2 Samuel 22:3 - DIOSPA QHELQACHISQAN DEUTEROCANONICAL

³ Diosníy, qan kanki pakakunay chhanka, jark'akuwajniytaj. Atiyniykiwan qhespichiwanki, alto patapi sumaj pakakunaytaj kanki. Qanlla mana allin ruwajkunamanta jark'akuwanki.

Qheshwa Biblia DC

³ Diosníy, pakakunay chhanka, jark'akunay, atiyniyoj salvawajníy, aswan patapi kaj pakakunay, aswan patapi kaj ayqeykunay, salvawajníy, Qanlla salvawarqanki sinch'i llakiykunamanta!

DIOSPA QHELQACHISQ

³ Diosníy, qan kanki pakakunay chhanka, jark'akuwajniytaj. Atiyniykiwan qhespichiwanki, alto patapi sumaj pakakunaytaj kanki. Qanlla mana allin ruwajkunamanta jark'akuwanki.

2 Samuel 22:3 ပူးပေါင်းရင်းမြစ်များ

Génesis 15:1

Chaymanta Tata Diosqa Abramman mosqoypi jina parlarqa: Ama manchachikuychu, Abram, imaraykuchus noqa waqaychasojniyki kani. Qanpa t'inkaykeqa may chhikapuni kanqa, nispa.

2 Samuel 22:31

Diospa ñannenqa cheqanmin. Tata Diospa nisqanqa jap'ikunapaj jinapuni. Diosqa paymanta jap'ikojkunata waqaychanpuni.

2 Samuel 22:47

Jatunchasqa kachun Tata Diosqa. Waqaychawajqa saminchasqa kachun. Jatunchasqa kachun kacharichiwaj Diosneyqa.

2 Samuel 22:49

Awqaykunamantapis pay kacharichiwan, contraypi oqharikojkunamantataj aswan pataman churawan. Qan, Tata Dios, maqanakuta mask'aj runakunamanta jark'akuwanki.

2 Samuel 22:51

Qanqa noqa ajllakusqayki kuraj kamachejta may chhika kutita maqanakupi atipacherqanki. Munakuspa noqa Davidta, miraynintawan wiñaypaj waqaychanki, nispa. Ajinata Davidqa Tata Diosta jatuncharqa.

2 Samuel 23:3

Israelpa Diosnin parlarqa, Israelpa waqaychajnintaj niwan: Pichus cheqanta ruwaspa runakunata kamachin, pichus Diosta manchachikuspa kamachej,

Salmos 14:6

Millayta ruwajkunaqa wajcha runakuna imatachus munasqankumanta asikunku. Tata Diosrí wajcha runakunata waqaychanqa.

Salmos 140:1

1 (2) Tata Dios, millayta ruwajkunamanta kacharichiway, kallpanman atinikuspa maqayllata munajkunamantataj jark'away.

Salmos 140:11

11 (12) Nina qallu runaqa ama kay pachapi sayachunchu. Kallpanman atinikuspa runa maqataqa mana allin kaj qhatirichun, chinkachichuntaj.

Salmos 140:4

4 (5) Tata Dios, millayta ruwajkunamanta jark'away. Atiyniyoj kasqankumanta jap'ikuspa maqayllata munajkunamanta waqaychaway, pikunachus noqata misk'achinawankupaj wakichinku, chaykunamanta.

Salmos 142:4

4 (5) Pañanejman kutirikuspa qhawani, manataj pipis yanapaj jamoj kanchu, nitaj pipis noqaman kutikuwaj kanchu. Manallataj pipis noqata qhawariwajqa kanchu.

Salmos 144:2

Paymin manchayta munakuwaj Diosneyqa, jark'awajniytaj, ancha sumaj pakakunay, librawajniy ima. Payqa jark'akuna escudoy jina, pakakunaytaj. Paymin tukuy runata makiyman churawan.

Salmos 18:2

2 (3) Qanmin pakakunay kanki, jark'akuwaj, kacharichiwaj Diosniytaj. Qanmin pakakunay chhanka kanki, jark'akuna escudoytaj. Atiyniyoj qhespichiwajniy kanki, patapi sumaj pakakunaytaj.

Salmos 27:5

Llakiykuna qhatiriwajtin, Tata Dios waqaychawanqa. Templon ukhupi pakawanqa, tiyakunan ukhupi waqaychawanqa, chhanka patamantaj sayaykuchiwanqa.

