2 Samuel 7:23 - DIOSPA QHELQACHISQAN DEUTEROCANONICAL

²³ Kay pachapi Israel aylluyki jinaqa mana waj ayllu kanchu. Qan, Diosníy, aylluyki kananpaj preciota pagaspa Israelta kacharicherqanki, may uyarisqa kanantataj ruwarqanki, payrayku jatuchaj may t'ukuna k'acha imakunata ruwaspa. Egiptomanta orqhomorqanki, chay aylluykej ñawpaqenmantataj qan chay waj runakunata, diosninkutawan wijch'orqanki.

Qheshwa Biblia DC

²³ Israel aylluyki jinaqa, mana waj llajta pay jina kanchu tukuy kay pachapeqa? Qan Diosníy, aylluyki kanampaj kacharicherqanki, may uyarisqa kanantataj ruwarqanki, payrayku may t'ukuna k'acha imasta ruwaspa. Egiptomanta kacharicherqanki, chay aylluykej ñaupaqenmantataj qan wijch'orqanki chay waj nacionesta dioskunasnintawan.

DIOSPA QHELQACHISQ

²³ Kay pachapi Israel aylluyki jinaqa mana waj ayllu kanchu. Qan, Diosníy, aylluyki kananpaj preciota pagaspa Israelta kacharicherqanki, may uyarisqa kanantataj ruwarqanki, payrayku jatuchaj may t'ukuna k'acha imakunata ruwaspa. Egiptomanta orqhomorqanki, chay aylluykej ñawpaqenmantataj qan chay waj runakunata, diosninkutawan wijch'orqanki.

2 Samuel 7:23 ပူးပေါင်းရင်းမြစ်များ

2 Samuel 7:24

Qan churarqanki Israelta wiñaypaj aylluyki kananpaj, Tata Diosnin kanaykipajtaj.

1 Crónicas 17:21

Israel aylluyki jinaqa kay pachapi mana ujpis kanchu. Diosníy, aylluyki kananpaj preciota pagaspa qanmin Egiptomanta paykunata kacharicherqanki. Jatuchaj t'ukuna imakunata paykunapaj ruwarqanki, ñawpaqenkumantataj waj llajtayojkunata wijch'orqanki. Ajinata ruwasqaykirayku manchay uyarisqaman tukorqanki.

Nehemías 1:10

Noqayku israelitakunaqa qanpa kamachiykikuna, aylluykitaj kayku, pikunatachus qan preciota pagaspa jatun atiyniykiwan, kallpaykiwantaj kacharicherqanki, chaykuna.

Salmos 106:22

Diosqa Campa suyunpi t'ukuna imakunatachus ruwasqanmanta qonqaporqanku, jinallataj Puka Mama Qochapi t'ukunata ruwaspa israelitakunata chimpachisqanmanta.

Salmos 111:9

Tukuyta Kamachej Dios preciota pagaspa ayllunta kacharicherqa, trato ruwasqantataj wiñaypaj sayacherqa. Tata Diosqa may llimphumin, manchachikuna jinataj.

Salmos 145:6

Jatun atiyniykiwan t'ukunata ruwasqaykimanta parlanqanku, noqapis jatun kayniykimanta parlallasajtaj.

Salmos 147:20

Chaywanpis waj suyukunawan mana ajinatachu ruwarqa. Chay suyukunaqa Diospa kamachisqanta mana jayk'aj yacharqankuchu. Tata Diosqa jatunchasqa kachun.

Salmos 40:5

5 (6) Tata Dios, Diosníy, t'ukuna imakunata ruwasqaykeqa manchay ashkha, allinniykupaj ruwasqaykitaj mana yupay atina. Ni imapis qanwanqa ninakunchu. Sichus t'ukuna ruwasqaykimanta willaspa parlayman chayqa, mana tukuchiyta atiymanchu.

Salmos 44:3

3 (4) Tataykukunaqa manamin kallpankuwanchu jallp'ata jap'ikaporqanku, nitaj espadankuwanchu chaypi tiyakojkunata atiparqanku. Manachayqa atiyniyki, kallpayki, paykunawan kasqaykej k'anchaynin ima paykunata atipayta yanaparqa, qan paykunata munakusqaykirayku.

Salmos 65:5

5 (6) Qhespichiwajniyku Dios, justiciawan t'ukunata ruwaspa, qan kutichiwayku. Kay pachapi tukuy tiyakojkuna qanpi atinikunku, jinallataj aswan karu mama qocha kantupi tiyakojkunapis.

Salmos 66:3

Diosta niychej: Ruwasqaykeqa manchay t'ukunapaj jina. Jatun atiyniykirayku awqaykikuna ñawpaqeykipi k'umuykonqanku.

Éxodo 12:12

Chay ch'isi noqaqa tukuy Egipto suyuta pasasaj, chantá Egipto llajtayojkunaj tukuy kuraj kaj churinkunata, jinallataj tukuy uywankukunaj phiwi uñantapis wañuchisaj. Ajinata ruwaspa, Egiptoj tukuy diosninkunata castigasaj. Noqa Tata Diosmin chayta nini.

