1 Samuel 7:17 - DIOSPA QHELQACHISQAN DEUTEROCANONICAL

¹⁷ Chaymantataj Ramá llajtaman kutimpoj, chaypi wasin kasqanrayku. Chaymantapachataj israelitakunata juez jina kamacherqa. Chayllapitaj Tata Diospaj uj altarta ruwaporqa.

Qheshwa Biblia DC

¹⁷ Chaymantaqa Ramá llajtaman kutimpoj, chaypi wasin kasqanrayku, chaymantapachataj israelitasta kamacherqa. Chaypitaj Señorpaj uj altarta sayaricherqa.

DIOSPA QHELQACHISQ

¹⁷ Chaymantataj Ramá llajtaman kutimpoj, chaypi wasin kasqanrayku. Chaymantapachataj israelitakunata juez jina kamacherqa. Chayllapitaj Tata Diospaj uj altarta ruwaporqa.

1 Samuel 7:17 ပူးပေါင်းရင်းမြစ်များ

Génesis 33:20

Jinataj, uj altartapis chaypi ruwallarqataj, suticharqataj: “Diosqa Israelpa Diosnin”, nispa.

Génesis 35:7

Chaypitaj Jacob altarta ruwarqa, chantá chay cheqata “El Betel”, nispa suticharqa. Ajinata chay cheqata suticharqa imaraykuchus wawqen Esaumanta ayqekushajtin, chay cheqanejpi Dios payman rikhurisqa.

Isaías 10:29

Wayq'onta rispataj, Gebapi jarakunku. Ramá llajtaqa maytapuni manchachikuspa kharkatitin, Saulpa llajtan Gabaapi tiyakojkunapis llojsispa, ayqenku.

Jueces 4:5

Deboraqa uj palma sach'a urapi tiyakuyman yachasqa karqa. Chay sach'aqa Efraín jatun aylloj orqorara jallp'anpi karqa, Ramá llajta Betel llajtawan tinkuypi. Chay sach'ata “Déboraj Palma Sach'an” nej kanku, israelitakunataj payman rej kanku justiciata mask'aspa.

Jueces 6:24

Chaypi Gedeonqa Tata Diospaj uj altarta ruwaporqa, suticharqataj: “Tata Diosmin Sonqo Tiyaykoyqa”, nispa. Chay altarqa Abiezerpa ayllun ukhupi Ofrá llajtapi kunankama kashallanrajpuni.

1 Samuel 1:1

Efraín jatun aylloj jap'iyninpa orqorara cheqapi, Ramá llajtapi uj runa Elcana sutiyoj tiyakorqa. Payqa Jeroanpa churin karqa, jinataj Eliujpa allchhin. Eliujpa tatantaj Tohu karqa, paytaj Sufpa churin. Tukuy paykunaqa Efraín jatun ayllumanta karqanku.

1 Samuel 1:19

Q'ayantin paqarin tutamanta, Elcanawan, wasi ayllunwan ima Tata Diosta yupaychaytawankama, Ramapi wasinkuman kutiporqanku. Chay qhepatataj Elcanaqa warmin Anawan puñuykorqa, Tata Diostaj Anaj mañakusqanmanta yuyarikorqa.

1 Samuel 11:15

Chayrayku tukuynin israelitakuna Gilgal llajtaman kachaykukorqanku, chaypitaj Tata Diospa ñawpaqenpi Saulta kuraj kamachejninkuta jina tiyaykucherqanku. Chantá Tata Diosman allinyakuy jaywanata jaywarqanku. Saulwan, israelitakunawantaj mayta kusikorqanku.

1 Samuel 14:35

Saultaj Tata Diospaj uj altarta ruwaporqa. Chayqa ñawpaj kaj ruwasqan altar karqa.

1 Samuel 15:34

Chaymanta Samuelqa Ramá llajtaman riporqa. Saultaj Gabaa llajtapi wasinman kutiporqa.

1 Samuel 2:11

Chantá Elcanaqa Ramá llajtapi wasinman kutiporqa. Wawatajrí Elí sacerdotej kamachisqanman jina, Tata Diospaj llank'anapi qhepakorqa.

1 Samuel 28:3

Samuelqa ña wañupusqaña, tukuy israelitakunataj wañupusqanmanta waqasqanku. Chantá Ramá llajtanpi ayanta p'ampamusqanku. Jinallataj Saulqa Israel suyumanta tukuy yatirikunata, aysirikunata ima wijch'usqaña.

1 Samuel 8:4

Chayrayku Israel suyumanta kurajkuna tantaykukuspa, Ramá llajtaman Samuelwan parlaj rerqanku.

1 Samuel 9:12

Paykunataj kuticherqanku: Arí, payqa aswan jaqaypiraj kashan. Usqhayllata riychej. Kunallan kay llajtaman chayamun, imaraykuchus paykunaqa kunan p'unchay orqo patapi Tata Diosman uywa ñak'aspa q'olachinata jaywanqanku, nispa.