2 Samuel 7:24 - DIOSPA QHELQACHISQAN DEUTEROCANONICAL

²⁴ Qan churarqanki Israelta wiñaypaj aylluyki kananpaj, Tata Diosnin kanaykipajtaj.

Qheshwa Biblia DC

²⁴ Imaraykuchus qan nerqanki Israelqa wiñaypaj aylluyki kananta, qantaj Señorníy, Diosninku kanaykita.

DIOSPA QHELQACHISQ

²⁴ Qan churarqanki Israelta wiñaypaj aylluyki kananpaj, Tata Diosnin kanaykipajtaj.

2 Samuel 7:24 ပူးပေါင်းရင်းမြစ်များ

Génesis 17:7

Qanwan kay ruwasqay trato, jinataj qhepanejman qanmanta mirajkunawan trato ruwasqaypis wiñay wiñaypaj kanqa. Noqaqa qanpa Diosniyki wiñaypaj kasaj, jinallataj paykunajtapis.

Génesis 17:8

Qanman, mirayniykimanwan, maypichus tiyakushanki, chay tukuy Canaán jap'iyta qosqaykichej wiñaypaj chayaqeykichej kananpaj. Noqataj wiñaypaj Diosniyki kasaj, nispa.

2 Samuel 7:23

Kay pachapi Israel aylluyki jinaqa mana waj ayllu kanchu. Qan, Diosníy, aylluyki kananpaj preciota pagaspa Israelta kacharicherqanki, may uyarisqa kanantataj ruwarqanki, payrayku jatuchaj may t'ukuna k'acha imakunata ruwaspa. Egiptomanta orqhomorqanki, chay aylluykej ñawpaqenmantataj qan chay waj runakunata, diosninkutawan wijch'orqanki.

2 Samuel 7:25

Ajinaqa, Tata Diosníy, noqa kamachiykiman, mirayniymanpis nisqaykitaqa wiñaypaj junt'ay, nisqaykiman jinataj ruway.

1 Crónicas 17:22

Qanqa Israel aylluta wiñaypaj qanpata kananpaj ajllarqanki, qanmin Diosninku kanki.

Salmos 48:14

14 (15) Ajinamin Diosninchejqa, payqa wiñay wiñaypaj Diosninchejmin. Pay wañupunanchej p'unchaykama pusawasunchej, nispa.

Éxodo 15:2

Tata Diospaj takipusaj. Payqa kacharichiwajniy, kallpata qowajtaj. Paymin Diosneyqa, payta yupaychasaj. Payqa tataypa Diosnin, payta jatunchasaj.

Éxodo 6:7

Noqa qankunata aylluypaj jap'ikapusqaykichej, noqataj Diosniykichej kasaj. Ajinamanta yachankichej noqa Tata Diosniykichej Egiptopi wata runa kanaykichejmanta kacharichisqayta.

Isaías 12:2

Diosmin kacharichiwajneyqa. Payllapi noqa atinikuni, manaña ni imamanta manchachikusajchu. Tata Dios kallpachawajneyqa, payllamantapuni takisaj, imaraykuchus paylla atipanaypaj yanapawan.

Jeremías 31:1

Tata Dios nin: Maypachachus Babiloniamanta kutimponqanku chay p'unchaypi noqa tukuy israelitakunaj Diosninku kasaj, paykunataj aylluy kanqanku, nispa.

Jeremías 31:33

Aswan qhepamanrí Israelwan tratota ruwasaj, chay tratotaj kay jina kanqa: Kamachisqayta yuyayninkuman churasaj, sonqonkupitaj qhelqaykusaj. Noqa Diosninku kasaj, paykunataj aylluy kanqanku. Noqa Tata Diosmin chayta nini.

Jeremías 32:38

Paykuna aylluy kanqanku, noqataj Diosninku kasaj.

Oseas 1:10

10 (2.1) Chaywanpis uj p'unchaypi Israelpa mirayninku mama qocha kantupi t'iyu jina kanqanku. Ni pi chimpuyta, nitaj yupayta atenqachu. Mana aylluychu kankichej, nispa ninaytaqa, paykunata nisaj: Qankunaqa noqa kawsaj Diospa wawaykuna kankichej, nispa.

Zacarías 13:9

Chay qhepakojkunarí ninawan ch'uwanchasqa kanqanku. Imaynatachus runa qolqe metalta ninapi ch'uwanchan, chayrí qorita ch'uwanchan, ajinata noqapis paykunata llimphuchasaj. Chaypacha paykunaqa sutiyta oqharenqanku Diosninkupaj rejsikapuwasqankurayku, noqataj mañakuwasqankuta uyarisaj. Chantá paykunata nisaj: Qankuna aylluy kankichej, nispa. Paykunataj kutichiwanqanku: Tata Diosqa Diosninchej, nispa. Noqa Tata Diosmin chayta nini.

San Juan 1:12

Aswanpis tukuy pikunachus paypi atinikuspa mana qhesacharqankuchu, chaykunaman pay atiyta qorqa Diospa wawankuna ruwasqa kanankupaj.

Deuteronomio 26:18

Jinallataj Tata Diospis kunan nisunkichej, nisusqanman jina qankuna paypa ayllun kasqaykichejta. Ajinaqa tukuy kamachisqanta junt'aychej.

Deuteronomio 27:9

Chantá Moisés, Leví jatun ayllumanta sacerdotekunawan khuska israelitakunata kay jinata nillarqataj: Israelitakuna, ch'inyakuychej, kay nisqayta uyariychej: Kunan qankunaqa Tata Diosniykichejpa ayllunman tukunkichej.

Deuteronomio 32:6

Wampu runakuna, mana yachayniyojkuna, ajinatachu Tata Diosmanqa pagankichej? Manachu payqa tataykichej, ruwasojniykichejtaj? Paymin qankunata ruwasorqachej, kawsaytataj qosorqachej.

1 Pedro 2:10

Qankuna ñawpajtaqa mana ayllunchu karqankichej, kunantajrí Diospa ayllunña kankichej. Ñawpajtaqa Dios mana khuyakusorqachejchu, kunantajrí Diospa khuyakusqanña kankichej.