2 Samuel 7:22 - DIOSPA QHELQACHISQAN DEUTEROCANONICAL

²² Chayraykumin jatunchasqa kanki, Tukuyta Kamachej Tata Diosníy. Mana pipis qan jinaqa kanchu, manataj qanmanta jawaqa waj dios kanchu, noqayku uyarisqaykuman jinaqa.

Qheshwa Biblia DC

²² Chayraykuman jatunchasqa kanki Señor Diosníy! Imaraykuchus mana pipis qan jinaqa kanchu, manataj qanmanta jawaqa waj diosqa kanchu, noqayku kikiyku uyarisqaykuman jinaqa.

DIOSPA QHELQACHISQ

²² Chayraykumin jatunchasqa kanki, Tukuyta Kamachej Tata Diosníy. Mana pipis qan jinaqa kanchu, manataj qanmanta jawaqa waj dios kanchu, noqayku uyarisqaykuman jinaqa.

2 Samuel 7:22 ပူးပေါင်းရင်းမြစ်များ

2 Samuel 22:32

Pitaj Diosmanta aswan jatunri? Waj dios kanmanchu chhankapi jina pakakunanchejpaj?

1 Reyes 8:23

Israelpa Tata Diosnin, mana qan jina Diosqa janaj pachapi kanchu, nitaj kay pachapipis. Qanqa tratoykita junt'anki, khuyakuyniykitapis kamachiykunaman rikuchinki, qanta tukuy sonqo kasuspa purejkunaman.

1 Crónicas 16:25

Tata Diosqa may jatunmin, mayta yupaychanapaj jinapuni. Payqa tukuy dioskunamanta aswan manchachikunapaj jina.

2 Crónicas 2:5

5 (4) Templo ruwasqayqa jatunmin kanqa, imaraykuchus Diosniykoqa tukuy dioskunamanta aswan atiyniyojmin.

Salmos 135:5

Noqa allinta yachani Tata Diosninchejqa may jatun kasqanta. Payqa tukuy dioskunamanta aswan jatunmin.

Salmos 145:3

Tata Diosqa jatunmin, mayta yupaychanapaj jina, jatun kaynintaj mana yachay atina.

Salmos 44:1

1 (2) Diosníy, noqayku uyarerqayku, tataykupis willallawarqaykutaj, unay paykuna kawsashajtinku, t'ukunata ruwasqaykimanta.

Salmos 48:1

1 (2) Tata Diosqa may jina jatunmin, Diosninchejtaj llajtanpi, ajllakusqan orqopi ima yupaychanapaj jinamin.

Salmos 86:10

Ajinata ruwanqanku, imaraykuchus qanllamin atiyniyoj Dios kanki, manchayta t'ukuna imakunatataj ruwanki.

Salmos 86:8

Tukuyta Kamachej Diosníy, qan jina diosqa mana waj kanchu, ruwasqaykita jinaqa mana pipis ruwanmanchu.

Salmos 89:6

6 (7) Ni ima diospis, ni pipis janaj pachapi kajkunamanta, Tata Dios, qanwan kikinchakusunkimanchu.

Salmos 89:8

8 (9) Tukuy Atiyniyoj Tata Dios, pitaj qan jina atiyniyojri? Tukuy atiy qanpata, cheqa kajwantaj muyuykusqa kanki.

Salmos 96:4

Tata Dios may jatunmin, yupaychanapaj jina. Payqa tukuy dioskunamanta nisqaqa aswan manchachikuna.

Éxodo 10:2

Noqa Egiptopi imatachus ruwasqayta, paykuna ukhupi t'ukunakunata ruwasqaytapis, wawaykikunaman, allchhiykikunaman ima willanaykipaj ruwarqani. Ajinata ruwasqayrayku, qankuna yachankichej noqamin Tata Dios kasqayta, nispa.

Éxodo 15:11

Tata Diosníy, ni mayqen dios qan jina kanchu. Mana pipis qan jina llimphu llimphu, ni atiyniyojpis kanchu. Qanqa musphanapaj jina t'ukunata ruwanki.

Éxodo 8:10

10 (6) Faraontaj nerqa: Q'ayapacha, nispa. Chantá Moisés nerqa: Ajina kanqa, yachanaykipaj Tata Dios jinaqa mana pipis kasqanta.

Éxodo 8:6

6 (2) Chantá Aaronqa Egiptopi tukuy yakuman varanta oqharerqa. Jinajtinkamataj, k'aylankulakunaqa yakumanta llojsiykamuspa, tukuynin Egipto suyuman junt'aykorqanku.

