2 Juan 1:3 - DIOSPA QHELQACHISQAN DEUTEROCANONICAL

³ Tata Diosmanta, paypa Churin Jesucristomantawan qhasilla k'acha yanapaynin, khuyakuynin, chantá sonqo tiyaykuynin ima qankunawan kachun. Ajina kachun, pikunachus cheqa kajman jina munakuspataj kawsakushankichej, chaykunawan.

Qheshwa Biblia DC

³ Qankunawan kachun yanapay, khuyakuy, sonqo tiyakuy, Dios Tatamanta, Tataj Churin Jesucristomantawan, cheqapi, munakuypi ima.

DIOSPA QHELQACHISQ

³ Tata Diosmanta, paypa Churin Jesucristomantawan qhasilla k'acha yanapaynin, khuyakuynin, chantá sonqo tiyaykuynin ima qankunawan kachun. Ajina kachun, pikunachus cheqa kajman jina munakuspataj kawsakushankichej, chaykunawan.

Quechua South Bolivia: Dios Parlapawanchej

³ Ajinata causananchej tiyan munacuywan, Diospa cheka niskanta casuspa. Chaynejtataj Dios Tatanchejka Wawan Jesucristowan may sumajta yanapawanchej, qhuyawanchej, tucuy runaswantaj allillanta causachiwanchej.

2 Juan 1:3 ပူးပေါင်းရင်းမြစ်များ

Zacarías 8:19

Judajpa miraynin tawa kaj killapi, phishqa kajpi, qanchis kajpi, jinataj chunka kaj killapi ayunasqankoqa paykunapaj kusiyman tukonqa, uj raymi jinataj kanqa. Chayrayku munakuychej ari cheqan kajta, allinpi kawsakuytapis, nispa.

Romanos 1:7

Noqa kay cartata Roma llajtapi Diosta qhatejkunaman apachimuykichej. Qankunaqa Diospa munakusqan kankichej, Diospaj t'aqasqa kanaykichejpaj wajyasqataj. Kunantaj napaykuykichej: Tata Diosninchejpa, chantá Tukuyta Kamachej Jesucristojta qhasilla k'acha yanapayninku, sonqo tiyaykuyninku ima qankunawan kachun.

Gálatas 5:6

Cristo Jesuspi atinikusqanchejrayku circuncidasqa kay chayrí mana circuncidasqa kaypis mana ni imapi yanapawanchejchu. Aswanqa Jesucristopi atinikuylla valen, chaytaj wajkunata munakuyta yanapawanchej.

1 Timoteo 1:14

Chantá Tukuyta Kamachej Diosninchej qhasilla k'acha yanapayninwan may jinatapuni yanapawarqa. Jinallataj Cristo Jesusnejta paymanta jap'ikuyta, jinataj munakuyta ima Dios yanapallawarqataj.

1 Timoteo 1:2

Timoteo, kay cartata qhelqaspa, qanman apachimuyki, imaraykuchus qanqa Diosta qhatikuypi waway jina kanki. Tata Diosninchej, chantá Tukuyta Kamachej Cristo Jesusninchej ima qhasilla k'acha yanapayninkuta, khuyakuyninkuta, chantá sonqo tiyaykuyninkuta ima qanman qosuchunku.

2 Timoteo 1:13

Qanrí, noqamanta cheqan yachachiyta uyarisqaykiman jina puriy. Chaytataj ruway Diospi atinikuspa, chantá wajkunata munakuspa ima, Jesucristoman ujchasqa kasqanchejman jina.

1 Juan 4:10

Cheqatapuni munakunaqa ajinamin: Mana noqanchejchu Diosta munakorqanchej, manachayqa Diosmin munakuwarqanchej. Chayrayku pay Churinta kachamorqa wañusqannejta juchanchejta pampachananpaj.

2 Juan 1:1

Noqa iglesiapi kuraj kaj jina kay cartata ajllasqa mamaman, chantá wawankunaman ima qhelqaspa apachini, pikunatachus cheqatapuni munakuni, chaykunaman. Mana noqallachu paykunata munakuni, manachayqa cheqa kajta tukuy jap'ikojkunapis munakullankutaj.