1 Samuel 4:5 - DIOSPA QHELQACHISQAN DEUTEROCANONICAL

⁵ Tata Diospa arcanta jaraman chayachimojtinkutaj, tukuy israelitakuna kusiywan sinch'ita qhaparerqanku. Sinch'ita qhaparisqankoqa jallp'ata kharkatiticherqa.

Qheshwa Biblia DC

⁵ Jaraman chayachimojtinkutaj Señorpa trato cajonnintaqa, tukuy imata israelitas qhaparerqanku sinch'i kusiywan jallp'ata kharkatichinankukama.

DIOSPA QHELQACHISQ

⁵ Tata Diospa arcanta jaraman chayachimojtinkutaj, tukuy israelitakuna kusiywan sinch'ita qhaparerqanku. Sinch'ita qhaparisqankoqa jallp'ata kharkatiticherqa.

1 Samuel 4:5 ပူးပေါင်းရင်းမြစ်များ

2 Samuel 15:24

Sadocpis Diospa arcanta apajkuna levitakunawan khuska rillarqataj. Chantá Abiatarpa ladonman arcata saqerqanku tukuy runakuna llajtamanta llojsinankukama.

1 Reyes 1:40

Chaymantaqa tukuyninku kuraj kamachej Salomonpa qhepanta putututa waqachispa rerqanku. May jatun kusiywan ch'ajwarispa, jallp'atapis kuyurichej jinapuni karqanku.

Job 20:5

Millayta ruwaspa purejpa kusikuynenqa mana unaypajchu kashan, kusikuynenqa askamalla tukukapun.

Jeremías 7:4

Ama atinikuychejchu q'otiyajkunaj nisqankupi. Paykuna nisunkichej: Tata Diospa Templon kaypi kasqanrayku, Dios kay llajtata mana chinkachenqachu, nispa.

Amós 6:3

Qankunaqa llakiy p'unchay kananta karunchayta munankichej. Chaywanpis kallpaman atinikuspa ñak'arichiy kawsayta aysamushankichej.

Miqueas 2:11

Sichus pi ch'awkiyaspa, llullakuspataj nisunkichej: Tata Diosqa vinotawan, licortawan qosonqachej nispa, chayqa, chay runamari qankunapaj sumaj sut'inchaj kanman.

Josué 6:20

Chantá sacerdotekunaqa pututunkuta waqacherqanku, soldadokunataj jatunmanta qhaparerqanku. Israelitakunapis pututu waqasqanta uyariytawan, kunkankoj atisqanta qhapariyta qallarerqanku. Chantá ujllata llajtaj perqan loqhekuspa urmaykorqa. Chaymantataj sapa soldado cheqanta llajtaman phinkiykorqapacha, ajinamantataj Jericó llajtata jap'erqanku.

Josué 6:5

Maypachachus qankuna carnero wajramanta putututa unayta waqajta uyarinkichej chayqa, tukuy kallpawan qhapariychej, llajtaj perqankunataj ujllata thuñirparikonqanku. Chaymantataj sapa ujniykichej maypichus kashasqaykichejmanta cheqanta llajtaman phinkiykuychej, nispa.

Jueces 15:14

Judamanta kajkunaqa Sansonta Lehiman chayachimojtinkutaj, filisteokuna kusiywan qhaparqachaspa, payta taripaj llojserqanku. Chantá Tata Diosqa Espiritunwan watej Sansonta kallpacharqa. Sansontaj makinpi chay watasqa lino waskhata p'itirarqa, phunu q'aytupis kanman jinata.

1 Samuel 4:6

Israelitakunaj sinch'ita qhaparisqankuta uyarispa, filisteokuna tapukorqanku: Imaraykutaj hebreokunaj jarankupi sinch'i ch'ajwa tiyanri? nispa. Chantá israelitakuna Tata Diospa arcanta apamusqankuta yacharqanku.