Salmos 28:7

Tata Diosmin atiyniyoj jark'akuwajneyqa. Paypi tukuy sonqo atinikorqani, paytaj yanapawarqa. Chayrayku sonqoy kusisqa kashan, pachis nispataj, Tata Diosman takisaj.

Salmos 3:3

3 (4) Qantajrí Tata Dios, escudowan jina jark'akuwajniy kanki. Qanqa jatunchawanki, atiyniykiwantaj kallpachawanki.

Salmos 32:7

Qanmin pakakunay kanki. Mana allin kajmanta jark'akuwanki, kacharichiwaspataj, kusiy takiykunawan muyuykuwanki.

Salmos 46:1

1 (2) Diosninchejqa jark'akuwajninchej, kallpanchejtaj. Llakiykuna qhatirishawajtinchej, pay usqhayllata yanapawanchej.

Salmos 46:11

11 (12) Tukuy Atiyniyoj Tata Dios noqanchejwan kashan. Jacobpa Diosnenqa pakakunanchej.

Salmos 46:2

2 (3) Chayrayku kay jallp'a ikhakojtinpis, mama qochaman orqokuna chinkaykushajtinkupis, mana manchachikusunchu.

Salmos 46:7

7 (8) Tukuy Atiyniyoj Tata Dios noqanchejwan kashan. Jacobpa Diosnenqa pakakunanchej.

Salmos 5:12

12 (13) Tata Dios, cheqanta ruwajtaqa qan yanapanki, khuyakuyniykiwantaj jark'akuna escudowan jina payta waqaychanki.

Salmos 55:9

9 (10) Tukuyta Kamachej Dios, awqaykunata chinkachiy, parlayninkutataj pejtuy, imaraykuchus maqanakuta, ch'ajwata ima llajtapi rikuni.

Salmos 59:16

16 (17) Noqarí atiyniykimanta takisaj. Khuyakuyniykimantapis tutamanta takisaj, imaraykuchus qanmin jark'akuwajniy kanki, llakiyniy p'unchaypi pakakunaytaj.

Salmos 61:3

3 (4) Qanmin sinch'i pukara torre jina kanki, awqaymanta pakakunaypaj.

Salmos 71:7

Ashkha runakuna t'ukuspa qhawananku kani, qantajrí sumaj pakakunay kanki.

Salmos 72:14

Payqa ñak'arichispa sarojkunaj makinkumanta wajchakunata kacharichenqa, imaraykuchus paypajqa kawsayninku manchay valorniyojmin.

Salmos 84:11

11 (12) Tata Dios k'anchawanchej, waqaychawanchejtaj. Payqa mana k'amina kawsajkunata munakun, jatunchantaj, tukuy ima allin kajtataj paykunaman qon.

Salmos 84:9

Jark'akuwajniyku Dios, qanpa ajllakusqayki kamachejta allin ñawiwan qhaway.

Salmos 86:14

Diosníy, may kasqankuta yuyakojkunaqa contraypi oqharikuspa, wañuchiwayta munanku. Paykuna mana qanmanta yuyarikunkuchu.

Salmos 9:10

10 (11) Tata Dios, qanta rejsisojkuna qanpi atinikunku, imaraykuchus qan mask'asojkunataqa ni jayk'aj saqerparinkichu.

Salmos 9:9

9 (10) Tata Diosqa ñak'arichisqa runakunata jark'akun, llakiypi rikhurejtinkupis, paykunata mana saqerparinchu.

Éxodo 15:2

Tata Diospaj takipusaj. Payqa kacharichiwajniy, kallpata qowajtaj. Paymin Diosneyqa, payta yupaychasaj. Payqa tataypa Diosnin, payta jatunchasaj.

Proverbios 18:10

Tata Diospa sutenqa sumaj ruwasqa torre jina. Cheqan runakuna chayman ayqespa, sumaj jark'asqa kanku.

Proverbios 30:5

Tata Diospa tukuy nisqanqa cheqapuni. Diosqa paypi atinikojkunata jark'akun.

Isaías 12:2

Diosmin kacharichiwajneyqa. Payllapi noqa atinikuni, manaña ni imamanta manchachikusajchu. Tata Dios kallpachawajneyqa, payllamantapuni takisaj, imaraykuchus paylla atipanaypaj yanapawan.

