2 Samuel 2:4 - DIOSPA QHELQACHISQAN DEUTEROCANONICAL

⁴ Jinapi Judá jatun ayllumanta runakuna chayamorqanku. Chaypitaj aceitewan umanta jawispa, Davidta churarqanku Judá jatun ayllupi kuraj kamachej kananpaj. Chantá Davidman willarqanku Galaadpi Jabesmanta kajkuna Saulpa ayanta p'ampasqankuta.

Qheshwa Biblia DC

⁴ Chaymantataj Judá ayllumanta runas chayamorqanku. Chaypitaj Davidtaqa aceitewan umanman jich'aspa, ajllarqanku Judá ayllupi reyninku kanampaj. Davidmantaj willarqanku Galaadpi Jabesmanta kajkuna Saulta p'ampasqankuta.

DIOSPA QHELQACHISQ

⁴ Jinapi Judá jatun ayllumanta runakuna chayamorqanku. Chaypitaj aceitewan umanta jawispa, Davidta churarqanku Judá jatun ayllupi kuraj kamachej kananpaj. Chantá Davidman willarqanku Galaadpi Jabesmanta kajkuna Saulpa ayanta p'ampasqankuta.

2 Samuel 2:4 ပူးပေါင်းရင်းမြစ်များ

2 Samuel 19:11

11 (12) Davidtaj tukuy parlasqankuta uyarerqa. Chaypacha Davidqa sacerdote Sadocman, Abiatarman ima kay jinata willacherqa: Qankuna parlaychej Judá jatun ayllumanta kurajkunawan, tapuychejtaj imaraykuchus qhepakushanku kamachinay wasiman mana kutichiwaspa.

2 Samuel 19:42

42 (43) Judá jatun ayllumanta kajkunatajrí israelitakunaman kuticherqanku: Imaraykuchus kuraj kamachejqa noqaykoj qaylla aylluyku. Imaraykutaj chayllamanta phiñakuwajchejri? Noqaykutaqa kuraj kamachejchu mikhuchiwayku, chayrí payqa imatachu noqaykuman qowashayku? nispa.

2 Samuel 2:11

Jinamanta Davidqa Hebrón llajtamanta Judá jatun aylluta qanchis wata sojta killayojta kamacherqa.

2 Samuel 2:7

Kunanqa kallpachakuychej, wapuchakuychejtaj. Saúl wañupunña chaypis, kunanqa kuraj kamachejpaj Judá jatun ayllumanta kajkuna noqata churawanku, nispa.

2 Samuel 21:11

Chantá Davidman willamorqanku Saulpa ujnin warmin, Ayáj ususin Rispá imatachus ruwashasqanta.

2 Samuel 21:12

Chaypacha Davidqa Galaad jap'iypi Jabés llajtaman rispa, Saulpa tullunta, jinataj churin Jonatanpa tulluntapis oqharimorqa. Jabés llajtayojkunaqa aya warkhurayashajta Betsán plazamanta suwamusqanku, maypichus filisteokuna Saulta Gilboapi atipaykuspa warkhusqanku, chaymanta.

2 Samuel 5:17

Maypachachus filisteokuna uyarerqanku Davidqa Israel ayllupi kuraj kamachej churasqa kasqanta chaypacha, tukuyninku Davidwan maqanakunankupaj tantaykukorqanku. Davidtajrí chayta yachaspa, pukaraman yaykorqa.

2 Samuel 5:3

Chaypacha Israelmanta tukuy kurajkuna rerqanku Hebronman kuraj kamachej Davidwan parlaj. Davidtaj Tata Diospa ñawpaqenpi chay kuraj runakunawan uj tratota ruwarqa. Paykunataj Israel suyupi kuraj kamachej kananpaj Davidta umanman aceitewan jawerqanku.

2 Samuel 5:5

Judá aylluta Hebronmanta qanchis wata sojta killayojta kamacherqa. Chaymantataj Jerusalenpi kamacherqa Israel aylluta jinataj Judá ayllutapis kinsa chunka kinsayoj watata.

2 Reyes 11:12

Chantá sacerdote Joyadá kuraj kamachejpa churin Joasta orqhomuytawan, umanman pilluta churarqa, jinataj kuraj kamachej imachus ruwananmanta qhelqasqatawan jaywarqa. Chantá aceitewan umanman jich'aykuspa, kuraj kamachej kananpaj churarqa. Chaymantataj tukuyninku t'ajllarikuspa, qhaparerqanku: Jallalla, jallalla kuraj kamachej, nispa.

1 Crónicas 10:11

Chantá Galaadpi kaj Jabespi tukuy tiyakojkuna, filisteokuna Saulwan imatachus ruwasqankuta uyarerqanku.

1 Crónicas 11:3

Ajinata Israel suyumanta tukuy kurajkuna Hebronman Davidwan parlaj rerqanku, Davidtaj paykunawan Tata Diospa ñawpaqenpi uj tratota ruwarqa. Chantá paykunaqa Davidta aceitewan jawispa, Israel suyupi kuraj kamachej kananpaj churarqanku, Samuelnejta Tata Dios nisqanman jina.

1 Crónicas 12:23

David Hebrón llajtapi kashajtin, maqanakupaj sumaj wakichisqa soldadokuna rerqanku, Tata Diospa nisqanman jina Saulpa cuentanmanta Davidta kuraj kamachej kananpaj churanankupaj. Chayman rejkuna karqanku:

1 Samuel 16:13

Chaypacha Samuelqa aceiteyoj wajrata jap'ispa, wawqenkunaj rikunanta Davidpa umanman jich'aspa jawiykorqa. Chaymantapachataj Tata Diospa Espíritun Davidman jamorqa. Chantá Samuelqa Ramá llajtaman kutiporqa.