1 Samuel 2:3 - DIOSPA QHELQACHISQAN DEUTEROCANONICAL

³ Ama ni pi runaykachaspa parlachunchu. Amataj pipis chhikata jatunchakuchunchu, imaraykuchus Tata Diosllamin tukuy imata yachaj Diosqa. Paymin yachan runaj ruwasqan allinchus manachus kasqanta.

Qheshwa Biblia DC

³ Ama ni pi runaykachaspa parlachunchu, amataj pipis chhikata alabakuchunchu, imaraykuchus Señorllamin tukuy imata yachaj Diosqa. Paymin juicioman churan tukuy runaspa ruwasqasninkutaqa.

DIOSPA QHELQACHISQ

³ Ama ni pi runaykachaspa parlachunchu. Amataj pipis chhikata jatunchakuchunchu, imaraykuchus Tata Diosllamin tukuy imata yachaj Diosqa. Paymin yachan runaj ruwasqan allinchus manachus kasqanta.

1 Samuel 2:3 ပူးပေါင်းရင်းမြစ်များ

1 Reyes 8:39

qan janaj pachamanta uyariy, maypichus tiyakunki, chaymantapacha. Chantá juchankuta pampachay sapa ujninkuman ruwasqankuman jina qospa, imaraykuchus qanllamin tukuy runaj sonqonkuta, tukuy yuyasqankutapis rejsinki.

Job 31:6

Tata Diosqa cabal balanzapi pesawachun, jinamanta mana juchayoj kasqayta yachananpaj.

Salmos 147:5

Tukuyta Kamachej Diosqa jatunmin, may atiyniyojtaj, yuyayninpis mana tukukuyniyojmin.

Salmos 17:10

Paykuna wapuykachaspa jatunchakunku, machu machullataj parlaykachanku.

Salmos 31:18

18 (19) Llullata parlajkuna ch'inyachisqa kachunku, pikunachus cheqan runamanta mana allintachu parlanku, chaykuna, imaraykuchus runaykachaspa, cheqan runata pisipaj qhawanku.

Salmos 44:21

21 (22) qanqa chayta yachawajpuni karqa, imaraykuchus qanqa sonqoyku ukhupi imatachus yuyasqaykuta yachankipuni.

Salmos 75:5

5 (6) Ama atiyniyoj kasqaykichejmanta runaykachaychejchu, amataj parlaspaqa wapu wapu kaychejchu, nispa.

Salmos 94:4

Tukuy mana allin kajta ruwajkuna runaykachaspa purinku, umata oqharispataj, jatunmanta parlaykachanku.

Proverbios 16:2

Runamanqa tukuy ima ruwasqanpis allillan rijch'an. Chaywanpis Tata Dioslla allinta qhawan imata yuyaspachus chayta ruwasqanta.

Proverbios 24:12

Sichus qan niwaj: Manapuni yacharqaykuchu, nispa chayqa, pichus sonqoykita rikojqa yachanpuni, ruwasqaykita rikusojtaj qhawanqa. Payqa sapa ujman ruwasqanman jina qoponqa.

Proverbios 8:13

Pikunachus Tata Diosta jatun respetowan qhawajkunaqa mana allin kajta chejnikunku. Chayrayku noqa chejnikuni jatunchakuyta, runaykachayta, millay puriyta, llullakuyta ima.

Isaías 26:7

Cheqan runaj ñannenqa cheqanpuni. Qantaj, Cheqan Kaj Tata Dios, cheqan runaj ñanninta pichanki.

Isaías 37:23

Qan, pipajtaj rimankiri? Pimantataj alqochakunkiri? Pejpa contrantataj chhika jatunmanta qhaparqachanki, may kasqaykita yuyakuspataj, umaykita oqharinkiri? Chaytaqa Israelpa May Llimphu Kaj Diosninpa contranta ruwashanki.

Jeremías 17:10

Noqa Tata Diosmin runaj sonqonta watuni, yuyaynintataj allinta qhawani. Chantá sapa ujman imaynatachus purisqanman jina, ruwasqanman jinataj pagapuni, nispa.

Ezequiel 35:13

Qanqa simiykita jatunta kicharispa, runaykacharqanki, contraypitaj ashkhata parlarqanki, chaytataj noqa uyarerqani, nispa.

Daniel (hebreo) 4:37

37 (34) Chayrayku noqa Nabucodonosorqa janaj pachapi Kuraj Kamachej Diosta yupaychani. Sutinta pataman oqharini, jatunchanitaj, imaraykuchus tukuy ruwasqanqa cheqapuni, cheqantaj. Chantá pay jatunchakojkunatapis k'umuykuchiyta atillantaj.

Daniel (hebreo) 5:27

TEKEL niyta munan: Balanzapi tupusqa kasqanki, manataj pesoman wakerqankichu, nispa.

Malaquías 3:13

Tata Dios nillantaj: Qankuna mayta contrayta rimankichej, nispa. Chantapis tapunkichejraj: Imatataj qanpa contraykipi parlaykuri? nispa.

Hebreos 4:12

Diospa simi nisqanqa kawsayniyoj, atiyniyojtaj, puraj filoyoj espadamantapis aswan filochasqa. Ajinaqa Diospa simi nisqan runaj sonqon ukhukamapuni chayan. Jinallataj runaj yuyasqanta, sonqonpi imatachus munasqantapis sut'ita sut'inchan, allinchus manachus kasqanta.

Josué 22:22

Tukuy dioskunaj Diosnin yachan, mana paypa contranpichu, nitaj paymanta karunchakuyta munaspachu kay altarta ruwasqaykuta. Pay yachan imaraykuchus ruwasqaykuta, kunantaj qankunapis yachallaychejtaj. Sichus Tata Diospa contranta oqharikuyta munaspa, paymanta t'aqakunaykurayku kay altarta ruwayku chayqa, kunanpacha wañurachiwayku.

Apocalipsis 2:23

Wawankunatapis noqa wañurachisaj. Ajinamanta tukuy iglesiakuna yachanqanku noqaqa runaj yuyayninta, sonqontawan ima rejsisqayta. Sapa ujniykichejmantaj ruwasqaykichejman jina qopusqaykichej.

Jueces 9:38

Chantá Zebul nerqa: Kunan parlariy á, simisapa. Qan nerqanki: Abimelecqa pitaj kasqa noqayku paypa kamachin kanaykupajri? nispa. Jaqaymin pisipaj qhawasqayki soldadokunaqa. Kunanqa llojsiy maqanakamuy ari, nispa.

1 Samuel 16:7

Tata Diostajrí nerqa: Ama allin rijch'ayninta qhawaychu, nitaj sayaynintapis. Mana noqaqa payta ajllakunichu. Noqaqa mana runa jinachu qhawani. Runaqa ñawinpa rikusqallanta qhawan, noqarí sonqota qhawani, nispa.