Éxodo 9:14

Manachus kacharinki chayqa, kunan sinch'i ñak'ariyta tukuy Egiptoman kachaykamusaj qanpa contraykita, yanapajniykikunaj, chantá runaykikunaj contrankuta ima. Ajinamanta yachanki tukuy kay pachapi noqa jina mana waj dios kasqanta.

Isaías 40:18

Tata Diosta imawantaj rijch'anachisunmanri? Chayrí imaynatataj lantita payman rijch'akojta ruwasunmanri?

Isaías 40:25

May Llimphu Kaj Dios tapurin: Piwantaj rijch'anachiwankichejmanri? Pitaj noqa jina kanmanri? nispa.

Isaías 45:18

Janaj pachata ruwaj Tata Dios, Paymin Diosqa. Paymin kay pachatapis ruwarqa, payllataj tukuy imata maychus kananman churarqa. Kay pachata ruwarqa kawsayniyojkuna chaypi tiyakunankupaj. Pay nin: Noqamin Tata Dios kani, noqamanta jawaqa mana waj Dios kanchu.

Isaías 45:22

Tukuy kay pachapi tiyakojkuna, qhespichisqa kanaykichejpaj noqaman jamuychej. Noqamin Dios kani, manataj waj Dios kanchu.

Isaías 45:5

Noqamin Tata Dios kani. Noqamanta jawaqa mana waj dios kanchu. Qan mana rejsishawajtiykipis, noqa qanta maqanakunaykipaj sumajta wakichiyki.

Ezequiel 36:22

Chayrayku Israel aylluman niy: Tukuyta Kamachej Tata Dios kay jinata nisunkichej: Imatachus ruwasaj, chayta mana qankuna Israel aylluraykuchu ruwasaj, manachayqa llimphu sutiyrayku ruwasaj. Ajina kanqa, imaraykuchus may suyumanchus chayarqankichej, chaypi sutiyta p'enqaypi rikhuricherqankichej.

Ezequiel 36:32

Israel ayllúy mana qankunaraykuchu chayta ruwasaj. Chayta allinta yachaychej. Chayrayku k'umuykuychej, p'enqakuychejtaj millayta purisqaykichejmanta. Noqa Tukuyta Kamachej Tata Dios chayta nini.

Daniel (hebreo) 2:45

Chantá qan kamachejníy, mana pejpa tanqarimusqallan rumita orqomanta choqakamojta rikorqanki, mayqenchus fierrota, bronceta, t'uruta, qolqe metalta, qoritapis ñut'u jallp'aman tukuchisqa, chay, icharí? Chaymin tukuyta atipaj chay suyu karqa. Ajinamanta Tukuy Atiyniyoj Tata Diosqa qhepanejman imachus kananmanta qanman rikuchisunki. Mosqokusqaykeqa cheqamin, sut'inchayninpis cheqallataj, nispa.

Miqueas 7:18

Qan jina Dios mana waj dios kanchu, imaraykuchus qanqa juchaykuta pampachanki, qonqayman churanki puchoj aylluykej juchankuta. Qanqa munakuwasqaykuta rejsichiwayku, nitaj wiñaypajchu phiñakunki.

Deuteronomio 3:24

Tukuyta Kamachej Tata Diosníy, kamachiyki kani, qantaj may jatun kayniykita, jinataj may jina atiyniyoj kasqaykitawan rikuchiwayta qallarerqanki. Mana janaj pachapi, nitaj kay pachapipis qan jina waj dios kanchu, chay jina t'ukunata ruwajqa.

Deuteronomio 32:39

Yachaychej noqalla Dios kasqayta, noqamanta jawa waj dioskunaqa mana kanchu. Noqalla kawsayta qoni, chantá qhechunitaj. Noqa onqochini, jampinitaj. Mana pipis makiymanta kacharichikuyta atinmanchu.

Deuteronomio 4:35

Tata Dios chaykunata rikuchisorqachej, paylla cheqapuni Dios kasqanta yachanaykichejpaj, paymanta jawataj waj dios manapuni kasqanta.

Deuteronomio 4:39

Chayrayku kunanqa yachaychej, sonqoykichejpitaj unanchaychej, janaj pachapi, kay pachapipis Tata Dioslla Dios kasqanta. Paymanta jawaqa mana waj diosqa kanchu.

1 Samuel 2:2

Tata Diosníy, qan jina llimphupuneqa mana pipis kanchu. Qanmanta jawaqa mana waj kanchu. Mana pipis qan jina waqaychajqa kanchu.