Apocalipsis 1:1 - DIOSPA QHELQACHISQAN DEUTEROCANONICAL

¹ Kayqa Jesucristoj sut'inchasqan, mayqentachus Dios payman qorqa kamachinkunaman rejsichinanpaj imachus askamalla kananmanta, chay. Jesusqa angelninnejta chaykunata kamachin Juanman rejsicherqa.

Qheshwa Biblia DC

¹ Jesucristoj sut'inchasqan, mayqentachus Dios payman qorqa, kamachisninman rejsichinampaj, imaschus usqhayta ruwakunankuta. Chaykunamantaqa yachacherqa kamachin Juanman, angelnejta.

DIOSPA QHELQACHISQ

¹ Kayqa Jesucristoj sut'inchasqan, mayqentachus Dios payman qorqa kamachinkunaman rejsichinanpaj imachus askamalla kananmanta, chay. Jesusqa angelninnejta chaykunata kamachin Juanman rejsicherqa.

Quechua South Bolivia: Dios Parlapawanchej

¹ Dioska yuyaskan Jesucristopi junt'acuskanta ricuchiyta munarka. Chay yuyaskantaj uskhayta junt'acunan tiyan. Ajinapi Jesucristota nerka, camachisninman sut'inchacunanta. Chayraycu Jesucristoka angelninta cachamorka camachin Juanman Diospa niskanta sut'inchananpaj.

Apocalipsis 1:1 ပူးပေါင်းရင်းမြစ်များ

Salmos 25:14

Tata Dios kawsakun, pikunachus payta may jatun respetowan qhawanku, chaykunawan, tratontapis paykunaman rejsichenqa.

Daniel (hebreo) 8:16

Ulay nisqa mayumantataj uj runata parlamojta uyarerqani, paytaj nerqa: Gabriel, kay runaman mosqoypi jina rikusqanta sut'inchay, nispa.

Daniel (hebreo) 9:21

Ajinata mañakushajtiy, ñawpajpiña mosqoypi jina rikusqay Gabriel phawaspa jamorqa, maypichus noqa kasharqani, chayman. Chay karqa ch'isiyaykuyta Diosman uywata ñak'aspa jaywana phanita jina.

Daniel (hebreo) 9:23

Mañakuyta qallarisqaykimantapacha Dios uyarisorqaña, noqataj chayta willasunaypaj jamuni, imaraykuchus Dios mayta munakusunki. Kunanqa, sumajta uyariway, chay mosqoypi jina rikusqayki imatachus niyta munasqanta yachanaykipaj:

Amós 3:7

Tata Dios manamin imatapis ruwanchu, manaraj ñawpajta paymanta sut'inchajkunaman willaspaqa.

San Juan 12:49

Noqarí mana munasqayman jinallachu parlani. Manachayqa Kachamuwaj Tata imatachus kamachiwasqanta parlani, yachachinitaj.

San Juan 15:15

Manaña wata runay nisqaykichejchu, imaraykuchus wata runaqa patronnin imatachus ruwasqanta mana yachanchu. Manachayqa kawsaqeykuna nisqaykichej, imaraykuchus Tataypa tukuy ima niwasqanta rejsichiykichej.

San Juan 17:8

Imatachus willanayta niwasqaykita noqa paykunaman willarqani, paykunataj chayta jap'ikorqanku. Jinallataj paykuna yachanku noqa qanmantapuni jamusqayta, jinataj qan kachamuwasqaykita creenku.

San Juan 3:32

Payqa imatachus janaj pachapi uyarisqanta, chantá rikusqanta ima parlan. Chaywanpis pisilla imatachus nisqanta jap'ikunku.

San Juan 8:26

Qankunamanta ashkhata parlanay kashan, jinataj juzganay. Chaywanpis noqata Kachamuwajqa cheqanta parlan, noqataj paymanta uyarisqallayta runakunaman willani, nispa.

Romanos 16:25

Dios yupaychasqa kachun, pichus sinch'ita sayachiyta atisunkichej Jesucristomanta sumaj willayta willasqayman jina, chay. Jesucristomanta sumaj willaypi Diosqa qankuna mana judío kajkunapaj imatachus wakichisqanta sut'inchan. Chay imatachus wakichisqanqa unaymantapacha pakasqa karqa.

Gálatas 1:12

Noqaqa mana pi runamantachu chay sumaj willayta jap'erqani, nitaj pipis yachachiwarqachu, manachayqa kikin Jesucristomin noqaman chay sumaj willaymanta sut'inchawarqa.

Efesios 3:3

Diosqa, imatachus wakichisqan pakasqa karqa, chayta rejsichiwarqa, noqataj chaymanta uj chhikanta qhelqarispa rejsicherqaykichejña.

