Abdías 1:3 - DIOSPA QHELQACHISQAN DEUTEROCANONICAL

³ Wapuykachasqayki q'otiyasorqa. Chhanka jusk'ukunapi kawsasqaykirayku, orqo patapi tiyakusqaykirayku ima sonqoykipi nerqanki: Noqataqa mana pipis urmachiwanmanchu, nispa.

Qheshwa Biblia DC

³ Chay wapuykachasqayki ch'aukiyasorqa kausanki chhanka k'ajlluspi tiyakunkitaj pata patasnimpi. Chayrayku creerqanki mana pipis urmachinasunta.

DIOSPA QHELQACHISQ

³ Wapuykachasqayki q'otiyasorqa. Chhanka jusk'ukunapi kawsasqaykirayku, orqo patapi tiyakusqaykirayku ima sonqoykipi nerqanki: Noqataqa mana pipis urmachiwanmanchu, nispa.

Abdías 1:3 ပူးပေါင်းရင်းမြစ်များ

Génesis 36:8

Chayrayku Esauqa, pichus Edom nisqallataj karqa, pay Seir sutiyoj orqonejman tiyakoj riporqa.

2 Reyes 14:7

Jinallataj Amasiasqa Kachi valle nisqapi, Edom llajtayojkunamanta chunka waranqata wañuykucherqa, maqanakupi atipaspataj Sela llajtata jap'erqa. Suticharqataj “Yoctel”, nispa. Kunankama chay llajtaqa chay sutiwan rejsisqa kashan.

2 Crónicas 25:11

Chaymantataj Amasiasqa kallpacharikuspa, soldadonkunawan maqanakoj Kachi valle nisqaman purirerqanku. Chaypitaj Seirmanta kajkunamanta 10.000 soldadokunata wañucherqanku.

2 Crónicas 25:12

Chay jawaqa Judamanta kajkunaqa 10.000 soldadokunatawan presota jap'erqanku. Paykunata chhankarara orqo puntaman apaspa, chaymantapacha tanqaykamorqanku. Tukuyninkutaj ch'allpasqa wañurarqanku.

Job 20:6

Runaykachasqan janaj pachakamapis chayachun, umanpis phuyukama oqharikuchun,

Proverbios 16:18

Jatunchakuypa qhepanta mana allinpi kay jamun, runaykachaypa qhepantataj llakiylla.

Proverbios 18:12

Pichus runaykachajpaj qhepaman llakiylla jamonqa. Llamp'u sonqo runarí qhepaman allinpaj qhawasqa kanqa.

Proverbios 29:23

Umata oqharej runataqa machu machu kaynin k'umuykuchenqa, llamp'u sonqoyojtajrí jatunchasqa kanqa.

Isaías 16:6

Moabmanta runakunaj mayta wapuykachasqankumanta uyarinchej, mayta runaykachasqankumanta, machu machu kasqankumantapis. Chaywanpis may kasqankumanta parlasqankoqa yanqhalla.

Jeremías 21:13

Jerusalén llajta, mayqenchus pampapi chhanka jina kay vallepi kashanki, chay. Noqa Tata Dios contraykipi kashani. Qankunaqa nishankichej: Pitaj maqanakoj yaykumuwasunmanri? Pitaj pakakunanchejman chayamunmanri? nispa.

Jeremías 37:9

Chantá Tata Dios kaytapis nillantaj: Ama qhasita yuyakuychejchu Caldeamanta soldadokuna kaymanta ripunankuta. Paykuna manamin riponqankuchu.

Jeremías 48:28

Moabpi tukuy tiyakojkuna, llajtaykichejta saqespa, chhanka jusk'uman tiyakoj ayqeychej, imaynatachus chhanka jusk'ukunapi urpikuna thapachakuspa tiyakunku, ajinata.

Jeremías 49:16

Qan mayta runaykachasqaykiwan q'otiyachikorqanki, imaraykuchus tukuyta manchachej kanki. Qanqa chhanka k'ajllukunallapi tiyakoj kanki, orqokunamanta ch'ipasqa. Anka jina may altopi thapachakunki chaypis, chaymantapacha urmaykuchimusqayki. Noqa Tata Diosmin chayta nini.

Jeremías 49:4

Imaraykutaj chay sumaj poqoj jallp'aykimanta runaykachankiri? Noqamanta karunchakoj suyu, kapuyniykipi atinikuspa, ninki: Pitaj contrayta maqanakoj jamunmanri? nispa.

Ezequiel 28:16

Chaywanpis qhatuykipi allin risusqanrayku, kallpaman atinikuspa, millayta ruwaspataj juchallerqanki. Chayrayku qhawaj querubín, noqaqa qanta ajllakusqay orqomanta wijch'orqayki, qoyllurkuna chawpimantataj qharqorqayki.

Malaquías 1:4

Esaúj mirayninmanta kajkuna ninkuman: Phirisqa karqanchej. Chaywanpis watej llajtanchejkunata sayachinallataj, nispa. Tukuy Atiyniyoj Tata Diosrí nenqa: Watej llajtankukunata sayarichinkuman chaypis, ujtawan phirillasajtaj. Chay edomitakunaj suyunkutaqa runakuna sutichanqanku: “Millayta ruwaj suyu”, chantá “Tata Diospa wiñaypaj chejnisqan runakuna”, nispa.