Isaías 32:2

Chaypacha paykunaqa sapa runapaj wayramanta pakakunapaj jina kanqanku, llojlla para wayramanta pakakunapaj jinataj. Ch'aki jallp'api qarpanapaj larq'a jina kanqanku, jinallataj ch'in pampapi jatun chhankaj llanthun jina.

Isaías 45:21

Qankuna allinta parlaychej. Ruwasqaykichejmanta sumajta rimanakuspa, imatachus ninaykichejta wakichikuychej. Pitaj qallariymantapacha chay imakunata ruwarqari? Pitaj unaymantapacha chay imakunata willanri? Manachu Noqa Tata Dios chay imakunamanta willarqaykichej? Noqamanta jawaqa mana waj dios kanchu. Noqalla cheqanta ruwaj Dios, qhespichejtaj kani. Noqamanta jawaqa manapuni ujpis kanchu.

Jeremías 16:19

Chantá noqa Jeremías nerqani: Tata Dios, qanmin kallpay, waqaychawajniytaj kanki. Ñak'ariypi qanllamin pakakunay kanki. Qanman kay pachaj k'uchunmantapacha jamuspa, nisonqanku: Ñawpa tatanchejkunaj diosninkoqa qhasi manakaj ni imapaj walej dioskunalla kasqanku.

Jeremías 16:9

Noqa Israelpa Diosnin Tukuy Atiyniyoj Tata Dios kayta nini: Noqa kay suyupi raymi takiyninkuta ch'inyachisaj, jinallataj kusikuyninkuta chantá casarakupi takiyninkutapis. Chayqa chay p'unchaykunapi qankunaj rikunaykichej kanqa.

San Lucas 1:47

Espirituytaj mayta kusikun qhespichiwaj Diosniypi.

San Lucas 1:69

Diosqa kamachin Davidpa mirayninmanta atiyniyoj uj qhespichejta kachamuwanchej,

San Lucas 1:71

Kunantaj awqanchejkunamanta kacharichiwasunchej, tukuy chejnikuwajninchejpa makinmantawan.

Deuteronomio 32:37

Chaypacha Tata Diosqa paykunata nenqa: Maypitaj diosniykichejkuna kashanku, jap'ikorqankichej, chay jark'akusojniykichejri?

Deuteronomio 32:4

Payqa pakakunanchej chhanka kashan. Ruwasqanqa mana pantayniyojmin, tukuy ruwasqantaj cheqanmin kashan. Payqa mana llullakoj Dioschu. Payqa cheqanta ruwajmin. Payqa cheqanmin, cheqa kajtaj.

Deuteronomio 33:29

Qanqa Israel, may jina kusikuyniyoj kanki. Pitaj qan jinari? Qantaqa Tata Diosmin qhespichisorqa. Paymin imamantapis jark'akusunki, yanapasunkitaj. Paymin atipachisoj espadaykeqa. Awqaykikunaqa k'umuykuchisqa kanqanku, qantaj jatunchakuyninkuta sarunki, nispa.

Tito 3:4

Chaywanpis maypachachus Qhespichiwajninchej Dios k'acha kayninta, chantá munakuyninta ima rejsicherqa chaypacha, pay qhespichiwarqanchej.

Tito 3:6

Jinallataj Diosqa Qhespichiwajninchej Jesucristonejta mana mich'akuspa Santo Espiritutapis qollawanchejtaj.

Hebreos 2:13

Ujtawan nillantaj: Noqaqa paypi atinikusaj, nispa. Chantá nillantaj: Kaypi kashani, pikunatachus Dios qowarqa, chay wawakunawan khuska, nispa.

1 Samuel 2:1

Chantá Ana Dioswan parlarikuspa, kay jinata nerqa: Tata Diosníy, tukuy sonqoymanta kusikushani, imaraykuchus qanllamin mosoj kallpata qowanki. Chejnikuwajkunaman kutichikuyta atini. Qan yanapawasqaykirayku kusisqa kashani.

1 Samuel 2:2

Tata Diosníy, qan jina llimphupuneqa mana pipis kanchu. Qanmanta jawaqa mana waj kanchu. Mana pipis qan jina waqaychajqa kanchu.