1 Samuel 6:5 - DIOSPA QHELQACHISQAN DEUTEROCANONICAL

⁵ Chayrayku llajtaykichejta tukuchishanku, chay ch'upuman rijch'akojta, chantá juk'uchaman rijch'akojkunata ruwaychej. Ajinata Israelpa Diosninta jatunchankichej. Ichapis payqa qankunata, diosniykichejkunata, jinataj jallp'aykichejtapis manaña jasut'inmanchu.

Qheshwa Biblia DC

⁵ Chayrayku ruwaychej llajtaykichejta tukuchishanku chay ch'upusman rijch'akojkunata, chanta juk'uchasman rijch'akojkunatapis. Israelpa Diosnintataj jatunchaychej, ichapis pay saqenman jasut'iyta diosniykichejta, jinataj jallp'aykichejtapis.

DIOSPA QHELQACHISQ

⁵ Chayrayku llajtaykichejta tukuchishanku, chay ch'upuman rijch'akojta, chantá juk'uchaman rijch'akojkunata ruwaychej. Ajinata Israelpa Diosninta jatunchankichej. Ichapis payqa qankunata, diosniykichejkunata, jinataj jallp'aykichejtapis manaña jasut'inmanchu.

1 Samuel 6:5 ပူးပေါင်းရင်းမြစ်များ

1 Crónicas 16:28

Tukuy suyumanta ayllukuna, Tata Diosta yupaychaychej atiyniyoj kasqanmanta, jatun kayninmantataj jatunchaychej.

1 Crónicas 16:29

Tata Diosman may yupaychana sutinmanta jatunchaychej. Paypa ñawpaqenman jaywanaykichejwan jamuychej. K'achitu lliphipirishaj wasinpi Tata Diosta yupaychaychej.

Salmos 18:44

44 (45) Uyariwaytawan, paykuna usqhayta kasuwanku. Waj llajtayojkunapis manchayta jatunchawanku.

Salmos 32:4

Qan tuta p'unchay jasut'ispa ñak'arichiwarqanki. Q'oñi tiempopi qawisqa t'ika jina kallpay pisiyawarqa.

Salmos 39:10

10 (11) Karunchay noqamanta jasut'iyniykita, imaraykuchus makiykej maqasqanwan tukukushaniña.

Salmos 66:3

Diosta niychej: Ruwasqaykeqa manchay t'ukunapaj jina. Jatun atiyniykirayku awqaykikuna ñawpaqeykipi k'umuykonqanku.

Éxodo 12:12

Chay ch'isi noqaqa tukuy Egipto suyuta pasasaj, chantá Egipto llajtayojkunaj tukuy kuraj kaj churinkunata, jinallataj tukuy uywankukunaj phiwi uñantapis wañuchisaj. Ajinata ruwaspa, Egiptoj tukuy diosninkunata castigasaj. Noqa Tata Diosmin chayta nini.

Éxodo 8:17

17 (13) Paykunataj ajinata ruwarqanku. Aaronqa varanta oqharispa, pampata wajtarqa. Jallp'ata wajtasqantaj usaman tukorqa. Chay usakunataj runata, uywata ima khanirarqa. Tukuynin Egiptopi jallp'aqa usaman tukorqa.

Éxodo 8:24

24 (20) Ajinata Tata Dios ruwarqa. Tukuy imaymana ch'uspi laqhayarishaj phuyu jina aywirimuspa, faraonpa kamachinan wasiman, yanapajninkunaj wasinkuman, chantá tukuy Egipto suyuman junt'aykorqanku. Chay ch'uspikunataj Egipto suyuta sonqo nanayman tukucherqanku.

Éxodo 8:5

5 (1) Chaymanta Tata Dios Moisestañataj nerqa: Aaronta niy mayukunaman, wayq'okunaman, chantá yaku qochakunaman ima varanta oqharinanta, chaykunamanta ashkha k'aylankulakuna llojsimuspa, tukuynin Egipto suyuman junt'aykunankupaj, nispa.

Isaías 19:1

Isaías Egipto suyoj contranpi sut'inchaspa, kay jinata nerqa: Qhawariychej, Tata Diosqa Egiptoman phuyu patapi usqhayta jamushan. Chantá Egiptopi kaj lantikuna payta rikuytawan, kharkatitenqanku, Egiptomanta runakunataj maytapuni mancharikonqanku.

Isaías 42:12

Tata Diosta jatunchaychej. Mama qocha kantupi llajtakunapis, payta yupaychaychej.

