2 Samuel 7:21 - DIOSPA QHELQACHISQAN DEUTEROCANONICAL

²¹ Tukuy kay t'ukuna imakunata qanpuni ruwarqanki nisqaykiman, munasqaykiman jinataj, noqaman yachachinawaykipaj.

Qheshwa Biblia DC

²¹ Tukuy kay t'ukuna imastaqa qan ruwarqanki, niwasqaykiman jina munasqaykiman jinataj, chay tukuyta noqa yachanaypaj.

DIOSPA QHELQACHISQ

²¹ Tukuy kay t'ukuna imakunata qanpuni ruwarqanki nisqaykiman, munasqaykiman jinataj, noqaman yachachinawaykipaj.

2 Samuel 7:21 ပူးပေါင်းရင်းမြစ်များ

1 Crónicas 17:19

Tata Dios, noqata munakuwasqaykirayku chantá munasqaykiman jina, t'ukuna imakunata ruwarqanki, may sumaj imakuna ruwasqaykita rejsichinaykipaj.

Salmos 115:1

Tata Diosniyku, qanlla jatunchasqa kanapaj jina kanki, mana noqaykuchu. Khuyakuyniykirayku, nisqaykita junt'aj kasqaykiraykutaj qanmin jatunchasqa kay.

Salmos 138:2

Temployki qhawarisqa qonqorikuspa, khuyakuyniykimanta, cheqan kasqaykimanta ima pachis niyki, imaraykuchus sutiykita, simi nisqaykitawan tukuy imamanta astawan pataman churarqanki.

Números 23:19

Diosqa mana wañoj runa jinachu llullakunanpaj, nitaj nisqanmanta kutirinanpaj. Nin chayqa, manachu ruwanqa? Parlan chayrí, imatachus nisqanta manachu junt'anqa?

San Mateo 11:26

Arí, Tatáy, qan ajinata munarqanki, nispa.

San Mateo 24:35

Janajpis, kay pachapis tukukaponqanku. Chaywanpis nisqayqa mana jayk'ajpis pasanqachu, manachayqa junt'akonqapuni.

San Lucas 1:72

Diosqa ñawpa tatanchejkunata khuyaspa, sumaj tratota paykunawan ruwasqanmanta yuyarikorqa.

San Lucas 10:21

Chaypacha, Jesusqa Santo Espiritunejta may kusisqa kaspa, Diosta nerqa: Tatáy, janaj pachata kay pachatawan kamachej Dios, noqa jatunchayki, imaraykuchus kay imakunata yachayniyojkunamanta, yuyayniyojkunamantawan pakarqanki, wawa jina kajkunaman sut'inchanaykipaj. Arí Tatáy, qan ajinata munarqanki, nispa.

San Lucas 12:32

Qankuna pisi t'aqa oveja jinalla kaspapis, ama manchachikuychejchu, imaraykuchus Tataykichej kamachishaspa, mayta munan paywan khuska kamachinaykichejta.

1 Corintios 1:1

Noqa, Pablo, Dios munasqanrayku Jesucristoj kuraj kachan kanaypaj wajyasqa kani. Noqawan, wawqenchej Sosteneswan ima kay cartata qhelqaspa apachimuyku Corinto llajtapi Diospa iglesianman.

Efesios 1:9

Munasqanman jina payqa imatachus wakichisqanmanta chay pakasqa yachayta rejsichiwarqanchej, mayqentachus Cristopi junt'ayta munarqa, chayta.

Efesios 3:11

Chaykunata Dios wiñaymantapacha wakichisqa, chaytataj Tukuyta Kamachejninchej Cristo Jesusnejta junt'arqa.

Efesios 4:32

Manachayqa ujkuna ujkunawan k'acha kaychej, khuyakuyniyojtaj. Chantá ujkuna ujkuna qhespichinakuychej, imaynatachus Diospis Cristonejta juchaykichejta pampacharqa, ajinata.

Deuteronomio 9:5

Mana sumaj runa kasqaykichejraykuchu, nitaj cheqan kajta ruwasqaykichejraykuchu paykunaj jallp'ankuta jap'inkichej. Tata Dios ñawpaqeykichejmanta paykunata qharqonqa millayta ruwaspa kawsasqankurayku. Chantá ñawpa tataykichej Abrahamman, Isaacman, Jacobman ima nisqanta junt'anqa.