2 Samuel 7:7 - DIOSPA QHELQACHISQAN DEUTEROCANONICAL

⁷ Israelitakunawan purisqaymantapachaqa, pikunatachus churarqani Israel ayllupi kamachinankupaj, chaykunamanta mana mañarqanichu pinomanta templota ruwapunawankutaqa, nispa.

Qheshwa Biblia DC

⁷ Paykunawan purisqaymantapachaqa, mana israelitasmantaqa ni mayqen kurajkunasninkumampis, piskunatachus noqa ajllarqani Israel aylluypi kamachinankupaj, mana ni mayqenninkuman mañarqanichu cedromanta uj yupaychana wasita ruwapunawankutaqa, nispa.

DIOSPA QHELQACHISQ

⁷ Israelitakunawan purisqaymantapachaqa, pikunatachus churarqani Israel ayllupi kamachinankupaj, chaykunamanta mana mañarqanichu pinomanta templota ruwapunawankutaqa, nispa.

2 Samuel 7:7 ပူးပေါင်းရင်းမြစ်များ

2 Samuel 5:2

Cheqamanta Saúl kuraj kamachejniyku kashajtinpis, qanpuni israelitakunataqa maqanakupi kamachej jina pusaykacharqanki. Chay jawaqa Tata Dios nisorqa: Qanpuni tukuy Israel aylluyta michinki, kamachinkitaj, nispa.

1 Crónicas 11:2

Saúl kamachishajtin, qanpuni israelita soldadokunata maqanakuman pusaj kanki. Chay jawataj Tata Diosniyki nisorqa: Qanmin Israel aylluyta michinki, paykunatataj kuraj kamachej jina kamachinki, nispa.

1 Crónicas 17:6

Tukuy tiempopi paykunawan purisqaypi, aylluyta kamachinankupaj churarqani, chaykunata ni mayqenta nerqanichu: Imaraykutaj cedromanta uj wasita mana ruwapuwankichejchuri? nispa.

Isaías 40:11

Ayllunta qhawanqa, imaynatachus uj michej ovejankunata michin, ajinata. Corderokunata makinpi marq'arikonqa, uñachakojtataj alliyllawan pusanqa.

Isaías 66:1

Tata Dios nin: Janaj pachaqa noqaj kamachinay tiyana, kay pachataj chakiypa sarunan. Jina kajtenqa, maypitaj wasita ruwapuwankichejmanri? May cheqapitaj noqaqa samarikusajri?

Jeremías 23:4

Chantá waj michejkunata paykunata michinankupaj churasaj, ovejaykunataj mana manchachikonqankuchu, nitaj ni ujpis chinkanqachu. Noqa Tata Diosmin chayta nini.

Jeremías 3:15

Chantá noqa jina sonqoyoj kamachejkunata churapusqaykichej, paykunataj qankunata sumaj yachaywan, allin yuyaywantaj michisonqachej.

Ezequiel 34:15

Noqa ovejaykunata michikusaj, noqallataj puñuchikusaj.

Ezequiel 34:2

Runaj churin, Israelta michejkunaj contrankuta parlaspa, ajinata niy: Tukuyta Kamachej Tata Dios kay jinata nisunkichej: Ay qankunamanta, Israel aylluta michejkuna, imapichus rikhurinkichej. Qankunaqa allinnillaykichejta mask'akunkichej. Manachu michejkunaqa ovejakunaj allinninkuta mask'ananku tiyan?

Ezequiel 34:23

Noqaqa kamachiy Davidta kutirichimusaj, paytataj ovejaykunata michinanpaj churasaj. Pay ovejaykunata sumaj pastopi mikhuchipuwanqa, sumajtataj paykunata michenqa.

Miqueas 5:4

4 (3) Chay kamachejtaj Israel ayllunta michinanpaj jatarenqa Tata Diospa atiyninwan, jatun kayninwantaj. Jinapi paykuna allinpi kawsanqanku, imaraykuchus Tata Dios jatunchasqapuni kanqa kay pachaj k'uchunkunakama.

San Mateo 2:6

Qanrí Belén, Judá jap'iypi kaj, Judapi kaj llajtakuna ukhupi aswan uyarisqa kanki, imaraykuchus qanmanta uj kamachej llojsenqa, paytaj Israel aylluyta michenqa, nispa.

Hechos 20:28

Chayrayku qankuna Dioswan imaynatachus purisqaykichejta qhawakuychej. Jinallataj tukuy wawqe panakunatapis michillaychejtaj, imaraykuchus Santo Espíritu qankunata churasorqachej paykunata qhawanaykichejpaj, Diospa Iglesianta michinaykichejpaj ima, mayqentachus Jesucristo kikin yawarninwan rantikorqa, chayta.

Hechos 21:28

Chantá qhaparispa, nerqanku: Israelitakuna, yanapawayku. Kay runaqa tukuynejpi ayllunchejpa contranta yachachin, jinallataj Moisespa kamachisqanpa contranta, Temploj contrantapis. Astawanqa Grecia llajtayojkunata kay patioman pusaykamuspa, Diospaj t'aqasqa may llimphu cheqata ch'ichichan, nispa.

Deuteronomio 23:14

14 (15) Tata Diosniykichejqa qankunaj chawpiykichejpi purishan, yanapanasuykichejpaj, awqaykichejtapis atipachisunaykichejpaj. Chayrayku jaraykichejqa Diospaj t'aqasqa kasqanrayku, llimphu kanan tiyan. Manachayqa qankuna ukhupi ch'ichita rikuspa, Diosqa qankunamanta karunchakonqa.

1 Pedro 5:1

Kunanqa iglesiapi kurajkunata yuyaychariyta munani, paykuna jina noqapis iglesiapi kurajllataj kashaspa. Noqaqa Cristo imaynatachus ñak'arisqanta rikorqani, jinataj Cristoj jatun kaynin tukuy kay pachapi rikuchikojtin, noqapis chaypi qankunawan kasaj.