3 Juan 1:4 - DIOSPA QHELQACHISQAN DEUTEROCANONICAL

⁴ Noqaqa mayta kusikuni wawaykuna cheqa kajman jina purishasqankuta uyarispa. Chaymin astawan kusichiwan.

Qheshwa Biblia DC

⁴ Mana imapis astawan kusichiwanchu, wawasniy cheqapi purishasqankuta uyarisqaymantaqa.

DIOSPA QHELQACHISQ

⁴ Noqaqa mayta kusikuni wawaykuna cheqa kajman jina purishasqankuta uyarispa. Chaymin astawan kusichiwan.

Quechua South Bolivia: Dios Parlapawanchej

⁴ Tucuy imamanta astawanka cusicuni uyarispa Cristopi wawasniy cheka niskanmanjinapuni causashaskancuta.

3 Juan 1:4 ပူးပေါင်းရင်းမြစ်များ

1 Reyes 2:4

Ajinamanta Tata Diosqa tukuy ima niwasqanta junt'anqa. Pay niwarqa: Sichus churiykikuna allinta ruwaspa purenqanku, ñawpaqeypi cheqan kajta ruwaspa tukuy sonqonkuwan, tukuy yuyayninkuwantaj chayqa, mirayniykimanta kajqa kallanqapuni Israelpa kamachinan tiyanapi tiyakuspa, Israelta kamachinanpaj, nispa.

1 Reyes 3:6

Chantá Salomón nerqa: Qanqa tatay David kamachiykita mayta munakorqanki, imaraykuchus payqa cheqanta purerqa qanpa ñawpaqeykipi, cheqantapuni ruwaspa, cheqan sonqowantaj. Qantaj mayta khuyaspa, uj wawanta qorqanki kamachinan tiyanapi tiyananpaj, imaynachus kunan p'unchay kashan jina.

2 Reyes 20:3

Tata Dios, noqamanta yuyarikuy, imaynatachus cheqanta, allin sonqowantaj ñawpaqeykipi purisqaymanta, munayniykiman jina ruwaspa, nispa. Chantá Ezequías manchay llakisqa waqarikorqa.

Proverbios 23:24

Cheqan runaj tatanqa mayta kusikun. Yachayniyoj churita yumajqa payrayku kusikullantaj.

Isaías 38:3

Tata Dios, noqamanta yuyarikuy imaynatachus ñawpaqeykipi purisqayta, tukuy sonqo cheqan kajta ruwaspa, nispa. Chantá Ezequías sonqo nanayta waqarqa.

Isaías 8:18

Noqawan, Tata Diospa qowasqan wawaykunawan ima israelitakunapaj t'ukuna señal jina kayku, Tukuy Atiyniyoj Tata Diospa churasqan, pichus Sión orqopi tiyakun, chaypata.

2 Corintios 6:13

Kunanqa wawaykunata jina niykichej: Qankunapis tukuy sonqo munakuwayku ari, imaynatachus qankunata munakuyku, ajinata, nispa.

Gálatas 2:14

Noqa maypachachus Jesuspa cheqa kaj sumaj willayninman jina mana allinta purisqankuta rikorqani, chaypacha tukuypa ñawpaqenpi Pedrota k'amerqani: Qan judío kashaspapis, mana judío jina purinki. Sichus mana judío jina purinki chayqa, imaraykutaj mana judío kajkunata kunan kamachinki judiokunaj usunkuta ruwanankutari? nispa.

Gálatas 4:19

Munasqa wawaykuna, onqokoj warmi jina ujtawan nanaywan ñak'arishani, Cristo imaynachus kasqan qankunapi ruwasqa kanankama.

1 Tesalonicenses 2:11

Yachallankichejtaj qankunata kallpachasqaykuta, sonqochasqaykuta ima, imaynatachus uj tata wawankunata uywaspa ruwan, ajinata.

1 Timoteo 1:2

Timoteo, kay cartata qhelqaspa, qanman apachimuyki, imaraykuchus qanqa Diosta qhatikuypi waway jina kanki. Tata Diosninchej, chantá Tukuyta Kamachej Cristo Jesusninchej ima qhasilla k'acha yanapayninkuta, khuyakuyninkuta, chantá sonqo tiyaykuyninkuta ima qanman qosuchunku.

2 Timoteo 1:2

Timoteo, munasqa wawáy, qanman kay cartata qhelqaspa apachimuyki. Qanwan kachun Tata Diosninchejmanta chantá Tukuyta Kamachej Cristo Jesusmantawan qhasilla k'acha yanapayninku, khuyakuyninku, sonqo tiyaykuyninku ima.

Filemón 1:10

Onesimorayku mañarikuyki. Payqa waway jina, imaraykuchus preso kashaspa, Cristomanta payman willarqani, paytaj Diosman kutirikorqa.

1 Juan 2:1

Munasqa wawaykuna, ama juchallikunaykichejpaj kaykunata qhelqamuykichej. Chaywanpis sichus pipis juchallikun chayqa, Tata Diospa ñawpaqenpi noqanchejrayku parlarinanpaj uj tiyan. Chayqa Jesucristo, paytaj cheqantapuni ruwan.

2 Juan 1:4

Noqaqa maytapuni kusikorqani, wakin wawaykikuna cheqa kajman jina kawsashasqankuta yachaspa. Paykunaqa Tata Dios kamachiwasqanchejman jina kawsashanku.