1 Samuel 2:29 - DIOSPA QHELQACHISQAN DEUTEROCANONICAL

²⁹ Noqa israelitakunata kamacherqani uywa ñak'asqata jaywanawankuta, jinataj ofrenda apamunawankuta. Imaraykutaj chaykunata manakajpaj qhawarqankichejri? Imaraykutaj churiykikunata noqamanta nisqa aswan jatunpaj qhawarqanki, tukuy Israel aylluypa aswan sumaj ofrenda apamuwasqankuwan paykunata wirayachispari?

Qheshwa Biblia DC

²⁹ Imaraykutaj qhesachankichej chay rikuchikusta noqa kamacherqaykichej jaywanaykichejta chaykunatari? Jinataj ofrentastapisri? Imaraykutaj wawasniykimanraj noqamanta aswan ñaupajta qonki, tukuy Israel aylluypa aswan sumaj ofrendasniywan paykunata wirayachispari?

DIOSPA QHELQACHISQ

²⁹ Noqa israelitakunata kamacherqani uywa ñak'asqata jaywanawankuta, jinataj ofrenda apamunawankuta. Imaraykutaj chaykunata manakajpaj qhawarqankichejri? Imaraykutaj churiykikunata noqamanta nisqa aswan jatunpaj qhawarqanki, tukuy Israel aylluypa aswan sumaj ofrenda apamuwasqankuwan paykunata wirayachispari?

1 Samuel 2:29 ပူးပေါင်းရင်းမြစ်များ

2 Reyes 12:6

Chaywanpis Joás iskay chunka kinsayoj watata kamachinankama, sacerdotekunaqa manarajpuni Diospa Templonta allinchasqankuchu.

Salmos 26:8

Tata Dios, tiyakunayki Temploykita noqa munakuni, maypichus jatun kayniykej lliphipiynin kashan, chayta.

Ezequiel 13:19

Qankunaqa aylluy ukhupi uj maki cebadarayku, uj chhikan t'antaraykutaj watuspa, honrayta t'akankichej. Wañunanpaj kaj runatataj kawsananta ninkichej, kawsananpaj runatataj wañunanta sut'inchankichej. Ajinata qankuna aylluyta ch'awkiyankichej, llullata sut'inchasqaykichejmanta jap'ikusqankurayku.

Ezequiel 34:10

Noqa Tukuyta Kamachej Tata Dios nini: Noqa qankunaj contraykichejpi sayaykuni, ovejaykunamantataj qankunamanta cuentata mañasqaykichej. Manaña astawan ovejaykunata michinkichejchu, amaña qankuna kikiykichejta allinpi qhawakunaykichejpaj. Ovejaykunataqa simiykichejmanta qhechukapusaj, amaña ovejaykunata mikhukapunaykichejpaj, nispa.

Ezequiel 34:2

Runaj churin, Israelta michejkunaj contrankuta parlaspa, ajinata niy: Tukuyta Kamachej Tata Dios kay jinata nisunkichej: Ay qankunamanta, Israel aylluta michejkuna, imapichus rikhurinkichej. Qankunaqa allinnillaykichejta mask'akunkichej. Manachu michejkunaqa ovejakunaj allinninkuta mask'ananku tiyan?

Oseas 4:8

Aylluy juchanku pampachasqa kananpaj imatachus qosqankumanta sacerdotekuna kawsanku. Chayrayku sacerdotekuna munanku aylluy juchallinallankutapuni.

Levítico 19:15

Qan juez kaspaqa, cheqanta ruwanki, ama wajchaman sayakuspa, nitaj qhapajman. Justiciataqa cheqantapuni ruwanki.

Miqueas 3:5

Israel aylloyqa pantay ñanllatapuni rishan, sut'inchajkunawan q'otiyachikusqanrayku. Pikunachus paykunata mikhuchejkunaman chay sut'inchajkuna ninku: Allillanpi tiyakusunchej, nispa. Pikunachus mana imatapis qonkuchu chaykunatarí, maqaj sayaykunku.

San Mateo 10:37

Pichus tatanta, chayrí mamanta noqamanta astawan munakojqa mana noqajta kananpaj jinachu. Ajinallatataj, sichus pipis churinta, chayrí ususinta noqamanta astawan munakun chayqa, nillataj payqa noqajta kananpaj jinachu.

San Mateo 22:16

Paykunataj wakin fariseo masinkunata, herodianokunatawan ima kacharqanku Jesusta nimunankupaj: Yachachej Wiraqochi, qan cheqanta parlaj kasqaykita yachayku, Diosta kasunatataj cheqanta yachachisqaykita ima. Qan manallataj pejpa nisqantapis kasunkichu, nitaj runaj uyanta qhawarispallachu imatapis ruwanki.

San Lucas 14:26

Pipis yachachisqay kayta munajqa noqatapuni astawan munakunawan tiyan. Tatanmanta, mamanmanta, wawanmanta, wawqe pananmanta, kikin kawsayninmantapis astawan noqata munakunawan tiyan.

Romanos 16:18

Chay jina runakuna mana Tukuyta Kamachej Jesucristoj munasqantachu ruwanku, manachayqa wijsallankumanta qhawanku. Jinataj k'achata parlaspa, misk'i simiwan manaraj allin yachajkunata q'otiyanku.

2 Corintios 5:16

Chayrayku kunanmanta ñawpajmanqa manaña pitapis qhawaykuchu Diosman mana kutirikojkunaj yuyasqankuman jina. Arí, ñawpajta Cristotapis Diosman mana kutirikojkuna jina qhawaj kayku. Kunanrí payta manaña jinatachu qhawayku.

Deuteronomio 32:15

Chaywanpis Israelqa manchayta qhapajyarqa, ruwajnin Diosmantataj qonqaporqa. Llosq'olla kanankukama wirayarqanku. Ruwajninku Diostataj qonqaporqanku, jark'akoj, qhespichejninkutataj pisipaj qhawarqanku.

Deuteronomio 33:9

Paykunaqa tatankuta, mamankuta nerqanku: Mana jayk'ajpis rikorqaykichejchu, nispa. Jinallataj wawqenkukunatapis nillarqankutaj: Qankunata mana rejsiykuchu, nispa. Wawankunatapis nillarqankutaj: Pichus kasqaykichejta mana yachanichu, nispa. Paykunaqa nisqaykita kasorqanku, trato ruwasqaykitapis junt'arqanku.

Santiago 3:17

Diosmanta yachayniyoj kayta jap'ejkunarí llimphu puriyniyoj kanku. Paykuna allinpi kawsakuyta mask'anku, Diosta kasukojkuna kanku, tukuywantaj k'acha. Jinallataj paykuna ñak'arejkunamanta khuyakuyta yachanku, chantá allin kajta ruwaspallapuni purinku. Paykunaqa mana runaj uyantachu qhawanku, jinataj Diosta tukuy sonqo qhatejkuna jina purinku.

Josué 18:1

Israelitakuna jallp'ata jap'iyta tukuspaña, tukuyninku Silo llajtapi tantakorqanku, chaypi Dioswan Tinkukuna Toldota sayarichinankupaj.

1 Samuel 3:13

Willaniña tukuy ayllunmanta kajkuna wiñaypaj juchachasqa kanankuta. Pay yachanña juchanku imachus kasqanta. Churinkunaqa millayta ruwaspa phiñachiwarqanku, paytaj mana paykunata k'amerqachu.