Tito 1:1

Noqa Pabloqa Diospa wata runan kani, Jesucristoj kachantaj. Pay kachawarqa paymanta sumaj willayta Diospa ajllakusqankunaman willanaypaj, chantá cheqa kajmanta yachachinaypaj ima, ajinamanta paykuna Diospa munasqanman jina puriyta yachanankupaj.

Apocalipsis 1:19

Ajinaqa qan imatachus rikusqaykita qhelqay ari, kunan imachus kashan, chantá qhepanejman imachus kanan kashan, chaykunatawan.

Apocalipsis 1:9

Noqa Juan qankunaj wawqeykichej kani, Jesuswan ujchasqa kasqayraykutaj Diospa kamachiyninpi qankunawan khuska kashani. Jinallataj tukuy imaymana ñak'ariykunapi, chantá chay ñak'ariykunata Jesucristoj paciencia qosqanwan awantanapaj qankunawan khuska kashallanitaj. Noqaqa Patmos sutiyoj churupi wijch'usqa kasharqani Diospa simi nisqanmanta, chantá Jesucristomanta ima willasqayrayku.

Apocalipsis 17:1

Chay qhepata, qanchis angelkunamanta, pikunachus chay qanchis vasokunata jap'isharqanku, chaykunamanta ujnin kaj jamuspa, niwarqa: Kayman chimpamuy, chay phisu warmi imaynatachus juchachasqa kananta rikunaykipaj, pichus ashkha yaku patapi tiyasqa kashan, chayta.

Apocalipsis 19:10

Chayta ángel nejtin, noqaqa payta yupaychanaypaj chakin chaynejman pampakama k'umuykorqani. Paytajrí niwarqa: Ama chayta ruwaychu. Noqaqa qan jina, chantá Jesuspa nisqanta jap'ikoj wawqe panaykikuna jina Diospa kamachillantaj kani. Qanqa Diosllata yupaychay, imaraykuchus Diosmanta sut'inchajkunaj nisqankoqa, Jesusmanta willanallapajpuni runaj sonqonta aysan, nispa.

Apocalipsis 19:9

Chantá ángel nillawarqataj: Kayta qhelqay: Pikunachus Corderoj casaraku rayminman wajyasqa kajkunaqa kusisqa kanqanku, nispa. Nillarqataj: Ajinata Dios nispaqa, mana llullakunchu, nispa.

Apocalipsis 21:2

Rikullarqanitaj Diospa wakichisqan llimphu kaj llajta mosoj Jerusalenta. Chay llajtaqa janaj pachamanta urayk'amusharqa casarakoj sipas jina parlakusqan qhariwan casarakunanpaj k'achanchasqata.

Apocalipsis 21:9

Chantá chay qhepata qanchis angelkunamanta, pikunachus qhepata jamoj manchay ñak'ariykunawan junt'asqa vasokunata jap'isharqanku, chaykunamanta ujnin jamuwarqa. Niwarqataj: Chimpamuy, noqataj rikuchisqayki casarakunanpaj parlasqa sipasta, Corderoj warminta, nispa.

Apocalipsis 22:1

Chay qhepata angelqa kawsaj yakuyoj ch'uwa mayuta rikuchiwarqa, cristal jina lliphipejta, mayqenchus Diospa kamachina tiyananmanta, chantá Corderojmantawan llojsimusharqa, chayta.

Apocalipsis 22:16

Noqa Jesusqa chaykunata iglesiakunaman willananpaj angelniyta kachamorqani. Noqa Davidpa mirayninmanta kaj kani, sut'iyamuyta lliphipej ch'askataj.

Apocalipsis 22:6

Chantá chay ángel niwarqa: Kay tukuy imata uyarisqayki, chantá rikusqayki imaqa jap'ikunapaj jina kanku. Tukuyta Kamachej Dios, pichus paymanta sut'inchajkunata yuyaychan chay, angelninta kamachinkunaman kachamun, chaykuna usqhayta junt'akunanmanta yachayta qonanpaj.

Apocalipsis 22:8

Noqa Juan kay imakunata uyarerqani, rikorqanitaj. Chayta uyarispa, rikuspataj kay imakunata rikuchiwaj angelta yupaychanaypaj pampakama k'umuykorqani.

Apocalipsis 22:9

Paytajrí niwarqa: Ama noqata yupaychawaychu. Noqaqa kamachi masiyki kani, Diosmanta sut'inchaj wawqeykikuna jina, kay p'anqaj nisqanta kasojkunajta ima. Qanqa Diosllata yupaychay, nispa.

Apocalipsis 4:1

Chaykuna qhepanta, noqa janaj pachapi uj punku kichasqata rikorqani. Chantá qallariypi trompeta jina jatunmanta parlamojta uyarerqani, paytaj niwarqa: Kayman qayllamuy, noqataj qhepanejman imakunachus kanan kashan, chaykunata rikuchisqayki, nispa.

Apocalipsis 5:7

Corderotaj qayllaykuspa, kamachina tiyanapi tiyashajpa paña makinmanta chay p'anqata jap'erqa.