1 Samuel 7:10 - DIOSPA QHELQACHISQAN DEUTEROCANONICAL

¹⁰ Samuel ñak'asqan corderitota Tata Diospaj q'olachishajtin, filisteokunaqa israelitakunawan maqanakunankupaj chayamorqankupacha. Jinallapi Tata Diosqa sinch'i qhon qhonkunata filisteokunaj patankuman kachaykamuspa, paykunata mayta mancharicherqa. Jinamanta paykunaqa israelitakunawan atipachikorqanku.

Qheshwa Biblia DC

¹⁰ Maypachachus Samuelqa chay rikuchikuta Señorpaj ruphachishajtin, filisteosqa israelitaswan maqanakunankupaj chayamorqankupachaña. Chaypacha Señorqa sinch'i qhon qhonkunata filisteospa patanman nichimorqa; paykunata mayta mancharicherqa. Jinamanta paykunaqa israelitaswan atipachikorqanku.

DIOSPA QHELQACHISQ

¹⁰ Samuel ñak'asqan corderitota Tata Diospaj q'olachishajtin, filisteokunaqa israelitakunawan maqanakunankupaj chayamorqankupacha. Jinallapi Tata Diosqa sinch'i qhon qhonkunata filisteokunaj patankuman kachaykamuspa, paykunata mayta mancharicherqa. Jinamanta paykunaqa israelitakunawan atipachikorqanku.

1 Samuel 7:10 ပူးပေါင်းရင်းမြစ်များ

Salmos 18:15

15 (16) Tata Diosníy, qanmin mama qochata k'amerqanki, phiñakusqaykiraykutaj mama qochaj pampan rikhurerqa. Phiñakuspa phukusqaykiwan kay pachaj tejsinpis q'alalasqa rikhurillarqataj.

Salmos 29:3

Tata Diospa parlasqanqa mama qocha patapi uyarikun. Jatun Atiyniyoj Diospa parlasqanqa illapaj t'ojyasqanta jina uyarikun. Tata Dios mama qocha patapi kashan.

Salmos 29:4

Tata Diosqa jatunmanta qhaparin, paypa parlasqantaj may jina atiyniyojmin.

Salmos 78:66

Diosqa awqankunata atipaykuspa ayqecherqa, p'enqaypitaj wiñaypaj rikhuricherqa.

Zacarías 4:6

Chantá chay ángel willawarqa: Kayqa Tata Diosmanta uj willay Zorobabelpaj: Atipanaykipaj noqa mana soldadokunawanchu, nitaj runaj kallpawanchu yanapasqayki. Manachayqa Espirituywanmin atipachisqayki, nispa nin Tukuy Atiyniyoj Tata Dios.

Deuteronomio 28:7

Tata Diosqa tukuy awqaykita atipanaykipaj yanapasonqa. Paykunaqa uj ñannejllata maqanakoj jamusonqanku, chantá maynintachus ayqenankuta mana yachaspa ayqenqanku.

Josué 10:10

Tata Diostaj amorreokunata maytapuni musphacherqa, Israel soldadokunata rikusqankurayku. Ajinata Josueqa soldadonkunawan khuska Gabaonpi ashkha amorreo soldadokunata wañucherqanku. Chaymantaqa Bet Joronman wicharej ñannejta paykunata qhatiykorqanku, chantá Azecakama, Macedakama ima amorreokunata wañuchispa rillarqankupuni.

Jueces 4:15

Maqanakuman yaykojtinkukamataj, Tata Diosqa pawiracherqa Sísaraj soldadonkunata, jinallataj carretakunapi kajkunatapis. Sisarapis carretanmanta urayk'uspa, chakipi ayqekorqa.

Jueces 5:20

Janajmantapacha ch'askakunapis Sísaraj contranpi maqanakorqanku.

Jueces 5:8

Israelitakuna waj dioskunata ajllakojtinkoqa, llajta punkunejpi maqanakoqa kallarqapuni. Tawa chunka waranqa israelitakuna ukhupeqa mana karqachu ni uj jark'akuna escudo, nitaj uj t'ojsina lanzallapis.

1 Samuel 12:17

Kunan trigo oqharina tiempo kashan, manataj paray tiempochu, icharí? Chaywanpis noqa Tata Diosmanta mañasaj, paytaj kachaykamonqa qhon qhonkunata. Paratapis parachimonqa, qankuna yachanaykichejpaj, reparanaykichejpajtaj kuraj kamachejta mañakuspa, Tata Diospa contranpi juchallisqaykichejta, nispa. Ajinata Samuel israelitakunata k'amerqa.

1 Samuel 14:15

Chayrayku filisteokuna ukhupi jarapi kashajkuna, jinataj jawapi kashajkunapis mayta mancharikorqanku. Ajinallatataj jatun tropamanta kaj soldadokunapis wateqaj llojsisqanku, chaykunapis mancharillarqankutaj. Chantá chaypachapuni jallp'apis ikhakorqa, chayraykutaj filisteokunaqa manchay mancharisqa kasharqanku.

1 Samuel 2:10

Tata Diosqa awqankunata phirenqa. Janaj pachamantapacha paykunaj patankuman qhon qhonkunata kachaykamonqa. Tata Dioslla tukuy kay pachata juzganqa. Paypis kuraj kamachejninta kallpachanqa, ajllakusqantataj aswan atiyniyojta ruwanqa, nispa.

1 Samuel 7:11

Chantá israelitakunaqa usqhayllata Mispamanta llojsiytawan, filisteokunata atipaykuspa, Bet Car llajtamanta aswan urakama qhatiykorqanku.