2 Samuel 7:8 - DIOSPA QHELQACHISQAN DEUTEROCANONICAL

⁸ Chayrayku kamachiy Davidta niy: Ajinata Tukuy Atiyniyoj Tata Dios nisunki: Noqa ovejakunaj qhepanmanta orqhomorqayki, Israel aylluypaj kamachejnin kanaykipaj.

Qheshwa Biblia DC

⁸ Chayrayku kamachiy Davidman niy, noqa Señor Tukuy Atiyniyoj nisqayta: Noqa orqhomorqayki ovejasta campopi michisharqanki chaymanta, Israel aylluypa kamachejnin kanaykipaj.

DIOSPA QHELQACHISQ

⁸ Chayrayku kamachiy Davidta niy: Ajinata Tukuy Atiyniyoj Tata Dios nisunki: Noqa ovejakunaj qhepanmanta orqhomorqayki, Israel aylluypaj kamachejnin kanaykipaj.

2 Samuel 7:8 ပူးပေါင်းရင်းမြစ်များ

2 Samuel 12:7

Chantá Natanqa Davidta nerqa: Qanmin chay runaqa kanki. Chayrayku Tata Dios nisunki: Israelpaj kuraj kamachejnin kanaykipaj noqa ajllakorqayki, Saulpa atiyninmantapis waqaycharqayki.

2 Samuel 14:13

Chantá warmeqa nerqa: Kuraj kamachejníy, Diospa ayllunpa contranpi imaraykutaj qan kay jinallatataj ruwayta munashankiri? Chay nisqaykirayku qanllataj juchayoj rikhurinki, pichus wijch'usqa wawaykita mana kutimpunanta saqespa.

2 Samuel 23:1

David manaraj wañupushaspa, kay jinata nerqa: Noqaqa Yeséj churin David kani, pitachus Diosqa mayta jatuncharqa, pitachus Jacobpa Diosnin kuraj kamachej kananpaj ajllakuwarqa, pichus Israelpi ima munayta takej ima kay jinata nini:

2 Samuel 24:17

Jinallapi Davidqa runakunata wañurachisharqa chay angelta rikuspa, Tata Diosta nerqa: Noqa juchallini. Noqamin juchayoj kani. Kay runakunarí ima juchayojtaj kankuri? Paykunata ñak'arichinaykitaqa, mañakuyki noqata, aylluytawan ñak'arichinawaykuta, nispa.

2 Samuel 5:2

Cheqamanta Saúl kuraj kamachejniyku kashajtinpis, qanpuni israelitakunataqa maqanakupi kamachej jina pusaykacharqanki. Chay jawaqa Tata Dios nisorqa: Qanpuni tukuy Israel aylluyta michinki, kamachinkitaj, nispa.

2 Samuel 6:21

Davidtajrí Micalman kuticherqa: Arí, tusorqani, Tata Diosta yupaychaspa tusorqani, imaraykuchus payqa ajllawarqa tataykej cuentanmanta jinataj tukuy aylluykejmanta ima, Israel ayllunta kamachinaypaj. Chayrayku Tata Diospa ñawpaqenpi tusullasajpuni.

1 Reyes 3:6

Chantá Salomón nerqa: Qanqa tatay David kamachiykita mayta munakorqanki, imaraykuchus payqa cheqanta purerqa qanpa ñawpaqeykipi, cheqantapuni ruwaspa, cheqan sonqowantaj. Qantaj mayta khuyaspa, uj wawanta qorqanki kamachinan tiyanapi tiyananpaj, imaynachus kunan p'unchay kashan jina.

1 Reyes 8:16

Israel aylluyta Egiptomanta orqhomorqani, chay p'unchaymantapacha tukuynin Israel ayllukunamanta ni mayqen llajtata ajllakorqanichu chaypi tiyakunaypaj templota ruwapunawankupaj. Chaywanpis Davidta Israel aylluyta kamachinanpaj ajllakorqani, nispa.

1 Crónicas 17:7

Chayrayku kamachiy Davidta niy, noqa Tukuy Atiyniyoj Tata Dios nisqayta: Noqa ovejaj qhepanmanta orqhomususpa, Israel aylluyta kamachinaykipaj churarqayki.

1 Crónicas 21:17

Davidtaj Diosta nerqa: Noqa aylluta yupacherqani. Noqamin juchayojqa kani, mana allin kajtataj ruwajqa. Kay mana juchayojkunarí, imatataj ruwasqankuri? Tata Diosníy, mañarikuyki ari, noqata aylluytawan ima jasut'inawaykita. Aylluykitarí ama onqoywan chinkarparichiychu, nispa.

Amós 7:15

Chaywanpis ovejata michikushajtiy, Tata Dios niwarqa: Rispa, Israel aylluyman sutiypi parlamuy, nispa.

Hechos 7:46

Dios Davidta khuyakuywan qhawarisqanrayku pay Diosmanta mañakorqa uj Templota ruwajta saqenanta, chaypi israelitakuna Diosninkuta yupaychanankupaj.

1 Samuel 10:1

Saulpa kamachin ripojtinkama, Samuelqa Saulpa umanman aceitewan jich'aykorqa, much'aykuspataj, nerqa: Kunanmanta Tata Diosqa Israel suyunpi kuraj kamachejnin kanaykipaj ajllasunki. Paykunata kamachispa, muyuyninkupi kaj awqankukunaj makinkumanta kacharichinki. Tata Diosqa qanta kuraj kamachej kanaykipaj ajllasusqanmanta kaymin señal kanqa:

1 Samuel 2:8

Dioslla wajchata pampamanta aysarin. Mañakoj runatapis q'opa wijch'unamanta orqhospa, wiraqochikunawan khuska tiyachin maypaj qhawasqa cheqapi, imaraykuchus jallp'aj tijsinkunamanta Tata Diosllamin dueñoqa. Paymin kay pachata chay patapi sayacherqa.

1 Samuel 9:16

Q'aya kunanta jina Benjamín jatun ayllumanta uj runata kachamusqayki, paytataj aceitewan jawinki, Israel aylluypa kuraj kamachejnin kananpaj. Payqa Israel aylluyta filisteokunaj makinkumanta kacharichenqa, imaraykuchus noqa aylluymanta khuyakuni, ñak'arisqankuta rikuspa, nispa.