1 Samuel 5:3 - DIOSPA QHELQACHISQAN DEUTEROCANONICAL

³ Q'ayantin paqarintajrí Asdodpi tiyakojkuna chayamuspa, rikorqanku diosninku Dagonta pampaman k'umpusqata Tata Diospa arcanpa ñawpaqenpi. Chantá Dagonta oqharispa, maypichus kananman churaykapullarqankutaj.

Qheshwa Biblia DC

³ Q'ayantin paqarintaj Asdodmanta kajkuna chayamuspaqa rikorqanku chay dios Dagonta pampaman k'umpusqata Diospa trato cajonnimpa ñaupaqempi. Chaypacha Dagonta oqharispa churaykapullarqankutaj maypichus kananman.

DIOSPA QHELQACHISQ

³ Q'ayantin paqarintajrí Asdodpi tiyakojkuna chayamuspa, rikorqanku diosninku Dagonta pampaman k'umpusqata Tata Diospa arcanpa ñawpaqenpi. Chantá Dagonta oqharispa, maypichus kananman churaykapullarqankutaj.

1 Samuel 5:3 ပူးပေါင်းရင်းမြစ်များ

1 Reyes 18:26

Paykunaqa ujnin torota jap'iytawan, ñak'arqanku. Chantá chawpi p'unchaykama Baalmanta mañakorqanku: Baal, uyariwayku, nispa. Manataj ima parlayllapis uyarikorqachu, nitaj kutichejpis karqachu. Chaykama paykunaqa ruwasqanku altarpa muyuyninpi phinkiykachaspa tususharqanku.

Salmos 115:7

Jinallataj lantikunaqa makiyoj kanku, manataj imatapis llujchinkuchu. Chakiyoj kanku, manataj purinkuchu, simiyoj kashaspapis, mana parlarinkuchu.

Salmos 97:7

Lantikunata yupaychajkuna p'enqaypi rikhurichunku, pikunachus lantinkurayku runaykachanku, chaykuna. Tukuy dioskunapis Tata Diospa ñawpaqenman k'umuykullachunkutaj.

Éxodo 12:12

Chay ch'isi noqaqa tukuy Egipto suyuta pasasaj, chantá Egipto llajtayojkunaj tukuy kuraj kaj churinkunata, jinallataj tukuy uywankukunaj phiwi uñantapis wañuchisaj. Ajinata ruwaspa, Egiptoj tukuy diosninkunata castigasaj. Noqa Tata Diosmin chayta nini.

Isaías 19:1

Isaías Egipto suyoj contranpi sut'inchaspa, kay jinata nerqa: Qhawariychej, Tata Diosqa Egiptoman phuyu patapi usqhayta jamushan. Chantá Egiptopi kaj lantikuna payta rikuytawan, kharkatitenqanku, Egiptomanta runakunataj maytapuni mancharikonqanku.

Isaías 40:20

Wajcha runaqa mana chay jina lantita ruwayta atispa, mana mullphaj k'ulluta oqharikun. Chaymantataj lantita sumaj ruwayta yachajta mask'an, chay k'ulluta llajllaspa sinch'ita sayaj lantita ruwapunanpaj.

Isaías 41:7

K'achanchanata ruwayta yachajqa qorita unuyachejta yanapan, martillowan llusk'achajpis yunquepi wajtajta yanapallantaj: Kay t'inkichisqanchejqa allillan, nispa. Chaymantataj lantita sumajta clavowan jap'iykuchinku, ama kuyunanpaj.

Isaías 46:7

Lijrariykukuytawan, chay lantita apanku, maypichus kananmantaj churanku. Chaypitaj mana kuyurispa kakullan. Paymanta qhaparispa mañakunku, manataj uyarinchu, nillataj llakiyninkumantapis kacharichinchu.

Jeremías 10:8

Lantikunata yupaychajkunarí wampu kanku, manataj uj chhikan yuyayninkupis kanchu. K'ullumanta ruwasqa lanteqa mana imatapis yachachiyta atinchu.

Sofonías 2:11

Kay pachapi tukuynin lantikunata chinkachispa, Tata Dios chay runakunata manchayta mancharichenqa. Chaymantataj tukuynejpi paylla yupaychasqa kanqa. Mama qocha churukunapi tiyakojkunapis payta yupaychanqanku.

Marcos 3:11

Runakunapi kaj millay supaykunapis Jesusta rikuytawan, ñawpaqenman choqakuspa, qhaparej kanku: Qanqa Diospa Churin kanki, nispa.

1 Samuel 6:1

Tata Diospa arcanqa qanchis killata Filisteokunaj suyunpi karqa.

1 Samuel 6:5

Chayrayku llajtaykichejta tukuchishanku, chay ch'upuman rijch'akojta, chantá juk'uchaman rijch'akojkunata ruwaychej. Ajinata Israelpa Diosninta jatunchankichej. Ichapis payqa qankunata, diosniykichejkunata, jinataj jallp'aykichejtapis manaña jasut'inmanchu.