iglesiakunaman qhelqamuykichej: Wiñaypaj kawsaj Dios wiñaymantapacha karqapuni, paytaj uj p'unchay ujtawan jamunan kashan. Pay, jinataj Tukuyta Kamachej Jesucristo, chantá kamachinan tiyanaj ñawpaqenpi qanchis jinamanta rejsichikoj Santo Espíritu ima qankunaman qhasilla k'acha yanapayninta, sonqo tiyaykuytataj qochun.

Quechua South Bolivia: Dios Parlapawanchej

⁴ Juanka Asia jallp'api caj Diospa ajllacuskasnin kanchis iglesiasman kelkan. Dios Tatamanta, Santo Espiritumanta, Jesucristomanta c'acha yanapaynin kancunawan cachun allillanpi causacunayquichejpaj. Dios Tataka cashanpuni, carkapuni, wiñaypajpunitaj canka. Santo Espiritoka Diospa ñaupakenmanta tucuy niskasninta junt'anpunimin.

Apocalipsis 1:4 ပူးပေါင်းရင်းမြစ်များ

Salmos 90:2

Manaraj orqokuna ruwasqa kashajtin, nitaj kay jallp'a, kay pachapis kashajtin, wiñaymanta wiñaykama qan Dios kanki.

Éxodo 3:14

Chaypacha Dios nerqa: Noqamin kani. Israelitakunata ninki: NOQA KANI nej Dios qankunaman kachamuwan, nispa.

Isaías 11:2

Tata Diospa Espíritun paywanpuni kanqa, chay Espiritutaj qonqa yachayta, yuyayta, yuyaychayta, atiyta, tukuy imata rejsiyta, Tata Diosta may jatun respetowan qhawayta ima.

Isaías 41:4

Pitaj chay tukuy imata wakicherqa, chay ajinapuni kananpajri? Pitaj qallariymantapacha runakunata wajyarqa kawsanankupajri? Chay tukuytaqa noqa Tata Diosllamin ruwani. Noqaqa tukuy imaj qallariynin, tukuynintaj kani.

Isaías 57:15

Ajinata patapi kaj wiñaypaj kawsaj Tata Dios nini, May Llimphu Kaj sutiyoj Dios: Noqa patapi tiyakuni, may llimphu cheqapi. Jinallataj llamp'u sonqoyojwan, k'umuykojwan ima kashani, k'umuykoj sonqoyojkunata, sonqo p'akisqakunatapis kusichinaypaj.

Miqueas 5:2

2 (1) Qantajrí Efratamanta Belén llajta, Judá jap'iypi kaj llajtakunamanta aswan juch'uy kanki. Chaywanpis qanmantamin Israelta kamachej llojsenqa. Paypa miraynenqa wiñay wiñaymantaña.

Zacarías 3:9

Noqaqa Josuéj ñawpaqenman qanchis uyayoj rumita churani, chaymantaj uj qhelqata qhelqaykusaj. Chantá uj p'unchayllapi kay suyumanta tukuy juchata chinkachisaj. Noqa Tukuy Atiyniyoj Tata Diosmin chayta nini.

Zacarías 4:10

Wasi perqay qallariypi pisillata ruwasqata rikuspa, pikunachus pisipaj chayta qhawarqanku, chaykuna Zorobabelpa tukuychasqanta rikuspa, kusikonqanku, nispa. Chantá ángel nillawarqataj: Kay qanchis lamparakunaqa Tata Diospa ñawinkuna kanku, pichus tukuy kay pachata qhawashan, chaypata, nispa.

Zacarías 6:5

Angeltaj kutichiwarqa: Chaykunaqa janaj pachaj tawantin wayrankuna kanku, mayqenchus Tukuyta Kamachej Diospa ñawpaqenmanta tukuy kay pachaman llojsimunku, chaykuna.

San Juan 1:1

Qallariypeqa Simi Nisqa sutiyoj karqapuni. Chay Simi Nisqaqa Dioswan kasharqa, chay Simi Nisqataj Diospuni karqa.

