1 Samuel 23:16 - DIOSPA QHELQACHISQAN DEUTEROCANONICAL

¹⁶ Chaypacha Saulpa churin Jonatán Davidta watukoj Horesman rerqa, Diosllamanta jap'ikuspa kananta yuyaychananpaj.

Qheshwa Biblia DC

¹⁶ Uj kutipi Saulpa wawan Jonatanqa Horesman rerqa Davidta watukoj, astawan kallpachanampaj Diospi astawan atienikunampaj.

DIOSPA QHELQACHISQ

¹⁶ Chaypacha Saulpa churin Jonatán Davidta watukoj Horesman rerqa, Diosllamanta jap'ikuspa kananta yuyaychananpaj.

1 Samuel 23:16 ပူးပေါင်းရင်းမြစ်များ

2 Timoteo 2:1

Qan, wawáy, kallpachakuy, Cristo Jesusman ujchasqa kasqanchejrayku, Dios qhasilla k'acha yanapayninta qowasqanchejnejta.

Efesios 6:10

Kunanqa kaytawan niykichej: Munasqa wawqe panakuna, Tukuyta Kamachej Jesuspa jatun atiyninwan kallpachakuyta mask'aychej.

San Lucas 22:32

Noqarí qanpaj mañapuyki, mana llawch'iyaspa noqapi atinikunaykipaj. Chayrayku maypachachus noqaman kutirimunki chaypacha, wawqe masiykikunata sinch'ita sayanankupaj kallpachay, nispa.

1 Samuel 30:6

Davidqa sinch'i phutisqa kasharqa, imaraykuchus soldadonkunaqa payta rumiwan ch'anqaykuyta munarqanku. Tukuyninku wawankukunamanta manchay llakisqa kasharqanku. Chaywanpis Davidqa Tata Diosninmanta jap'ikuspa, kallpachakorqa.

San Lucas 22:43

Jinallapi janaj pachamanta uj ángel rikhurimorqa Jesusta kallpachananpaj.

Nehemías 2:18

Chantá willarqani Dios imaynatachus khuyakuyninwan yanapawasqanta, jinataj imatachus kuraj kamachej parlawasqantapis. Paykunataj niwarqanku: Perqayta qallarinachej, nispa. Paykunataj sumajta kallpachanakuspa, perqayta qallarerqanku.

Proverbios 27:9

Sumajta q'apashaj jawinaqa sonqota kusichin, ajinallataj k'acha kawsaqej yuyaychasqanqa runatapis kusichillantaj.

Proverbios 27:17

Fierroqa fierrollawantaj filochakun. Runatapis runallataj aswan k'achaman tukuchin.

Deuteronomio 3:28

Qanqa Josueta yachachispa, sumaj sut'ita kamachiy, sonqochay, kallpachaytaj, imaraykuchus paymin israelitakunata pusanqa. Payqa, kunan rikunki, chay jallp'ata paykunaman rak'enqa, nispa.

Job 16:5

Noqachus qankuna jina kayman chayqa, kallpachaykichejman, misk'i simiwan parlapayaspataj, nanasqa sonqoykichejta thañirichiykichejman.

Ezequiel 13:22

Qankunaqa llullakusqaykichejwan cheqan ruwajkunata llakichinkichej. Noqataj mana munanichu llakisqa kanankuta. Qankunarí sonqochankichej sajra sonqoyojkunata millay purisqankumanta ama t'aqakunankupaj.

1 Samuel 23:15

Davidtajrí Zif nisqa ch'innejpi Horespi kashajtin, Saúl payta wañuchiyta munaspa jamushasqanta payman willarqanku.