1 Samuel 4:4 - DIOSPA QHELQACHISQAN DEUTEROCANONICAL

⁴ Jinaspa, israelitakunaqa uj t'aqa soldadokunata Silo llajtaman kacharqanku, querubín sutiyoj angelkunaj chawpinpi tiyakoj Tukuy Atiyniyoj Tata Diospa arcanta apamunankupaj. Chantá Elí sacerdotej churinkuna Jofní, chantá Finespis Diospa arcanwan khuska rerqanku.

Qheshwa Biblia DC

⁴ Israelitas kacharqanku uj t'aqa soldadosta Silomanta apamunankupaj Tukuy Atiyniyoj Señorpa trato cajonninta, Payqa tiyakun querubines nisqa angelespa patampi. Eléj wawasnin Ofni, chanta Fineespis apaysimorqanku Diospa trato cajonninta.

DIOSPA QHELQACHISQ

⁴ Jinaspa, israelitakunaqa uj t'aqa soldadokunata Silo llajtaman kacharqanku, querubín sutiyoj angelkunaj chawpinpi tiyakoj Tukuy Atiyniyoj Tata Diospa arcanta apamunankupaj. Chantá Elí sacerdotej churinkuna Jofní, chantá Finespis Diospa arcanwan khuska rerqanku.

1 Samuel 4:4 ပူးပေါင်းရင်းမြစ်များ

2 Samuel 15:24

Sadocpis Diospa arcanta apajkuna levitakunawan khuska rillarqataj. Chantá Abiatarpa ladonman arcata saqerqanku tukuy runakuna llajtamanta llojsinankukama.

2 Samuel 6:2

Jinaspataj, Judá jap'iypi chay Baalá llajtamanta purirerqanku Davidwan, tukuy runankunawan, Diospa arcanta apamunankupaj. Arcaqa Tukuy Atiyniyoj Tata Diospa sutinwan sutichasqa karqa. Payqa arcapi querubinkuna chawpipi tiyakushan.

2 Reyes 19:15

Chantá payqa Tata Diosmanta ajinata mañakorqa: Israelpa Tata Diosnin, querubinkunaj chawpinkupi tiyakoj, qanllamin kay pachapi tukuy suyoj Diosnin kanki. Qanlla janaj pachata, kay pachatawan ruwarqanki.

Salmos 80:1

1 (2) Israelta michej Dios, uywariwayku. Qanqa José aylluta ovejata jina pusaykachanki, kamachinayki tiyanataj querubinkunaj chawpinkupi kashan.

Salmos 80:2

2 (3) Kunan Efrainpa, Benjaminpa, Manasespa ñawpaqenpi ima atiyniykita rikuchiy ari, qhespichejtaj jamuy.

Salmos 99:1

Tata Diosqa Kuraj Kamachej. Tukuy runataj kharkatichunku, imaraykuchus paypa kamachinan tiyanaqa querubinkunaj chawpinkupi kashan. Kay pacha kharkatitichun.

Isaías 37:16

Tukuy Atiyniyoj Tata Dios, Israelpa Diosnin, querubinkunaj chawpinkupi tiyakoj Dios, kay pachapi kaj chhika suyukunaj Diosninku. Qanmin ruwarqanki janajta, kay pachatawan.

Malaquías 1:9

Sacerdotekuna, Diosmanta mañakuychej khuyasunaykichejta. Chaywanpis, sichus chay jina ofrendata payman jaywankichej chayqa, ama yuyaychejchu Dios uyarinasuykichejta. Noqamin Tukuy Atiyniyoj Tata Dios chayta nini.

Números 4:15

Maypachachus Aaronwan, churinkunawan ima tukuy chaykunata q'epichayta tukojtinku, jinataj puririnapaj jinaña kashajtinku, Coatpa churinkuna tukuy chaykunata apanankupaj jamonqanku. Chaywanpis paykunaqa Diospaj t'aqasqa imakunata ama llankhanqankuchu. Sichus llankhanqanku chayqa, wañonqanku. Ajinata Dioswan Tinkukuna Toldoj imankunata Coatpa churinkuna apanqanku.

Números 4:5

Israelitakuna puririnankupaj toldonkuta oqharejtinku, Aaronwan chantá churinkunawan ima Dioswan Tinkukuna Toldopi velota oqharenqanku. Chay veloqa Diosllapaj T'aqasqa Cheqaman yaykunapi kashan, chaywantaj Dioswan trato ruwasqa arcata qhataykonqanku.

Números 7:89

Chay qhepata Moisés Tata Dioswan parlananpaj, Dioswan Tinkukuna Toldoman yaykorqa. Chantá Moisesqa Dioswan trato ruwasqa arca patapi querubinkunaj chawpinmanta Tata Diospa parlamusqanta uyarerqa, nispa.

1 Samuel 1:24

Aswan qhepanejman wawata januk'aytawan, Anaqa Silopi Dioswan Tinkukuna Toldoman aparqa. Apallarqataj kinsa watayoj torillota, uj arroba trigo jak'utawan, chantá uj wich'i vinota ima. Wawarí juch'uyllaraj karqa.

1 Samuel 14:3

Unkuta apaykachaj Ajiaspis chaypi kashallarqataj. Payqa Ajitobpa churin karqa, Icabodpa wawqentaj. Ajitobqa Finespa churin karqa, chantá Elíj allchhintaj. Eliqa Silopi Tata Diospa sacerdoten unayña kasqa. Chaypacha runakunaqa Jonatán llojsisqanta mana yacharqankuchu.

1 Samuel 2:22

Eliqa allin unayniyojña karqa, yacharqataj churinkuna israelitakunata imatachus ruwashasqankuta. Paykuna Dioswan Tinkukuna Toldo punkupi yanapakoj warmikunawan puñuykusqankutapis yachallarqataj.