Hechos 19:10

Ajinata Pablo ruwarqa iskay wata junt'ata, chayraykutaj Asia cheqanejpi tiyakoj tukuy judiokuna, ajinallataj griegokunapis Tukuyta Kamachej Jesusmanta uyarerqanku.

Hechos 2:9

Noqanchej wakin kanchej Partiamanta, Mediamanta, Elammanta, Mesopotamiamanta, Judeamanta, Capadociamanta, Pontomanta, Asiamanta ima.

Romanos 1:7

Noqa kay cartata Roma llajtapi Diosta qhatejkunaman apachimuykichej. Qankunaqa Diospa munakusqan kankichej, Diospaj t'aqasqa kanaykichejpaj wajyasqataj. Kunantaj napaykuykichej: Tata Diosninchejpa, chantá Tukuyta Kamachej Jesucristojta qhasilla k'acha yanapayninku, sonqo tiyaykuyninku ima qankunawan kachun.

1 Corintios 1:3

Tata Diosninchejmanta, jinataj Tukuyta Kamachej Jesucristomantawan qhasilla k'acha yanapayninku, sonqo tiyaykuyninku ima qankunawan kachun.

2 Corintios 1:2

Tata Diosninchejmanta, chantá Tukuyta Kamachej Jesucristomanta qhasilla k'acha yanapayninku, sonqo tiyaykuyninku ima qankunawan kachun.

Hebreos 13:8

Jesucristoqa kikillanpuni qayna, kunan, wiñaypajpis.

Santiago 1:17

Tukuy ima allin kaj, jinataj k'acha kaj imaqa patamanta jamun, janajpi ch'askakunata ruwaj Tatamanta. Payqa mana uj jinayanchu, nitaj maychus kasqanmanta waj jinaman tukunchu.

Apocalipsis 1:1

Kayqa Jesucristoj sut'inchasqan, mayqentachus Dios payman qorqa kamachinkunaman rejsichinanpaj imachus askamalla kananmanta, chay. Jesusqa angelninnejta chaykunata kamachin Juanman rejsicherqa.

Apocalipsis 1:11

Chantá kay jinata niwarqa: Imatachus rikusqaykita uj p'anqaman qhelqaykuy, chaytataj Asiapi kaj kay qanchis llajtakunapi iglesiaman apachiy: Efesoman, Esmirnaman, Pergamoman, Tiatiraman, Sardisman, Filadelfiaman, Laodiceaman ima, nispa.

Apocalipsis 1:17

Maypachachus payta rikorqani chaypacha, noqa wañusqa jina ñawpaqenpi wijch'ukorqani. Paytajrí paña makinta patayman churaspa, niwarqa: Ama mancharikuychu. Noqa kani ñawpaj kaj, qhepa kajtaj,

Apocalipsis 1:20

Kunantaj noqa sut'inchasqayki, paña makiypi rikusqayki chay qanchis ch'askakuna, chantá chay qanchis lamparakuna ima imatachus niyta munasqanta: Qanchis ch'askakunaqa qanchis iglesiakunaj angelninkuna kanku, chay rikusqayki qanchis lamparakunataj qanchis iglesiakuna kanku, nispa.

Apocalipsis 1:8

Noqa kani Tukuy Imaj Qallariynin, Tukukuynintaj, pichus kunan kaj, karqataj, wiñaypaj kallanqapunitaj, chay, nispa nin Tukuy Atiyniyoj Dios.

Apocalipsis 1:9

Noqa Juan qankunaj wawqeykichej kani, Jesuswan ujchasqa kasqayraykutaj Diospa kamachiyninpi qankunawan khuska kashani. Jinallataj tukuy imaymana ñak'ariykunapi, chantá chay ñak'ariykunata Jesucristoj paciencia qosqanwan awantanapaj qankunawan khuska kashallanitaj. Noqaqa Patmos sutiyoj churupi wijch'usqa kasharqani Diospa simi nisqanmanta, chantá Jesucristomanta ima willasqayrayku.

Apocalipsis 16:5

Chantá yakuta kamachej angelta kay jinata nejta uyarerqani: Tukuyta Kamachej Dios, qanmin cheqan kanki. Qanqa wiñaypaj kawsanki, may llimphutaj kanki, imaraykuchus runata jasut'ispaqa, cheqanta ruwanki.

