2 Samuel 7:13 - DIOSPA QHELQACHISQAN DEUTEROCANONICAL

¹³ Paymin templota ruwapuwanqa, noqataj wiñaypaj kamachinanta sayachisaj.

Qheshwa Biblia DC

¹³ Payqa uj yupaychana wasita jatarichipuwanqa, noqataj wiñaypaj reinonta sayachisaj.

DIOSPA QHELQACHISQ

¹³ Paymin templota ruwapuwanqa, noqataj wiñaypaj kamachinanta sayachisaj.

2 Samuel 7:13 ပူးပေါင်းရင်းမြစ်များ

Génesis 49:10

Judá ayllumanta kamachina varata ni pi qhechonqachu. Nillataj pipis mirayninpa makinmanta kamachina varata qhechonqachu varaj dueñon chayamunankama, pichus tukuy kay pachata kamachenqa, chay.

2 Samuel 22:51

Qanqa noqa ajllakusqayki kuraj kamachejta may chhika kutita maqanakupi atipacherqanki. Munakuspa noqa Davidta, miraynintawan wiñaypaj waqaychanki, nispa. Ajinata Davidqa Tata Diosta jatuncharqa.

2 Samuel 7:16

Mirayniykita, kamachinaykitapis noqa wiñaypaj waqaychasaj, ajinallatataj wiñaypaj churasqa kanqa, nispa.

2 Samuel 7:27

Qan, Israelpa Tukuy Atiyniyoj Tata Diosnin, niwarqanki mirayniymanta churiykunaqa kamachinallankutapuni, chayrayku kayta mañarikuyki.

1 Reyes 2:24

Tata Diospa sutinrayku tilullanitaj, pichus tatay Davidpa kamachinan tiyanapi allinta tiyachiwan, mirayniytapis sumajta sayachenqa, chay Diosrayku: Adoniasqa kunanpacha wañuchisqa kanqa, nispa.

1 Reyes 2:4

Ajinamanta Tata Diosqa tukuy ima niwasqanta junt'anqa. Pay niwarqa: Sichus churiykikuna allinta ruwaspa purenqanku, ñawpaqeypi cheqan kajta ruwaspa tukuy sonqonkuwan, tukuy yuyayninkuwantaj chayqa, mirayniykimanta kajqa kallanqapuni Israelpa kamachinan tiyanapi tiyakuspa, Israelta kamachinanpaj, nispa.

1 Reyes 2:45

Tata Diosqa noqa kuraj kamachej Salomonta saminchawachun. Chantá kuraj kamachej Davidpa mirayninmanta pipis kallachunpuni Israelta wiñaypaj kamachinanpaj Tata Diospa ñawpaqenpi, nispa.

1 Reyes 5:5

5 (19) Noqataj niniña uj templota Tata Diosniypaj ruwanayta, tatay Davidman Tata Dios nisqanman jina: Qanpa churiyki, pitachus cuentaykimanta kamachinayki tiyanaman tiyaykuchisaj, paymin noqaj sutiypi uj templota ruwapuwanqa, nispa.

1 Reyes 6:12

Kay wasita ruwayta qallarisqaykirayku, kayta nisqayki: Sichus yachachisqayman jina ruwanki, nisqayman jinataj purinki, kamachisqaytataj kasuwanki chayqa, noqapis tatayki Davidman qosaj nisqayta junt'allasajtaj:

1 Reyes 8:13

Noqataj sumaj Templota ruwapuyki, wiñaypaj chaypi tiyakunaykipaj, nispa.

1 Reyes 8:15

Paytaj nerqa: Jatunchasqa kachun Israelpa Tata Diosnin, pichus tatay Davidman parlasqanta kunan junt'an kay jina nisqanta:

1 Reyes 8:19

Chaywanpis mana qanchu ruwanki, manachayqa churiyki noqapaj templotaqa ruwapuwanqa, nispa.

2 Reyes 21:4

Manasesqa Tata Diospa Templonpipis altarkunata ruwachillarqataj. Chay Templomanta Tata Dios nisqa: Noqaqa Jerusalén llajtapi yupaychasqa kasaj, nispa.

2 Reyes 21:7

Asera sutiyoj diospa lantinta ruwaspa, Tata Diospa Templonpi sayacherqa. Chay wasimanta Tata Diosqa Davidman, chantá churin Salomonta nisqa: Kay Templopi sutiy wiñaypaj yupaychasqa kanqa, imaraykuchus tukuynin Israel jatun ayllukunamanta Jerusalén llajtata ajllakuni.

2 Reyes 8:19

Chay tukuywanpis Tata Diosqa mana Judá suyuta chinkachiyta munarqachu, kamachin Davidta munakusqanrayku. Tata Diosqa Davidman nisqa, mirayninmanta kamachinanpaj tiyaykoj kanallantapuni.

1 Crónicas 28:10

Ama qonqaychu, Templonta ruwanaykipaj Tata Dios qanta ajllakususqanta. Chayrayku kallpachakuspa, ruwaj churakuy, nispa.

2 Crónicas 33:4

Manasesqa Tata Diospa Templonpipis ch'askakunapaj altarkunata ruwachillarqataj. Chay Templomanta parlaspa, Tata Dios nisqa: Noqataqa Jerusalén llajtapi wiñaypaj yupaychawanqanku, nispa.

