Apocalipsis 1:18 - DIOSPA QHELQACHISQAN DEUTEROCANONICAL

¹⁸ chantá pichus kawsaj. Wañusqa karqani, kunantajrí wiñay wiñaypaj kawsashani. Noqallataj runakunata wañusqamanta kawsarichinaypaj atiyniyoj kani, jinallataj ukhu pachaj llaventawan jap'ishani.

Qheshwa Biblia DC

¹⁸ Noqa kani kausaj, wañusqataj karqani, kunantaj wiñay wiñaypaj kausashani. Wañuypa llavesnintapis, infiernoj llavesnintawan noqa jap'ini.

DIOSPA QHELQACHISQ

¹⁸ chantá pichus kawsaj. Wañusqa karqani, kunantajrí wiñay wiñaypaj kawsashani. Noqallataj runakunata wañusqamanta kawsarichinaypaj atiyniyoj kani, jinallataj ukhu pachaj llaventawan jap'ishani.

Quechua South Bolivia: Dios Parlapawanchej

¹⁸ Causaj caj cani. Wañuska carkani, cunantaj wiñaypa wiñayninpaj causaj cani. Wañuyniywan juchata khechuskayraycu nokalla wañuytawan infiernotawan atiparkani. [Atipaskayraycutaj wiñay causayta konaypaj atiyniyoj cani.]

Apocalipsis 1:18 ပူးပေါင်းရင်းမြစ်များ

Job 19:25

Noqarí yachani kutikuwajniy kawsashasqanta, kay pachapi pay noqaman kutikunawanta yachallanitaj.

Job 38:17

Cheqachu wañuypa kamachinanman chayarqanki? Cheqachu, wañojkuna kashanku, chayman rerqanki?

Salmos 18:46

46 (47) Tata Dios jatunchasqa kachun, waqaychawajneyqa yupaychasqa kachun. Qhespichiwaj Diosneyqa yupaychasqa kachun.

Salmos 68:20

20 (21) Diosninchejqa qhespichej Diosmin. Tukuyta Kamachej Tata Diosllamin wañuypa atiyninmanta kacharichiyta atiwanchej.

Isaías 22:22

Davidpa wasinta kicharina llavetapis kunkanman warkhuykusaj. Pay kicharejtin, ni pipis wisq'ayta atenqachu, wisq'ajtintaj, nillataj pipis kichariyta atenqachu.

San Mateo 11:23

Jinallataj qankuna Cafarnaún llajtayojkuna, yuyankichejchu janaj pachakama oqharisqa kanaykichejta? Manapuni, astawanqa ukhu pachaman wijch'uykusqa kankichej. Sodomapichus qanpi jina pipis t'ukuna imakunata ruwanman karqa chayqa, chay llajtaqa kunankama kakushanman karqa.

San Mateo 16:19

Noqataj qanman qosqayki Diospa janaj pacha kamachiyninman yaykunapaj llavekunata. Imatachus kay pachapi mana ruwanachu nispa ninki chayqa, janaj pachapipis chay nisqayki jinallataj kanqa. Imatachus kay pachapi ruwana walejlla nispa ninki chayqa, janaj pachapipis nisqaykiman jinallataj kanqa, nispa.

San Lucas 24:5

Chay warmikuna mancharikuspa, pampakama k'umuykorqanku. Chay qharikunatajrí paykunata nerqanku: Imaraykutaj kawsashaj runata wañusqakuna ukhupi mask'ashankichejri?

San Juan 11:25

Jesustajrí payta nerqa: Noqamin wañusqakunata kawsarichej kani, kawsayta qojtaj. Pichus noqapi atinikojqa, wañuchunpis kawsanqa.

San Juan 14:19

Uj chhikamantawan Diosman mana kutirikojkunaqa manaña rikuwanqankuchu. Qankunarí rikuwankichej. Noqa kawsasqayraykutaj qankunapis kawsallankichejtaj.

Romanos 6:9

Noqanchej yachallanchejtaj Cristoqa wañusqamanta kawsarichisqa kasqanta, manaña ujtawan wañunanpaj. Chayrayku wañoyqa paypaj manaña atiyniyojchu.

2 Corintios 13:4

Arí, pisi kallpayoj jina cruzpi chakatasqa karqa, kunantajrí Diospa atiyninrayku kawsashan. Ajinallatataj ari, noqaykupis pisi kallpayoj kayku, imaynachus Cristo karqa, ajina. Chaywanpis paywan ujchasqa kawsashayku Diospa atiyninrayku qankunata yanapanaykupaj.

Gálatas 2:20

Noqaqa Cristowan khuska chakatasqa karqani, kunantaj manaña ñawpajta jinachu kawsani. Manachayqa noqapi Cristo munayninta ruwaspa kawsan. Chayrayku kunan Diospa Churinpi atinikusqayrayku kawsashani, imaraykuchus paymin munakuwarqa, noqaraykutaj pay kikin wañuchisqa kananpaj jaywaykukorqa.