Apocalipsis 2:12

Pérgamo llajtapi iglesiaj angelninman kay nisqayta qhelqay: Pichus puraj ladon filochasqa espadata jap'ejqa kay jinata nisunki:

Apocalipsis 2:18

Tiatira llajtapi iglesiaj angelninman kay nisqayta qhelqay: Diospa Churin, pejpatachus ñawin nina lawray jina kanku, chakinpis llosq'ochasqa bronceman rijch'akun, chay kay jinata nisunki:

Apocalipsis 2:8

Esmirna llajtapi iglesiaj angelninman kay nisqayta qhelqay: Ñawpaj Kaj, Qhepa Kajtaj, pichus wañusqa karqa, kawsarintaj, chaymin kay jinata nisunki:

Apocalipsis 22:16

Noqa Jesusqa chaykunata iglesiakunaman willananpaj angelniyta kachamorqani. Noqa Davidpa mirayninmanta kaj kani, sut'iyamuyta lliphipej ch'askataj.

Apocalipsis 22:8

Noqa Juan kay imakunata uyarerqani, rikorqanitaj. Chayta uyarispa, rikuspataj kay imakunata rikuchiwaj angelta yupaychanaypaj pampakama k'umuykorqani.

Apocalipsis 3:1

Chantá Jesucristo niwarqa: Sardis llajtapi iglesiaj angelninman kay nisqayta qhelqay: Pichus Diospa qanchis jinamanta rejsichikoj Santo Espiritunta, chantá qanchis ch'askakunata ima jap'in, chay nisunki: Noqaqa tukuy ima ruwasqaykita rikuni, yachallanitaj tukuy kasuwaspa purisqaykita yuyasqankuta. Chaywanpis chayqa mana jinachu. Qanqa mana kasuwaspachu purinki.

Apocalipsis 3:14

Laodicea llajtapi iglesiaj angelninman kay nisqayta qhelqay: Ajina kachun nej, cheqanta willaj, mana llullakoj testigo, pinejtachus Dios tukuy imata qallariypi ruwarqa, chay nisunki:

Apocalipsis 3:7

Filadelfia llajtapi iglesiaj angelninman kay nisqayta qhelqay: Kay jinata nin May Llimphu Kaj, Cheqa Kaj, pichus kuraj kamachej Davidpa llaventa jap'in, chay. Pay punkuta kicharejtin, mana pipis wisq'ayta atinchu, punkuta wisq'ajtintaj, mana pipis kichariyta atinchu.

Apocalipsis 4:5

Jatun kaj kamachina tiyanamanta lliuj lliujkuna llijusharqa, qhon qhonkunapis t'ojyasharqa. Jinataj qanchis nina jachonkuna kamachina tiyanaj ñawpaqenpi lawrasharqanku. Chayqa Diospa qanchis jinamanta rejsichikoj Santo Espíritun karqa.

Apocalipsis 4:8

Chay tawantin kawsajkunaqa sapa ujninku sojta lijrayoj karqanku, lijrankunataj patanpi ukhunpi ashkha ñawiwan junt'a karqa. Chantá tuta p'unchay mana sayk'uspa, nisharqanku: May llimphu, may llimphu, may llimphupuni Tukuy Atiyniyoj Diosqa, pichus karqapuni, kashantaj, jamonqataj, chay, nispa.

Apocalipsis 5:6

Jinapi noqaqa uj Corderota rikorqani, wañuchisqapis kanman karqa jinaman rijch'akojta. Payqa kamachina tiyanaj chawpinpi, chantá tawa kawsajkunaj chawpinkupi, kurajkunaj chawpinkupiwan sayasharqa. Paytaj qanchis wajrayoj, chantá qanchis ñawiyoj ima karqa. Chayqa Diospa qanchis jinamanta rejsichikoj Santo Espíritun, pitachus Dios tukuy kay pachaman kachamusqa, chay.

Apocalipsis 8:2

Chantá Diospa ñawpaqenpi qanchis angelkunata sayashajta rikorqani. Paykunamantaj qanchis trompetakunata qorqanku.