Jeremías 13:16

Tata Diosniykichejta jatunchaychej, manaraj laqhayayta apachimushajtin, laqhayaykojtintaj montepi misk'awajchej. Qankunaqa k'anchayta suyashankichej, paytajrí chay k'anchayta tuti laqhaman tukuchenqa.

Jeremías 3:13

Millay juchayoj kasqaykita reparakuy. Noqa Tata Diospa contrayta oqharikusqaykita, mana rejsisqayki qharikunawan tukuy thansarara sach'a urapi khuchichakusqaykita, kamachisqayta mana kasusqaykita ima reparakuy. Rimariy kamachisqayta mana kasusqaykita. Noqa Tata Diosmin chayta nini.

Joel 2:25

Tata Dios nin: Noqa qankunaj contraykichejpi chajraykichejta tukuykunankupaj kachamorqaykichej soldadokunata jina may chhika phinki phinkikunata. Chaywanpis imatachus mikhukapusqankuta kutichipusqaykichej.

Jonás 3:9

Ichapis Dios imatachus nisqanta manaña ruwanmanchu, k'araj phiñakuynintaj tiyaykunman, jinamanta mana wañunanchejpaj, nispa.

Malaquías 2:2

Sichus mana kasuwankichej, nitaj sutiytapis tukuy sonqo jatunchankichej chayqa, imawanchus samincharqaykichej, chayllawantaj maldicisqaykichej. Chaykunatataj maldiciniña, imaraykuchus sonqoykichejpi mana munankichejchu noqata jatunchawayta. Ajinata noqa Tukuy Atiyniyoj Tata Dios niykichej.

Números 33:4

Chaykamataj Egipto llajtayojkunaqa Tata Dios tukuy kuraj kaj churinkuta wañurachisqanta p'ampasharqanku. Chayta ruwaspataj, Tata Dios Egipto llajtayojkunaj diosninkuta p'enqaypi rikhuricherqa.

San Juan 9:24

Chantá judiokunaj kurajninkukuna, pichus ñawsa karqa, chay runata ujtawan wajyaspa, nerqanku: Diospa ñawpaqenpi cheqanta parlay. Noqayku yachayku chay runaqa juchasapa kasqanta, nispa.

Josué 7:19

Chantá Josueqa Achanta nerqa: Wawáy, Israelpa Tata Diosninta jatunchaspa, imatachus ruwasqaykita ama pakaspa sut'inta willaway, nispa.

Apocalipsis 11:13

Chantá chay kikinpacha manchay jallp'a ikhakuy kanqa, Jerusalén llajta chunkaman t'aqasqamanta ujnin kaj t'aqataj thuñiykukonqa. Jallp'a ikhakusqanraykutaj 7.000 runakuna wañuranqanku, kawsashaj qhepakojkunataj mancharikuspa, janaj pachapi kaj Diosta jatunchanqanku.

Apocalipsis 14:7

Chantá jatunmanta parlaspa, nerqa: Diosta manchachikuychej, sutintataj jatunchaychej, imaraykuchus juzganan p'unchay chayamunña. Pichus janaj pachata, kay pachata, mama qochata, yaku juturikunata ima ruwajta yupaychaychej ari, nispa.

Apocalipsis 16:9

Runakunaqa intej sinch'i k'ajasqanwan rupharasqa karqanku. Chaywanpis paykuna mana Diosman kutirikorqankuchu, nitaj payta jatuncharqankuchu. Aswanpis Diospaj millayta rimarqanku, pichus chay ñak'ariykunata apachimunanpaj atiyniyoj karqa, chaypaj.

1 Samuel 5:11

Ecrón llajtayojkunaqa tukuyninku maytapuni mancharikorqanku, Dios paykunata sinch'ita jasut'isqanrayku. Chayrayku filisteokunaj kurajninkukunata wajyachimuspa, nerqanku: Israelitakunaj Diosninkoj arcanta kaymanta apakapuychej. Kutichipuychejtaj maymantachus apamorqankichej, chayman, ama tukuyninchejta wañuchinawanchejpaj, nispa.

1 Samuel 5:9

Chayman apasqankutawantajrí Tata Diosqa Gat llajtapi tukuy tiyakojkunata maytapuni mancharicherqa. Jatunta, juch'uyta, tukuytapuni ch'upu onqoywan ñak'aricherqa.

1 Samuel 6:8

Chantá Tata Diospa arcanta carretaman churaykuychej, ladonmantaj uj cajonpi, imakunatachus qorimanta ruwasqata juchaykichejmanta qonkichej, chaykunata churaykuychej. Chantá wakakunaj aysasqanku carreta payllamanta puririnanta saqenkichej.