Colosenses 3:3

Ajinata ruwaychej, imaraykuchus qankunaqa ñawpa kawsaypaj wañorqankichejña, kunantaj Cristoman ujchasqa kasqaykichejrayku Diosqa mosoj kawsayniykichejta pakashan.

Hebreos 1:3

Diospa Churenqa Diospa jatun kayninpa lliphipiyninta rikuchin, paypa kaynintaj Tata Diospa kayninta rejsichiwanchej. Payllataj atiyniyoj simi nisqanwan tukuy kaj chhikata maychus kananpi purichin. Chantá juchanchejta pampachaspa llimphuchawarqanchej, jinaspataj, janaj pachapi jatun atiyniyoj Kamachejpa pañanman tiyaykukorqa.

Hebreos 12:2

Jesusllatapuni qhawaspa kanachej, imajtinchus paymin sonqonchejpi Diospi atinikunata rikhuricherqa, jinallataj pay astawan astawan Diospi atinikuyta amañakunanchejpaj kallpachawanchej. Jesusqa jatun kusiyta aswan qhepaman tarinanta yachasqanrayku cruzpi wañorqa, chay jina wañuna p'enqay kasqanta mana kasuta ruwaspa. Jinaytawantaj, Diospa kamachinan tiyanaj pañanman tiyaykukorqa.

Hebreos 7:16

Jesús sacerdote karqa mana Leví jatun ayllumanta kasqanraykuchu, manachayqa mana tukukoj kawsayniyoj kasqanrayku.

Hebreos 7:25

Chayrayku pay wiñaypaj qhespichiyta atin, pikunachus paynejta Diosman qayllakojkunata, imaraykuchus pay wiñaypaj kawsallanpuni paykunarayku Diosmanta mañapunanpaj.

Apocalipsis 10:6

Jinaspataj payqa, pichus janajta, jallp'ata, mama qochata, chaykunapi imachus kajkunatawan ruwarqa, chay wiñay wiñaypaj kawsaj Diospa sutinpi tiluspa, nerqa: Suyana tiempo tukukapunña.

Apocalipsis 15:7

Chantá chay tawa kawsajkunamanta ujnin kaj chay qanchis angelkunaman qorimanta ruwasqa qanchis vasota jaywarqa. Chay vasokunaqa Diospa phiñakuyninwan junt'asqa karqanku, pichus wiñay wiñaypaj kawsan, chaypata.

Apocalipsis 2:8

Esmirna llajtapi iglesiaj angelninman kay nisqayta qhelqay: Ñawpaj Kaj, Qhepa Kajtaj, pichus wañusqa karqa, kawsarintaj, chaymin kay jinata nisunki:

Apocalipsis 20:13

Mama qochaqa chaypi wañusqa kajkunata jaywaporqa. Wañuypis, ukhu pachapis chaypi wañusqa kajkunata jaywapullarqataj. Diostaj sapa runata ruwasqanman jina juzgarqa.

Apocalipsis 20:14

Chaymantataj wañuywan, ukhu pachawan ima nina qochaman wijch'uykusqa karqanku. Chaymá iskay kaj wañoyqa. Pikunachus nina qochaman wijch'uykusqa kanku, chaykuna wiñay wiñaypaj Diosmanta karunchasqa kanku.

Apocalipsis 3:7

Filadelfia llajtapi iglesiaj angelninman kay nisqayta qhelqay: Kay jinata nin May Llimphu Kaj, Cheqa Kaj, pichus kuraj kamachej Davidpa llaventa jap'in, chay. Pay punkuta kicharejtin, mana pipis wisq'ayta atinchu, punkuta wisq'ajtintaj, mana pipis kichariyta atinchu.

Apocalipsis 4:9

Chay kawsajkunaqa kamachina tiyanapi tiyasqa kajta pachis nispa yupaychanku, pichus wiñay wiñaypaj kawsan, chayta.

Apocalipsis 5:14

Tawantin kawsajkunataj kuticherqanku: Ajina kachun, nispa. Chay iskay chunka tawayoj kurajkunataj pampakama k'umuykuspa, Corderota yupaycharqanku.

Apocalipsis 6:8

Chantá uj q'ellu caballota rikorqani. Chay caballopi lloq'asqa kajpata sutin Wañuy karqa, paypa qhepantataj Ukhu Pacha nisqa risharqa. Paykunamantaj atiyta qorqanku, kay pachamanta khuskanpa khuskannin runakunata wañuchinankupaj espadawan, yarqhaywan, onqoykunawan, chantá k'ita animalkunawan ima.

Apocalipsis 9:1

Phishqa kaj angelñataj trompetanta waqachejtin, noqa janajmanta kay pachaman uj ch'askata urmamojta rikorqani. Chay ch'askamantaj ukhu pachaj llaventa qorqanku.

1 Samuel 2:6

Tata Diosmin kawsaytaqa qhechun, payllataj kawsayta qon. Pay wañusqakunatawan khuska churawanchej, payllataj chaymanta kawsarichiwanchej.