1 Samuel 4:10 - DIOSPA QHELQACHISQAN DEUTEROCANONICAL

¹⁰ Chantá filisteokunaqa maqanakuspa, israelitakunata atipaykorqanku. Israelitakunarí wasinkuman ayqerqanku. Filisteokunaqa chaypacha may ashkhatapuni wañuracherqanku. Israelitakunamanta 30.000 soldadokuna wañorqanku.

Qheshwa Biblia DC

¹⁰ Filisteosqa maqanakorqanku atiparqankutaj israelitasta. Kaykunataj jarankuman ayqekaporqanku. Chaypacha may ashkhatapuni wañuracherqanku, chay maqanakojkuna israelitasmantaqa kinsa chunka soldados wañorqanku.

DIOSPA QHELQACHISQ

¹⁰ Chantá filisteokunaqa maqanakuspa, israelitakunata atipaykorqanku. Israelitakunarí wasinkuman ayqerqanku. Filisteokunaqa chaypacha may ashkhatapuni wañuracherqanku. Israelitakunamanta 30.000 soldadokuna wañorqanku.

1 Samuel 4:10 ပူးပေါင်းရင်းမြစ်များ

2 Samuel 18:17

Chaypacha Absalonpa ayanta, chay montepi uj jatun jusk'u karqa, chayllaman wijch'uykorqanku, patanmantaj rumita may chhikata qolluykorqanku. Tukuy israelita soldadokunataj sapa uj wasinkuman ayqerqanku.

2 Samuel 18:7

Israelmanta kajkunataj atipachikorqanku Davidpa soldadonkunawan. Chay p'unchaypeqa may ashkhapuni wañuchisqa karqanku. Tukuypi 20.000 jina wañorqanku.

2 Samuel 19:8

8 (9) Chantá kuraj kamachej Davidqa llajtaj punkunman rispa, tiyakamorqa. Tukuy soldado punkupi tiyakushasqanta yachaspa, payman rerqanku. Israelitakunatajrí tukuyninku wasinkuman ayqerqanku.

2 Samuel 20:1

Chaypacha Gilgal llajtapi kasharqa Benjamín jatun ayllumanta uj millay runa Sebá sutiyoj. Payqa Bicrij churin karqa. Sebaqa putututa waqachispa, nerqa: Yeséj churin Davidwanqa ni ima ruwananchej kanchu. Israelitakuna, wasiykichejman ripuychej, nispa.

1 Reyes 12:16

Tukuy runaqa kuraj kamachej paykunata mana uyariyta munasqanta reparaspa, nerqanku: Davidwan mana imapis ruwananchej kanchu. Yeséj churinwanqa mana ima chayaqenchejpis kanchu. Israelitakuna, wasiykichejman ripuychej. Davidpa ayllonqa ayllullanpi kamachichun, nispa. Jinaspa, israelitakunaqa wasinkuman riraporqanku.

1 Reyes 22:36

Inti yaykuytataj Israelpa soldadokuna ukhupi yachakorqa kuraj kamachej wañupusqan, chayrayku ninakorqanku: Sapa uj llajtaykichejman, wasiykichejman ima ripuychej.

2 Reyes 14:12

Chantá israelita soldadonkunaqa Amasiaspa soldadonkunata atipaykorqanku. Chayrayku Judamanta soldadokuna sapa uj wasinkuman ayqerqanku.

2 Crónicas 13:17

Abiaswan, soldadonkunawan may jina ashkha israelita soldadokunata wañuykucherqanku. Chaypacha 500.000 Israelpa ajllasqa soldadokunata wañucherqanku.

2 Crónicas 25:22

Chaypacha Judaqa Israelwan atipachikorqa, Judamanta kajkunataj sapa ujpis wasinkuman ayqerikaporqanku.

Salmos 78:9

Efraín jatun ayllumanta kajkunaqa arcowan, flechawan ima sumaj armasqa karqanku. Chaywanpis q'ewakuspa, awqankuwan maqanakuyta mana munarqankuchu.

Jeremías 7:12

Siloman riychej. Noqa chay cheqata ñawpajta ajllarqani, sutiy chaypi yupaychasqa kananpaj. Chantá Israel aylluy mana allin ruwasqanmanta, imatachus Silo llajtawan ruwasqayta rikuychej.

Levítico 26:17

Noqapis qankunaj contraykichejpi sayaykusaj, awqaykichejtaj atipasonqachej. Qankunata chejnisojkuna chakinku uraman churasonqachej, qankunataj mana pej qhatiykachasqallan ayqekunkichej.

Deuteronomio 28:15

Chaywanpis sichus Tata Diosniykej nisqanta mana jap'ikunkichu, nitaj, kunan qoshayki, chay kamachisqakunata, yuyaychaykunata ima mana kasunkichu chayqa, maldicisqapuni kanki:

Deuteronomio 28:25

Chantá Tata Diosqa qanta awqaykiwan atipachisonqa. Qan uj ñannejllata awqaykiwan maqanakoj rinki, atipachikuspataj, maynejtachus ayqenaykita mana yachaspa ch'eqeraspa ayqenki. Kay pachapi tukuy suyutaj t'ukuspa, chantá mancharisqa ima qhawasonqanku.

1 Samuel 3:11

Chantá Tata Diosqa payta nerqa: Israel suyupi uj manchay t'ukunata ruwasaj. Tukuy chayta uyarejkunaj ninrinku nananqa.

1 Samuel 4:2

Filisteokunaqa israelitakunawan maqanakunankupaj wakichikuspa, israelitakunata atipaykorqanku, chaypitaj 4.000 soldadokunata wañucherqanku.