2 Crónicas 6:16

Kunanqa Israelpa Tata Diosnin, junt'allaytaj kamachiyki tatay Davidman imatachus nisqaykita. Qanqa nerqanki: Churiykikunachus kamachisqayman jina allinta purenqanku, imaynatachus qan purerqanki, ajinata chayqa, mirayniykimantaqa Israel suyuta kuraj kamachej kallanqapuni, nispa.

Job 36:7

Cheqanta ruwaj runakunataqa waqaychanpuni. Kuraj kamachejkunawan khuska kamachinanku tiyanapi tiyaykuchin, wiñaypajtaj paykunata jatunchan.

Salmos 72:17

Kuraj kamachejpa sutin wiñaypaj yuyarisqa kachun, manchay uyarisqa kasqantaj inti jina unaypaj kachun. Kay pachapi kaj chhika runakunaqa paynejta saminchasqa kachunku, tukuy runataj nichunku: Kuraj kamachejqa may kusikuyniyojmin, nispa.

Salmos 89:21

21 (22) Payta yanapasajpuni, atiyniywantaj payta kallpachasaj.

Salmos 89:29

29 (30) Paypa mirayninmanta kuraj kamachejqa kallanqapuni, janaj kanankamataj kamachillanqapuni.

Salmos 89:4

4 (5) Mirayniykimanta uj kuraj kamachej wiñaypaj kallanqapuni, kamachinayki tiyanataj wiñaypaj sayanqa, nispa.

Isaías 49:8

Tata Dios nillantaj: Khuyakunay p'unchay chayamojtin, uyarerqayki, qhespichina p'unchaypitaj yanaparqayki. Noqa waqaychasqayki, qannejtataj uj tratota tukuy runawan ruwasaj. Chay suyuta watej mosojyachisaj, saqerpayasqa jallp'akunatataj watej rak'irasaj.

Isaías 9:6

6 (5) Uj qhari wawa paqaripuwanchejña, Diostaj uj qhari wawata qowanchej. Kamachinanpaj jatun ateyqa paywan kanqa. Paytataj sutichanqanku: May K'acha Yuyaychaj, Tukuy Atiyniyoj Dios, Wiñay Kawsayniyoj Tata, Allin Kawsayta Apamoj Kamachej ima.

Isaías 9:7

7 (6) Kamachisqan, chantá allin kawsayta qosqanpis wiñaypaj mana tukukuyniyoj kanqa. Davidpa kamachinan tiyanamanta justiciawan wiñay wiñaypaj kamachenqa. Chaytataj Tukuy Atiyniyoj Tata Diosmin sinch'i munakuyninrayku ruwanqa.

Jeremías 33:17

Noqa Tata Diosmin kayta nini: Mana jayk'ajpis Davidpa mirayninmanta Israelpa kamachinan tiyanapi tiyajqa tukukonqachu.

Ezequiel 37:25

Kamachiy Jacobman qorqani, chay suyupi tiyakonqanku, maypichus ñawpa tatankukuna tiyakorqanku, chaypi. Chay suyupi paykuna, churinkuna, mirayninku ima wiñaypaj tiyakonqanku. Kamachiy Davidtaj paykunaj kuraj kamachejninku kanqa wiñay wiñaynintinkama.

Daniel (hebreo) 2:44

Chay kuraj kamachejkuna kamachishajtinku, janaj pachapi kaj Tata Dios mana jayk'aj chinkachisqa kanan kamachiyninta sayarichenqa, manataj mayqen suyupis payta atipanqachu. Astawanpis payqa tukuynin waj suyukunata tukuchenqa, paypa suyuntaj wiñaypaj sayanqa.

Zacarías 6:12

Chantá payta ninki: Tukuy Atiyniyoj Tata Dios nin Ijimuy Kaj nisqa qhari kikin saphinmanta wiñamunanta, chantataj Tata Diospa Templonta jatarichinanta.

Zacarías 6:13

Temployta jatarichejtinñataj, pay kuraj kamachej jina jatunchasqa kanqa. Chantá kamachinan tiyanaman tiyaykonqa, chay tiyananpa ladonpitaj sacerdote tiyanqa, iskayninkutaj allin kawsaypi kamachenqanku.

San Mateo 16:18

Noqataj niyki: Qanqa Pedro kanki, kay chhanka patapitaj iglesiayta sayarichisaj. Ukhu pachaj atiyninpis mana iglesiaytaqa atipayta atenqachu.

Hebreos 3:3

Chaywanpis Jesusqa Moisesmanta nisqa aswan jatunpaj qhawasqa kanan tiyan, imaynatachus wasichaj runaqa wasinmanta nisqa aswan jatunpaj qhawasqa, ajinata.

1 Pedro 2:5

Qankunapis kawsashaj rumi jina kajtiykichej, Diosqa qankunawan mana rikukoj templonta perqachashan. Jinallataj juchamanta t'aqasqa sacerdotekunapis kallankichejtaj. Ajinaqa Santo Espirituman jina jaywanakunata Tata Diosman jaywankichej, chaykunatataj Diosqa Jesucristonejta tukuy sonqo jap'ikun.