Éxodo 33:16

Qan noqaykuwan mana riwajchu chayqa, noqa, jinataj aylluyki Israel imaynapitaj yachasqayku qan khuyarikuwasqaykutari? Noqaykuwan rejtiykeqa, sut'ita yachakonqa noqa, jinataj aylluyki kay pachapi runakunamanta t'aqasqa kasqayku, nispa.

Éxodo 6:7

Noqa qankunata aylluypaj jap'ikapusqaykichej, noqataj Diosniykichej kasaj. Ajinamanta yachankichej noqa Tata Diosniykichej Egiptopi wata runa kanaykichejmanta kacharichisqayta.

Éxodo 9:15

Sichus noqa qanta, jinataj tukuy Egipto llajtayojkunata sinch'ita ñak'arichispa, may jina atiyniyoj kasqayta rikuchiykiman karqa chayqa, kay pachamanta chinkachisqaña kawaj karqa.

Éxodo 9:16

Noqarí kawsanaykita munaniraj, atiyniyoj kasqayta rikunaykipaj, ajinamanta qannejta tukuy kay pachantinpi uyarisqa kanaypaj.

Jeremías 32:20

Qanmin t'ukuna imakunata, jinataj runaj mana jayk'aj rikusqanta Egiptopi ruwarqanki. Kunanpis Israelpi chay jinata ruwashallankirajpuni, jinataj tukuy kay pachapipis. Ajinata ruwasqaykirayku kunankama sutiykeqa manchay uyarisqa.

Jeremías 32:21

Qanqa may jatun atiyniykiwan Israel aylluykita Egiptomanta orqhomorqanki. Runaj mana jayk'aj rikusqan t'ukunata ruwaspataj, tukuy runata mancharicherqanki.

Ezequiel 20:9

Chaywanpis mana chayta ruwarqanichu, chaypi kaj suyukuna noqamanta ama millayta parlanankupaj, mayqenkunaj rikunantachus israelitakunaman rejsichikorqani Egiptomanta paykunata orqhoshaspa, chaykuna.

Números 6:27

Ajinata sacerdotekunaqa israelitakuna saminchasqa kanankuta noqa Diosmanta mañaponqanku. Noqataj paykunata saminchasaj, nispa.

Efesios 1:6

Tata Dios ajinata ruwarqa payta yupaychananchejpaj, imaraykuchus payqa t'ukuna qhasilla k'acha yanapayninwan yanapawarqanchej munasqa Churinman ujchasqa kasqanchejrayku.

Deuteronomio 10:21

Payllamin yupaychanaykichejpaj jina, payllamin Diosniykichejqa, pichus rikushajtiykichej qankunarayku t'ukuna imakunata ruwarqa, chay.

Deuteronomio 15:15

Ama qonqankichu Egiptopi qanpis wata runallataj kasqaykita, chaymantataj Tata Diosniyki preciota pagaspa kacharichisusqanta. Chayrayku kunan kay kamachisqakunata qoshayki.

Deuteronomio 33:29

Qanqa Israel, may jina kusikuyniyoj kanki. Pitaj qan jinari? Qantaqa Tata Diosmin qhespichisorqa. Paymin imamantapis jark'akusunki, yanapasunkitaj. Paymin atipachisoj espadaykeqa. Awqaykikunaqa k'umuykuchisqa kanqanku, qantaj jatunchakuyninkuta sarunki, nispa.

Deuteronomio 9:26

Chantá Tata Diosmanta mañakuspa, nerqani: Tukuyta Kamachej Tata Diosníy, kay aylluykita ama chinkachiychu ari, imajtinchus qanpatamin kanku. Qanmin preciota pagaspa paykunata jatun atiyniykiwan kacharicherqanki, Egiptomantataj kallpaykiwan orqhomorqanki.

Tito 2:14

Paymin noqanchejrayku wañunanpaj jaywaykukorqa, tukuy imaymana juchamanta kacharichinawanchejpaj, chantá llimphuchanawanchejpaj ima. Ajinata ruwarqa, paypa ayllun kananchejpaj, chantá allin kajta tukuy sonqo ruwayta munananchejpaj ima.

Josué 7:9

Cananeokuna, chantá kaynejpi tukuy tiyakoj runakuna atipachikusqaykuta yachanqanku, tantaykuykuspataj, tukuyniykuta tukuchiwasqayku. Sichus ajina kanman chayqa, imataj kanqa chay jina may uyarisqa sutiykiwanri? nispa.

1 Pedro 2:9

Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.

Apocalipsis 5:9

Chantá paykuna uj mosoj takiyta takispa, nerqanku: Qanllamin chay k'uyusqa p'anqata jap'inaykipaj jina kanki, sellonkunatataj llik'inaykipaj, imaraykuchus qan wañuchisqa karqanki. Jinallataj qanmin cruzpi wañuspa yawar jich'asqaykiwan runakunata ranterqanki Diospata kanankupaj tukuy ayllumanta, tukuy imaymana rimayniyojta, tukuy imaymana rijch'aj runata, chantá tukuy suyumanta ima.