2 Samuel 23:4 - DIOSPA QHELQACHISQAN DEUTEROCANONICAL

⁴ payqa sut'iyaymanta llojsimoj inti jina, mana phuyusqa p'unchaypi inti k'anchaynin jinataj, qhorata wiñachej para jina kanqa, nispa.

DIOSPA QHELQACHISQ

⁴ payqa sut'iyaymanta llojsimoj inti jina, mana phuyusqa p'unchaypi inti k'anchaynin jinataj, qhorata wiñachej para jina kanqa, nispa.

2 Samuel 23:4 ပူးပေါင်းရင်းမြစ်များ

Salmos 110:3

Maqanakoj llojsinayki p'unchayta soldadoykikunaqa sonqomanta munaspa, qanwan khuska maqanakonqanku qanpaj t'aqakusqayki orqopi. Inti llojsimuyta kallpaykeqa chhullawan jina mosojyachisqa kanqa.

Salmos 72:6

Kuraj kamachejqa qhorata qarpaj para jina kachun, jallp'ata qarpaj chhulla jinallataj.

Salmos 89:36

36 (37) Paypa mirayninmanta kajqa cuentanmanta kamachillanqapuni, kamachinan tiyanataj inti jina ñawpaqeypi kallanqapuni.

Proverbios 4:18

Cheqan runakunaj kawsayninkoqa inti llojsimushaj jina k'ancharin, p'unchayamusqanman jinarí astawan k'ancharirin.

Isaías 18:4

Ajinata ruwaychej, imaraykuchus Tata Dios kay jinata niwan: Ch'inlla kakuspa, tiyakunaymanta qhawamullasaj, imaynatachus inti k'ancharimuspa k'ajarin, ajinata, jinallataj poqoy oqharina p'unchaypi q'oñimojtin chhulla phuyu phuyuykun, ajinata.

Isaías 4:2

Chaywanpis aswan qhepamanqa Tata Diospa ijichisqan manchay k'achitu kanqa. Chantá puchoj israelitakuna jallp'aj poqoyninmanta mayta kusikonqanku, chaynejtataj may uyarisqa kanqanku.

Isaías 60:1

Jerusalén, sayarispa lliphipiriy, imaraykuchus k'anchayniyki chayamunña, Tata Diospa jatun kayninpa lliphipiynintaj pataykipi k'anchashan.

Isaías 60:3

Chantá tukuy suyukuna qanpa k'anchayniykiman jamonqanku, kuraj kamachejkunapis chay k'anchayniykej lliphipiyninpi purenqanku.

Oseas 6:3

Tata Diosta rejsinapaj kallpakunachej. Payqa noqanchejman jamonqapuni, imaynatachus inti sapa p'unchay llojsimunpuni, ajinata, chayrí imaynatachus paray tiempo chayamojtin paraqa jallp'ata qarpanpuni, ajinata.

Oseas 6:5

Chayrayku noqamanta sut'inchajkunanejta mitharparerqaykichej, parlasqaywantaj wañucherqaykichej. Justiciaytaj k'anchay jina sut'ipuni karqa.

Miqueas 5:7

7 (6) Chaypacha Jacobpa ayllunmanta puchojkuna waj suyukunaj chawpinkupi kanqanku, Tata Diospa apachimusqan chhulla jina, chayrí imaynatachus qhora pataman paran, ajina. Parawan, chhullawan chayamun mana runaj munasqanman jinachu.

Malaquías 4:2

2 (3.20) Qankuna noqata kasuwajkunapajrí, justiciay inti jina lliphipipirenqa, chay k'anchaynintaj sumaj kawsayta apamonqa. Chantá qankuna kusiymanta phinkirinkichej, imaynatachus torillokuna corralmanta llojsispa sink'urinku, ajinata.

San Juan 1:7

Payqa chay k'anchaymanta runakunaman willananpaj testigo jina jamorqa, paypa nisqannejta tukuy runakuna chay k'anchayta jap'ikunankupaj.

Deuteronomio 32:2

Yachachisqayqa para jina jich'akamonqa. Yuyasqayqa chhillchi jina urmamonqa, qhora patapi chhulla jina kanqa, ch'iki patapitaj yaku sut'oj jina.

Jueces 5:31

Tata Diosniyku, tukuy awqaykikuna Sísara jina phirisqa kachunku. Qanta munakusojkunataj, imaynatachus chawpi p'unchayta inti k'ancharin, ajinata k'ancharichunku. Ajinata Deborawan, Baracwan Tata Diosman takerqanku. Chaymanta qhepaman Israel suyupi tawa chunka watata, allin kawsakuylla karqa.